कंत्राटी वीज कर्मचारी सोमवारपासून संपावर

म. टा. प्रतिनिधी, जळगाव

कंत्राटी तसेच आऊटसोर्सिंग वीज कामगारांच्या प्रलंबित मागण्यांबाबत कुठलाही निर्णय न झाल्याने दुसऱ्या टप्प्यात बेमुदत संप पुकारण्यात येणार आहे. दि. २२ मे पासून जळगाव जिल्ह्यातील महापारेषण, महानिर्मिती तसेच महावितरण मधील कंत्राटी व आऊटसोर्सिंग कामगार हे बेमुदत संपावर जाणार आहेत.

विविध मागण्यांसाठी ४ वर्षांपासून कृती समितीतील संघटनांतर्फे रानडे समिती, अनुराधा भाटिया समितीसमोर संघटनांनी अनेक न्यायालयीन निवाडे सादर केले होते. दुसऱ्या टप्प्यात संघटनांनी २२ मेपासून मागण्या मान्य होईपर्यंत बेमुदत संपावर जाण्याचा निर्णय घेतला आहे. त्यानुसार कर्मचाऱ्यांनी सहभागी होऊन बंद १०० टक्के यशस्वी करण्याचे आवाहन अरविंद देवरे, विरेंद्रसिंग पाटील यांनी केले आहे.