जळगावकरांना मोठा दिलासा; एकमेव रुग्ण करोनामुक्त

जळगाव: देशभरात करोनाचा संसर्ग वाढत आहे. त्यात महाराष्ट्रात करोनाने सर्वात जास्त थैमान घातले आहे. अशावेळी जळगावकरांसाठी मात्र एक दिलासादायक बातमी आली आहे. जळगावात आढळलेल्या पहीला करोना रुग्ण करोनामुक्त झाला आहे. या रुग्णाचा आज १४ दिवसानंतर पुन्हा पाठवलेल्या नमुन्याचा अहवाल निगेटीव्ह आला आहे. त्यामुळे आता जळगावात एकही पाझिटीव्ह रुग्ण नसल्याचे आशादायी चित्र आहे.

करोनाच्या छायेतील वस्त्यांना भुजबळांचा मोठा दिलासा

जळगाव शहरातील मेहरूण परिसरात असलेल्या एका ४९ वर्षीय नागरिकाला कोरोनाची लागण झाल्याचे दि. २७ एप्रिल रोजी निष्पन्न झाले होते. हा व्यक्ती ट्रॅव्हल कंपनीत काम करीत होता. तो सौदी अरेबिया येथे जावून आला होता. या पार्श्वभूमीवर महापालिका प्रशासनाने तातडीने या रुग्णांच्या कुटुंबासह त्याच्या संपर्कात आलेल्या नागरिकांची तपासणी करुन त्यांचे नमुने देखील तपासणीसाठी पाठवले होते. त्यांचे नमुने निगेटीव्ह आले होते. या भागातील २४०० घरांमधील तब्बल १३ हजार नागरिकांची तपासणी केली आहे. येथील २ हजार ४०० घरांचे सर्वेक्षण करण्यात आले. सलग १४ दिवस हे सर्व्हेक्षण सुरु होते. तसेच या रुग्णावर शासकीय वैद्यकीय रुग्णालयातील करोना कक्षात उपचार सुरु होते. १४ दिवस पूर्ण झाल्याने या रुग्णाचे नमूने घेवून पुन्हा ते तपासणीसाठी पाठविण्यात आले होते. या नमुन्यांचा अहवाल आज प्राप्त झाला असून तो निगेटीव्ह आला आहे. यामुळे जळगावकरांना एका मोठा दिलासा मिळाला आहे.

गुड न्यूज! २५ जिल्ह्यांत करोनाचा नवीन रुग्ण नाही

प्रलंबित २८ अहवाल निगेटीव्ह; ८ प्रतीक्षेत

जळगाव जिल्ह्यात आढळून आलेल्या पहिल्या कोरोनाबाधीत रुग्णाचा १४ दिवसांनंतर घेण्यात आलेल्या पहिल्या स्वॅब नमुन्याचा तपासणी अहवाल निगेटिव्ह आला आहे. दिनांक १२ एप्रिलपर्यंत प्रलंबित असलेल्या ३६ पैकी २८ संशयित रुग्णांचे तपासणी अहवाल निगेटिव्ह आले आहेत. तर ८ करोना सदृष्य लक्षणे असलेल्या रुग्णांचे अहवाल अद्याप प्राप्त झालेले नाहीत, अशी माहिती जिल्हा शल्य चिकित्सक डॉ. एन. एस. चव्हाण यांनी दिली आहे.

मुंबईतील खासगी रुग्णालये करोनाचे हॉटस्पॉट