शहरातील ८९ शाळांमधील २६ हजार विद्यार्थ्यांनी दिला स्वच्छतेचा संदेश
म. टा. प्रतिनिधी, जळगाव
महापालिका प्रशासनाने जळगाव शहर स्वच्छ व सुंदर करण्यासाठी पुढाकार घेतला आहे. त्यासाठी आरोग्य विभागातील यंत्रणेत सुधारणा करण्यात आली आहे. त्याचाच पुढचा भाग म्हणून जळगावकरांचाही या स्वच्छता मिशनमध्ये सहभाग घेण्यासाठी आयुक्त जीवन सोनवणे यांच्या संकल्पनेतून आज मंकरसंक्रातीचे औचित्य साधून शहरातील सुमारे ८९ शाळांच्या त्यांच्याच परिसरात स्वच्छता प्रबोधन रॅली काढण्यात आल्या. रॅलीत विद्यार्थ्यांनी दिलेल्या स्वच्छतेच्या घोषणेमुळे अवघे जळगाव शहर दणाणले होते.
पंतप्रधान नरेंद्र मोदी यांच्या घोषणेनंतर देशात व राज्यात ‘स्वच्छ भारत व महाराष्ट्र’ अभियानांतर्गत सरकारने अनेक योजना सुरू केल्या आहेत. त्याअंतर्गत जळगावातदेखील स्वच्छता अभियान राबवून जळगाव शहर स्वच्छ व सुंदर करण्यासाठी महापालिका प्रशासनाने कंबर कसली आहे. प्रशासनाने दैनंदिन स्वच्छतेच्या कामात सुधारणा केली आहे. जळगावातील कचरा संकलन करणाऱ्या वाहनांमध्ये जीपीएस यंत्रणा बसविण्यात आली आहे. तर स्वच्छतेचे महापालिकेने स्वतंत्र अप तयार करून त्या माध्यमातून जळगावकरांच्या तक्रारी मांडण्यास व्यासपीठ उपलब्ध करून देण्यात आले आहे. प्रशासनाच्या या प्रयत्नांसोबतच जळगावकरांचादेखील या स्वच्छता अभियानात सहभाग घेण्यासाठी दुसऱ्या टप्प्यावर काम सुरू करण्यात आले. त्यासाठी शनिवारी (दि. १४) संपूर्ण जळगाव शहरात विद्यार्थ्यांच्या स्वच्छता प्रबोधन रॅली काढण्यात आल्यात.
चौबे शाळेत प्रारंभ
शहरातील सुमारे सव्वाशे शाळांमध्ये रॅली काढण्यात आल्यात. त्याची सुरुवात आयुक्त जीवन सोनवणे यांच्या हस्ते महापालिकेच्या चौबे शाळेत हिरवी झेंडी दाखवून करण्यात आली. यावेळी प्रशासन अधिकारी वसंत महाजन, अभियंता उदय पाटील उपस्थित होते. यानंतर आर. आर. शाळेतील रॅलीलादेखील आयुक्तांनी भेट दिली.
फलक, घोषवाक्यांनी वेधले लक्ष
शाळांनी आपापल्या परिसरात सकाळी ९ ते १० वाजे दरम्यान या रॅली काढल्यात.विद्यार्थ्यांच्या हातात ‘स्वच्छता शिका, आरोग्याला जिंका’ ,’गाडगेबाबांना मानूया, स्वच्छतेला जपू या’, ‘दररोज काढा केर, विषाणू करा ढेर, ‘स्वच्छता असे जेथे, आरोग्य वसे तेथे’, ‘क्लिन सिटी, जळगाव सिटी’, ‘गली गली मे एकही नारा, स्वच्छ सुंदर, जलगाव हमारा’ अशी घोषवाक्ये लिहलेले फलक होते. हे फलक जळगावकरांचे लक्ष वेधून घेत होते.
