म. टा. प्रतिनिधी, जळगाव
काँग्रेसचे माजी पदाधिकारी व माहिती अधिकार कार्यकर्ते उल्हास साबळे यांच्या निवासस्थानावरच्या मजल्यावरील अनधिकृत बांधकाम पाडण्यासाठी शनिवारी (दि. १४) पोलिस बंदोबस्तासह महापालिका अतिक्रमण निर्मूलन व नगरचना विभागाचा ताफा गेला होता. यावेळी साबळे कुटुंबीयांनी त्यांना घरात येऊ देण्यास विरोध केल्याने काहीवेळ गोंधळ निर्माण झाला. अखेर साबळे यांनी जिल्हाधिकारी किशोर राजेनिंबाळकर यांची भेट घेतल्यानंतर त्यांना स्वत:हून बांधकाम तोडण्यासाठी दोन दिवसांची मुदत देण्यात आली. पोलिस बंदोबस्तात अनधिकृत बांधकामाची मोजणी करून मार्किंगही करण्यात आली.
जळगाव शहरातील उल्हास देवराम साबळे यांचे वृंदावन कॉलनीमध्ये निवासस्थान आहे. प्लॉट न. ०५ सर्व्हे नंबर २७८ सिटी सर्व्हे नंबर ८३४७ या त्यांच्या घराच्या अनधिकृत बांधकामाबाबत तक्रार आली होती. त्यावरून महापालिका नगररचना विभागाकडून त्याची प्रत्यक्ष पाहणी करण्यात आल्यानंतर त्यांना पहिल्या मजल्यावरील बाल्कनी असे बांधकाम अनधिकृत केल्याचे निष्पन्न झाले होते. त्यानंतर त्यांना अनधिकृत बांधकामाची नोटीसही बजावण्यात आली होती. त्यावर हायकोर्टात कामकाज झाले होते. हायकोर्टाच्या निकालानुसार साबळेंनी ३० सप्टेंबर २०१७ पर्यंत अनधिकृत बांधकाम स्वत: निष्कासित करणे आवश्यक होते. मात्र त्यांनी ते अनधिकृत बांधकाम निष्कासित न केल्याने ही कारवाई करण्यात आली.
शनिवारी (दि. १४) महापालिकेचे नगररचना विभागाचे सहाय्यक नगररचनाकार भास्कर भोळे, शकील शेख, सुभाष चौधरी, भागवत पाटील व अतिक्रमण निर्मूलन अधीक्षक एच. एम. खान यांच्यासह त्यांचे पथक व दोन ट्रॅक्टर असा सर्व ताफा साबळे यांच्या निवासस्थानी कारवाईसाठी पोहचला होता. अनुचित प्रकार होऊ नये त्यासाठी पोलिस बंदोबस्तदेखील नेण्यात आला होता.
वाढीव बांधकामाचे मोजमाप करून मार्किंग
काही वेळानंतर साबळे घरी आले. त्यांनी जिल्हाधिकारी यांच्याकडे आपण मुदत मागून घेतली. त्यामुळे सोमवारी (दि. १६) दुपारी २ वाजेपर्यंत स्वत: अनधिकृत बांधकाम पाडून घेण्याची मुदत त्यांना देण्यात आली, असे सांगितले. त्यानंतर पोलिस बंदोबस्तात त्यांच्या निवासस्थानात नगररचना अभियंत्यांनी अनधिकृत बांधकामाची मोजणी केली. संपूर्ण पहिल्या मजल्याचा भोगवटा प्रमाणपत्र नसताना वापर सुरू असून, पहिल्या मजल्यावरील उत्तरेकडील १३.१० मीटर बाय १.४० मीटर तसेच वाढीव बाल्कनीसह इतर बांधकाम अनधिकृत असल्याचे सांगण्यात आले.
सुटीच्या दिवशी तसेच दिवाळी तोंडावर अशाप्रकारे नोटीस न देता कारवाई करण्यासाठी येणे चुकीचे आहे. जळगावात २ हजारांपेक्षा अधिक अनधिकृत बांधकामे आहेत. त्यांच्यावर का कारवाई केली जात नाही. जिल्हाधिकाऱ्यांशी चर्चा करून मुदत मागून घेतली आहे.
- उल्हास साबळे, आरटीआय कार्यकर्ते
विरोध केल्याने गोंधळ
पालिका पथक व पोलिसांचा ताफा येताच उल्हास साबळे व त्यांचा मुलगा स्वप्नील साबळे यांनी या अधिकाऱ्यांना गेटवरच रोखून धरले. तसेच दिवाळी असताना व सुटीच्या दिवशी कारवाई कशी, असा प्रश्न विचारात कारवाईस विरोध केला. यावेळी काहीवेळ गोंधळ निर्माण झाला. लागलीच साबळे यांनी प्रभारी आयुक्त व जिल्हाधिकारी किशोर राजेनिंबाळकर यांची भेट घेऊन तेवढा वेळ द्या अशी मुदत मागून घेतली. त्यानंतर त्यांनी जिल्हाधिकारी कार्यालयात जाऊन त्यांची भेट घेतली. त्या दरम्यान निवासस्थानी त्यांच्या मुलगा स्वप्नीलने गेटला कुलुप लावून रोखून धरल्याने अर्धा तास गोंधळ सुरूच होता.
