म. टा. वृत्तसेवा, जळगाव
नोव्हेंबर महिन्यात जिल्ह्यातील १२ नगरपरिषदांच्या निवडणुकांसाठी काँग्रेस तयार असून, एरंडोल, बोदवड व भुसावळ नगरपरिषदा काँग्रेस स्वबळावर लढणार असल्याची माहिती पक्षाच्या महिला प्रदेशाध्यक्षा हेमलता पाटील यांनी शुक्रवारी पत्रकार परिषदेत दिली.
हेमलता पाटील यांनी सांगितले की, चोपडा, फैजपूर व रावेर या परिषदांमध्ये काँग्रेस समविचारी पक्षांसोबत जाणार आहे. पक्षविरहीत आघाडीबाबत विचार केला जाणार आहे. या निवडणुकांमध्ये कुठल्या पक्षासोबत जायचे, कुठे युती करायची याबाबत तालुकाप्रमुखांना अधिकार देण्यात आल्याचे हेमलता पाटील यांनी सांगितले. विधान परिषदेच्या आगामी निवडणुकीत भाजप उमेदवाराला विजयापासून दूर ठेवण्याचा प्रयत्न राहणार आहे. त्यासाठी चर्चा सुरू असल्याची माहिती डॉ. उल्हास पाटील यांनी दिली. भाजपची सध्याची स्थिती ही ‘दोन हत्तींच्या लढाईत शेत खराब’, अशी झाल्याचा दावा डॉ. उल्हास पाटील यांनी केला. पत्रकार परिषदेत पक्षाचे जिल्हा प्रमुख व पदाधिकारी उपस्थित होते.
नोव्हेंबर महिन्यात जिल्ह्यातील १२ नगरपरिषदांच्या निवडणुकांसाठी काँग्रेस तयार असून, एरंडोल, बोदवड व भुसावळ नगरपरिषदा काँग्रेस स्वबळावर लढणार असल्याची माहिती पक्षाच्या महिला प्रदेशाध्यक्षा हेमलता पाटील यांनी शुक्रवारी पत्रकार परिषदेत दिली.
हेमलता पाटील यांनी सांगितले की, चोपडा, फैजपूर व रावेर या परिषदांमध्ये काँग्रेस समविचारी पक्षांसोबत जाणार आहे. पक्षविरहीत आघाडीबाबत विचार केला जाणार आहे. या निवडणुकांमध्ये कुठल्या पक्षासोबत जायचे, कुठे युती करायची याबाबत तालुकाप्रमुखांना अधिकार देण्यात आल्याचे हेमलता पाटील यांनी सांगितले. विधान परिषदेच्या आगामी निवडणुकीत भाजप उमेदवाराला विजयापासून दूर ठेवण्याचा प्रयत्न राहणार आहे. त्यासाठी चर्चा सुरू असल्याची माहिती डॉ. उल्हास पाटील यांनी दिली. भाजपची सध्याची स्थिती ही ‘दोन हत्तींच्या लढाईत शेत खराब’, अशी झाल्याचा दावा डॉ. उल्हास पाटील यांनी केला. पत्रकार परिषदेत पक्षाचे जिल्हा प्रमुख व पदाधिकारी उपस्थित होते.