म. टा. प्रतिनिधी, जळगाव
जळगाव उपकारागृहात चोरीच्या गुन्ह्यात न्यायालयीन कोठडीत असलेला कच्चा कैदी सुरक्षा रक्षकांचा डोळा चुकवून २२ फूट कारागृहातील भिंत ओलांडून फरार झाल्याची खळबळजनक घटना गुरुवारी (दि. २६ मे) रोजी घडली. फरार कैद्याचा शोध पोलिसांकडून घेण्यात येत आहे. विशेष म्हणजे हा कैदी यापूर्वीही पोलिसांच्या हातावर तुरी देऊन पळाला होता.
सुधाकर मधुकर पवार (वय १९ रा. भिलवाडी बोदवड) असे पळून गेलेल्या या कैद्याने नाव आहे. चोरीच्या गुन्ह्यात बोदवड पोलिसांनी सुधाकर यांस १० मे रोजी अटक केली होती. त्यानंतर तो भुसावळ पोलिस कोठडीत होता. त्यानंतर त्यास दि. १४ मे रोजी न्यायालयीन कोठडी मिळाल्याने जळगाव उपकारागृहात आणले होते. चोरीच्या अन्य एका गुन्ह्यासाठी बोदवड येथील पोलिस त्यास घेण्यासाठी जळगाव उपकारागृहात आले होते. दुपारी स्थलांतरीत करण्याची प्रक्रिया सुरू असताना तो अचानक गायब झाला. त्याचा शोध घेतला असता, त्याची पायातील चप्पल कारागृहाच्या २२ फूट उंच भिंतीजवळ आढळून आली. नाशिक येथील वरिष्ठ कार्यालयास देखील याबाबतचा अहवाल पाठविण्यात आला आहे.
जळगाव उपकारागृहात चोरीच्या गुन्ह्यात न्यायालयीन कोठडीत असलेला कच्चा कैदी सुरक्षा रक्षकांचा डोळा चुकवून २२ फूट कारागृहातील भिंत ओलांडून फरार झाल्याची खळबळजनक घटना गुरुवारी (दि. २६ मे) रोजी घडली. फरार कैद्याचा शोध पोलिसांकडून घेण्यात येत आहे. विशेष म्हणजे हा कैदी यापूर्वीही पोलिसांच्या हातावर तुरी देऊन पळाला होता.
सुधाकर मधुकर पवार (वय १९ रा. भिलवाडी बोदवड) असे पळून गेलेल्या या कैद्याने नाव आहे. चोरीच्या गुन्ह्यात बोदवड पोलिसांनी सुधाकर यांस १० मे रोजी अटक केली होती. त्यानंतर तो भुसावळ पोलिस कोठडीत होता. त्यानंतर त्यास दि. १४ मे रोजी न्यायालयीन कोठडी मिळाल्याने जळगाव उपकारागृहात आणले होते. चोरीच्या अन्य एका गुन्ह्यासाठी बोदवड येथील पोलिस त्यास घेण्यासाठी जळगाव उपकारागृहात आले होते. दुपारी स्थलांतरीत करण्याची प्रक्रिया सुरू असताना तो अचानक गायब झाला. त्याचा शोध घेतला असता, त्याची पायातील चप्पल कारागृहाच्या २२ फूट उंच भिंतीजवळ आढळून आली. नाशिक येथील वरिष्ठ कार्यालयास देखील याबाबतचा अहवाल पाठविण्यात आला आहे.