काँग्रेसचे माजी पदाधिकारी व माहिती अधिकार कार्यकर्ते उल्हास साबळे यांच्या निवासस्थानावरच्या मजल्यावरील अनधिकृत बांधकाम पाडण्यासाठी शनिवारी (दि. १४) पोलिस बंदोबस्तासह महापालिका अतिक्रमण निर्मूलन व नगरचना विभागाचा ताफा गेला होता. यावेळी साबळे कुटुंबीयांनी त्यांना घरात येऊ देण्यास विरोध केल्याने काहीवेळ गोंधळ निर्माण झाला. अखेर साबळे यांनी जिल्हाधिकारी किशोर राजेनिंबाळकर यांची भेट घेतल्यानंतर त्यांना स्वत:हून बांधकाम तोडण्यासाठी दोन दिवसांची मुदत देण्यात आली. पोलिस बंदोबस्तात अनधिकृत बांधकामाची मोजणी करून मार्किंगही करण्यात आली.
जळगाव शहरातील उल्हास देवराम साबळे यांचे वृंदावन कॉलनीमध्ये निवासस्थान आहे. प्लॉट न. ०५ सर्व्हे नंबर २७८ सिटी सर्व्हे नंबर ८३४७ या त्यांच्या घराच्या अनधिकृत बांधकामाबाबत तक्रार आली होती. त्यावरून महापालिका नगररचना विभागाकडून त्याची प्रत्यक्ष पाहणी करण्यात आल्यानंतर त्यांना पहिल्या मजल्यावरील बाल्कनी असे बांधकाम अनधिकृत केल्याचे निष्पन्न झाले होते. त्यानंतर त्यांना अनधिकृत बांधकामाची नोटीसही बजावण्यात आली होती. त्यावर हायकोर्टात कामकाज झाले होते. हायकोर्टाच्या निकालानुसार साबळेंनी ३० सप्टेंबर २०१७ पर्यंत अनधिकृत बांधकाम स्वत: निष्कासित करणे आवश्यक होते. मात्र त्यांनी ते अनधिकृत बांधकाम निष्कासित न केल्याने ही कारवाई करण्यात आली.
शनिवारी (दि. १४) महापालिकेचे नगररचना विभागाचे सहाय्यक नगररचनाकार भास्कर भोळे, शकील शेख, सुभाष चौधरी, भागवत पाटील व अतिक्रमण निर्मूलन अधीक्षक एच. एम. खान यांच्यासह त्यांचे पथक व दोन ट्रॅक्टर असा सर्व ताफा साबळे यांच्या निवासस्थानी कारवाईसाठी पोहचला होता. अनुचित प्रकार होऊ नये त्यासाठी पोलिस बंदोबस्तदेखील नेण्यात आला होता.
वाढीव बांधकामाचे मोजमाप करून मार्किंग
काही वेळानंतर साबळे घरी आले. त्यांनी जिल्हाधिकारी यांच्याकडे आपण मुदत मागून घेतली. त्यामुळे सोमवारी (दि. १६) दुपारी २ वाजेपर्यंत स्वत: अनधिकृत बांधकाम पाडून घेण्याची मुदत त्यांना देण्यात आली, असे सांगितले. त्यानंतर पोलिस बंदोबस्तात त्यांच्या निवासस्थानात नगररचना अभियंत्यांनी अनधिकृत बांधकामाची मोजणी केली. संपूर्ण पहिल्या मजल्याचा भोगवटा प्रमाणपत्र नसताना वापर सुरू असून, पहिल्या मजल्यावरील उत्तरेकडील १३.१० मीटर बाय १.४० मीटर तसेच वाढीव बाल्कनीसह इतर बांधकाम अनधिकृत असल्याचे सांगण्यात आले.
सुटीच्या दिवशी तसेच दिवाळी तोंडावर अशाप्रकारे नोटीस न देता कारवाई करण्यासाठी येणे चुकीचे आहे. जळगावात २ हजारांपेक्षा अधिक अनधिकृत बांधकामे आहेत. त्यांच्यावर का कारवाई केली जात नाही. जिल्हाधिकाऱ्यांशी चर्चा करून मुदत मागून घेतली आहे.
- उल्हास साबळे, आरटीआय कार्यकर्ते
विरोध केल्याने गोंधळ
पालिका पथक व पोलिसांचा ताफा येताच उल्हास साबळे व त्यांचा मुलगा स्वप्नील साबळे यांनी या अधिकाऱ्यांना गेटवरच रोखून धरले. तसेच दिवाळी असताना व सुटीच्या दिवशी कारवाई कशी, असा प्रश्न विचारात कारवाईस विरोध केला. यावेळी काहीवेळ गोंधळ निर्माण झाला. लागलीच साबळे यांनी प्रभारी आयुक्त व जिल्हाधिकारी किशोर राजेनिंबाळकर यांची भेट घेऊन तेवढा वेळ द्या अशी मुदत मागून घेतली. त्यानंतर त्यांनी जिल्हाधिकारी कार्यालयात जाऊन त्यांची भेट घेतली. त्या दरम्यान निवासस्थानी त्यांच्या मुलगा स्वप्नीलने गेटला कुलुप लावून रोखून धरल्याने अर्धा तास गोंधळ सुरूच होता.