लक्षवेधी उत्साह
शहरातील ८९ शाळांचा सहभाग
२६ हजार ३५१ विद्यार्थी
९८१ शिक्षक
म. टा. प्रतिनिधी, जळगाव
महापालिका प्रशासनाने जळगाव शहर स्वच्छ व सुंदर करण्यासाठी पुढाकार घेतला आहे. त्यासाठी आरोग्य विभागातील यंत्रणेत सुधारणा करण्यात आली आहे. त्याचाच पुढचा भाग म्हणून जळगावकरांचाही या स्वच्छता मिशनमध्ये सहभाग घेण्यासाठी आयुक्त जीवन सोनवणे यांच्या संकल्पनेतून आज मंकरसंक्रातीचे औचित्य साधून शहरातील सुमारे ८९ शाळांच्या त्यांच्याच परिसरात स्वच्छता प्रबोधन रॅली काढण्यात आल्या. रॅलीत विद्यार्थ्यांनी दिलेल्या स्वच्छतेच्या घोषणेमुळे अवघे जळगाव शहर दणाणले होते.
पंतप्रधान नरेंद्र मोदी यांच्या घोषणेनंतर देशात व राज्यात ‘स्वच्छ भारत व महाराष्ट्र’ अभियानांतर्गत सरकारने अनेक योजना सुरू केल्या आहेत. त्याअंतर्गत जळगावातदेखील स्वच्छता अभियान राबवून जळगाव शहर स्वच्छ व सुंदर करण्यासाठी महापालिका प्रशासनाने कंबर कसली आहे. प्रशासनाने दैनंदिन स्वच्छतेच्या कामात सुधारणा केली आहे. जळगावातील कचरा संकलन करणाऱ्या वाहनांमध्ये जीपीएस यंत्रणा बसविण्यात आली आहे. तर स्वच्छतेचे महापालिकेने स्वतंत्र अप तयार करून त्या माध्यमातून जळगावकरांच्या तक्रारी मांडण्यास व्यासपीठ उपलब्ध करून देण्यात आले आहे. प्रशासनाच्या या प्रयत्नांसोबतच जळगावकरांचादेखील या स्वच्छता अभियानात सहभाग घेण्यासाठी दुसऱ्या टप्प्यावर काम सुरू करण्यात आले. त्यासाठी शनिवारी (दि. १४) संपूर्ण जळगाव शहरात विद्यार्थ्यांच्या स्वच्छता प्रबोधन रॅली काढण्यात आल्यात.
चौबे शाळेत प्रारंभ
शहरातील सुमारे सव्वाशे शाळांमध्ये रॅली काढण्यात आल्यात. त्याची सुरुवात आयुक्त जीवन सोनवणे यांच्या हस्ते महापालिकेच्या चौबे शाळेत हिरवी झेंडी दाखवून करण्यात आली. यावेळी प्रशासन अधिकारी वसंत महाजन, अभियंता उदय पाटील उपस्थित होते. यानंतर आर. आर. शाळेतील रॅलीलादेखील आयुक्तांनी भेट दिली.
फलक, घोषवाक्यांनी वेधले लक्ष
शाळांनी आपापल्या परिसरात सकाळी ९ ते १० वाजे दरम्यान या रॅली काढल्यात.विद्यार्थ्यांच्या हातात ‘स्वच्छता शिका, आरोग्याला जिंका’ ,’गाडगेबाबांना मानूया, स्वच्छतेला जपू या’, ‘दररोज काढा केर, विषाणू करा ढेर, ‘स्वच्छता असे जेथे, आरोग्य वसे तेथे’, ‘क्लिन सिटी, जळगाव सिटी’, ‘गली गली मे एकही नारा, स्वच्छ सुंदर, जलगाव हमारा’ अशी घोषवाक्ये लिहलेले फलक होते. हे फलक जळगावकरांचे लक्ष वेधून घेत होते.
लक्षवेधी उत्साह
शहरातील ८९ शाळांचा सहभाग
२६ हजार ३५१ विद्यार्थी
९८१ शिक्षक