स्वच्छता अभियानात पालिकेसह स्वयंसेवी संस्थांचा सहभाग
म. टा. प्रतिनिधी, जळगाव
राष्ट्रपिता महात्मा गांधी यांच्या जयंतीनिमित्त बुधवारी (दि. २) जळगावात स्वच्छता अभियान राबविण्यात आले. यात महापालिकेसह शराहतील स्वयंसेवी संस्थांनी सहभाग घेतला. मनपाने शहरात प्लास्टिकमुक्त अभियानाचीही सुरुवात केली. यात शहरातील विविध शाळा, महाविद्यालये, महिला बचतगट, महापालिका कर्मचारी, सामाजिक संस्थांचे पदाधिकारी व कर्मचारी सहभागी होऊन त्यांनी शहरातील अनेक ठिकाणी स्वच्छता केली.
महापालिका इमारतीपासून ही मोहीम सुरू करण्यात आली. या वेळी प्रथम सर्वांना स्वच्छतेची शपथ दिली. नंतर विद्यार्थ्यांची जनजागृती रॅली काढण्यात आली. शहरातील बाजारपेठ, मुख्य रस्ते, व्यापारी संकुलन, शाळा, महाविद्यालय तसेच जिल्हाधिकारी कार्यालय, पोलिस अधीक्षक कार्यालय यासह अन्य शासकीय कार्यालयात स्वच्छता मोहीम राबविण्यात आली. या अभियानात २५ बचतगटांतील २५०० महिला, मनपाचे १८०० कर्मचारी, अधिकारी, ३० सामाजिक संस्थांचे अधिकारी, पदाधिकारी, कर्मचारी सहभागी झाले होते.
संत निरंकारी फाउंडेशन
संत निरंकारी चॅरिटेबल फाउंडेशनतर्फे जळगावात बुधवारी सकाळी ८ ते १२ या वेळेत रेल्वेस्थानकावर २०० सेवेकऱ्यांनी स्वच्छता केली. संयोजक रमेश आहुजा यांच्या हस्ते स्वच्छतेस सुरुवात झाली. या वेळी रेल्वेचे अधिकारी उपस्थित होते. या अभियानातंर्गत जिल्हाधिकारी कार्यालयाच्या आवारात जिल्हाधिकारी डॉ. अविनाश ढाकणे यांच्या उपस्थितीत स्वच्छता मोहीम राबविण्यात आली. याप्रसंगी सर्व अधिकारी, कर्मचारी यांनी जिल्हाधिकारी कार्यालयाचा परिसर स्वच्छ केला.
म. टा. प्रतिनिधी, जळगाव
राष्ट्रपिता महात्मा गांधी यांच्या जयंतीनिमित्त बुधवारी (दि. २) जळगावात स्वच्छता अभियान राबविण्यात आले. यात महापालिकेसह शराहतील स्वयंसेवी संस्थांनी सहभाग घेतला. मनपाने शहरात प्लास्टिकमुक्त अभियानाचीही सुरुवात केली. यात शहरातील विविध शाळा, महाविद्यालये, महिला बचतगट, महापालिका कर्मचारी, सामाजिक संस्थांचे पदाधिकारी व कर्मचारी सहभागी होऊन त्यांनी शहरातील अनेक ठिकाणी स्वच्छता केली.
महापालिका इमारतीपासून ही मोहीम सुरू करण्यात आली. या वेळी प्रथम सर्वांना स्वच्छतेची शपथ दिली. नंतर विद्यार्थ्यांची जनजागृती रॅली काढण्यात आली. शहरातील बाजारपेठ, मुख्य रस्ते, व्यापारी संकुलन, शाळा, महाविद्यालय तसेच जिल्हाधिकारी कार्यालय, पोलिस अधीक्षक कार्यालय यासह अन्य शासकीय कार्यालयात स्वच्छता मोहीम राबविण्यात आली. या अभियानात २५ बचतगटांतील २५०० महिला, मनपाचे १८०० कर्मचारी, अधिकारी, ३० सामाजिक संस्थांचे अधिकारी, पदाधिकारी, कर्मचारी सहभागी झाले होते.
संत निरंकारी फाउंडेशन
संत निरंकारी चॅरिटेबल फाउंडेशनतर्फे जळगावात बुधवारी सकाळी ८ ते १२ या वेळेत रेल्वेस्थानकावर २०० सेवेकऱ्यांनी स्वच्छता केली. संयोजक रमेश आहुजा यांच्या हस्ते स्वच्छतेस सुरुवात झाली. या वेळी रेल्वेचे अधिकारी उपस्थित होते. या अभियानातंर्गत जिल्हाधिकारी कार्यालयाच्या आवारात जिल्हाधिकारी डॉ. अविनाश ढाकणे यांच्या उपस्थितीत स्वच्छता मोहीम राबविण्यात आली. याप्रसंगी सर्व अधिकारी, कर्मचारी यांनी जिल्हाधिकारी कार्यालयाचा परिसर स्वच्छ केला.