सरस्वती विद्यालयात रंगला सोहळा
म. टा. प्रतिनिधी, जळगाव
शहरातील शिवकॉलनी परिसरातील सरस्वती विद्यालयात गोकुळाष्टमीनिमित्त दहीहंडी सोहळा रंगला होता. या वेळी राधा कृष्णाच्या वेशभूषेत असलेल्या विद्यार्थ्यांनी दहीहंडी फोडत जल्लोषात हा सोहळा साजरा केला.
जळगाव सरस्वती विद्यामंदिर या शाळेत गोकुळष्टमीनिमित्त शनिवारी सोहळ्याचे आयोजन करण्यात आले होते. या सोहळ्यानिमित्त संपूर्ण शाळा सजविण्यात आली होती. तसेच रांगोळ्या काढण्यात आल्या होत्या. सकाळपासून शिक्षक व विद्यार्थ्यांमध्येदेखील उत्साह संचारला होता. शाळेच्या पटांगणात दहीहंडी बांधण्यात आली होती. कार्यक्रमाची सुरुवात दहीहंडी पूजनाने करण्यात आली. या वेळी प्रमुख अतिथी म्हणून अध्यक्ष मनोज आत्माराम पाटील, सचिव ज्योती पाटील, उपस्थित होते. मान्यवरांनी दहीहंडी पूजन केल्यानंतर सोहळ्याला सुरुवात झाली.
इयत्ता पाचवीतील आदित्य पाटील याने श्रीकृष्णाची वेशभूषा साकारली होत तर गौरी चौधरी ही राधाच्या भूमिकेत होती. दहीहंडीच्या सोहळ्याची सुरुवातच ढोल ताशाच्या निनादात करण्यात आली. संगीताच्या तालावर नृत्य करीत विद्यार्थ्यांनीच शिक्षकांच्या मार्गदर्शनाखाली दहीहंडी फोडली. या कार्यक्रमास मुख्याध्यापिका कल्पना वसाने, विद्या पाटील, शिक्षक ज्ञानेश्वर पाटील, तुषार पवार, स्वप्नील पाटील, निलिमा भारंबे, उज्ज्वला ब्राह्मणकर सुप्रिया पाटील सुलोचना पाटील माधुरी अत्तरदे, सुवर्णलता अडकमोल, सविता ठाकरे, गिरीश महाजन व शरद बिऱ्हाडे उपस्थित होते.
एल. के. फाउंडेशनचा केरळ पूरग्रस्तांसाठी दोन लाखांचा निधी
शहरात दरवर्षी एल. के. फाउंडेशनच्या माध्यमातून राबविण्यात येणाऱ्या दहीहंडीचा कार्यक्रम यावर्षी रद्द करण्यात आला आहे. या कार्यक्रमासाठी खर्च होणारा दोन लाखांचा निधी हा मदत म्हणून केरळ पूरग्रस्तांना पाठविण्यात येणार असल्याची माहिती अध्यक्ष तथा माजी महापौर ललीत कोल्हे यांनी शनिवारी पत्रकार परिषदेत दिली. शहरात गेल्या अनेक वर्षांपासून एल. के. फाउंडेशनच्या माध्यमातून राजेशाही दहीहंडीचे आयोजन करण्यात येत असते. यावर्षी देखील दि. ३ रोजी सागर पार्क मैदानावर दहीहंडीचे आयोजन करण्यासाठी महिन्याभरापासून नियोजन सुरू होते. दरम्यान, केरळला कोसळलेल्या आपत्तीनंतर जलसंपदा मंत्री गिरीश महाजन १०० जणांची टीम घेऊन पूरग्रस्तांना आरोग्यसेवा पुरविण्यासाठी पोहचले होते. मंत्री महाजन यांच्या कार्यातून प्रेरणा घेऊन आम्हीदेखील दहीहंडीचा कार्यक्रम रद्द करण्याचा निर्णय घेतला आहे. कार्यक्रमासाठी होणार २ लाखांचा खर्च मदत निधी म्हणून केरळ पूरग्रस्तांना देण्यात येणार असल्याची माहिती कोल्हे यांनी दिली. एल. के. फाउंडेशनच्या माध्यमातून धनादेश मंत्री गिरीश महाजन, आमदार सुरेश भोळे व आमदार चंदूलाल पटेल यांच्याकडे लवकरच सुपूर्द करण्यात येणार असल्याचे ललित कोल्हे यांनी सांगितले.
म. टा. प्रतिनिधी, जळगाव
शहरातील शिवकॉलनी परिसरातील सरस्वती विद्यालयात गोकुळाष्टमीनिमित्त दहीहंडी सोहळा रंगला होता. या वेळी राधा कृष्णाच्या वेशभूषेत असलेल्या विद्यार्थ्यांनी दहीहंडी फोडत जल्लोषात हा सोहळा साजरा केला.
जळगाव सरस्वती विद्यामंदिर या शाळेत गोकुळष्टमीनिमित्त शनिवारी सोहळ्याचे आयोजन करण्यात आले होते. या सोहळ्यानिमित्त संपूर्ण शाळा सजविण्यात आली होती. तसेच रांगोळ्या काढण्यात आल्या होत्या. सकाळपासून शिक्षक व विद्यार्थ्यांमध्येदेखील उत्साह संचारला होता. शाळेच्या पटांगणात दहीहंडी बांधण्यात आली होती. कार्यक्रमाची सुरुवात दहीहंडी पूजनाने करण्यात आली. या वेळी प्रमुख अतिथी म्हणून अध्यक्ष मनोज आत्माराम पाटील, सचिव ज्योती पाटील, उपस्थित होते. मान्यवरांनी दहीहंडी पूजन केल्यानंतर सोहळ्याला सुरुवात झाली.
इयत्ता पाचवीतील आदित्य पाटील याने श्रीकृष्णाची वेशभूषा साकारली होत तर गौरी चौधरी ही राधाच्या भूमिकेत होती. दहीहंडीच्या सोहळ्याची सुरुवातच ढोल ताशाच्या निनादात करण्यात आली. संगीताच्या तालावर नृत्य करीत विद्यार्थ्यांनीच शिक्षकांच्या मार्गदर्शनाखाली दहीहंडी फोडली. या कार्यक्रमास मुख्याध्यापिका कल्पना वसाने, विद्या पाटील, शिक्षक ज्ञानेश्वर पाटील, तुषार पवार, स्वप्नील पाटील, निलिमा भारंबे, उज्ज्वला ब्राह्मणकर सुप्रिया पाटील सुलोचना पाटील माधुरी अत्तरदे, सुवर्णलता अडकमोल, सविता ठाकरे, गिरीश महाजन व शरद बिऱ्हाडे उपस्थित होते.
एल. के. फाउंडेशनचा केरळ पूरग्रस्तांसाठी दोन लाखांचा निधी
शहरात दरवर्षी एल. के. फाउंडेशनच्या माध्यमातून राबविण्यात येणाऱ्या दहीहंडीचा कार्यक्रम यावर्षी रद्द करण्यात आला आहे. या कार्यक्रमासाठी खर्च होणारा दोन लाखांचा निधी हा मदत म्हणून केरळ पूरग्रस्तांना पाठविण्यात येणार असल्याची माहिती अध्यक्ष तथा माजी महापौर ललीत कोल्हे यांनी शनिवारी पत्रकार परिषदेत दिली. शहरात गेल्या अनेक वर्षांपासून एल. के. फाउंडेशनच्या माध्यमातून राजेशाही दहीहंडीचे आयोजन करण्यात येत असते. यावर्षी देखील दि. ३ रोजी सागर पार्क मैदानावर दहीहंडीचे आयोजन करण्यासाठी महिन्याभरापासून नियोजन सुरू होते. दरम्यान, केरळला कोसळलेल्या आपत्तीनंतर जलसंपदा मंत्री गिरीश महाजन १०० जणांची टीम घेऊन पूरग्रस्तांना आरोग्यसेवा पुरविण्यासाठी पोहचले होते. मंत्री महाजन यांच्या कार्यातून प्रेरणा घेऊन आम्हीदेखील दहीहंडीचा कार्यक्रम रद्द करण्याचा निर्णय घेतला आहे. कार्यक्रमासाठी होणार २ लाखांचा खर्च मदत निधी म्हणून केरळ पूरग्रस्तांना देण्यात येणार असल्याची माहिती कोल्हे यांनी दिली. एल. के. फाउंडेशनच्या माध्यमातून धनादेश मंत्री गिरीश महाजन, आमदार सुरेश भोळे व आमदार चंदूलाल पटेल यांच्याकडे लवकरच सुपूर्द करण्यात येणार असल्याचे ललित कोल्हे यांनी सांगितले.