जिल्हा प्रशासनाकडून तपासणीअंती निर्णय
म. टा. प्रतिनिधी, जळगाव
महानगरपालिकेच्या निवडणुकीसाठी प्रशासनाच्या वतीने मतदान यंत्रांची प्राथमिक तपासणी करण्यात आली. यात ७० मतदान यंत्रे नादुरुस्त असल्यामुळे तत्काळ जिल्हा प्रशासनाकडून मागविण्यात आले. मतदानासाठी ५१७ मतदान यंत्र अपेक्षित आहेत. सद्यस्थितीला ५९६ मतदान यंत्रे उपलब्ध असून, ७९ मतदान यंत्रे राखीव ठेवण्यात आले आहेत.
निवडणुकीच्या मुख्य निरीक्षक प्राजक्त लवंगारे दोन दिवसांच्या दौऱ्यावर जळगावात आल्या आहेत. त्यांनी निवडणुकीसंदर्भात तसेच निवडणुकीसाठी नेमण्यात आलेल्या पथक प्रमुखांसोबत बैठक घेऊन आढावा घेतला. या वेळी आयुक्त तथा मुख्य निवडणूक अधिकारी चंद्रकांत डांगे, उपायुक्त चंद्रकांत खोसे, डिवायएसपी सचिन सांगळे, उपप्रादेशिक परिवहन अधिकारी जयंत पाटील यांच्यासह निवडणूक निर्णय अधिकारी, सहाय्यक निवडणूक निर्णय अधिकारी उपस्थित होते. प्रतिबंधात्मक कारवाईबाबत तसेच निवडणूक प्रक्रियेबाबत त्यांनी अधिकाऱ्यांकडून आढावा घेतला.
शहरातील काही संवेदनशील मतदान केंद्रांची पोलिस प्रशासनाच्या उपस्थितीत पाहणी करण्यात आली. तसेच कायदा आणि सुव्यवस्थेच्या दृष्टिकोनातून मुख्य निरीक्षक प्राजक्ता लवंगारे यांनी पोलिस प्रशासनाला सूचना केल्या. तसेच मतदान केंद्रांवर जाण्यासाठी भौतिक सुविधा केल्या जाणार आहेत. दरम्यान, निवडणुकीच्या प्रक्रियेची प्रगती समाधानकारक असल्याचेही मुख्य निरीक्षक लवंगारे यांनी सांगितले.
आयोगाचे सचिव आज जळगावात
राज्य निवडणुक आयोगाचे सचिव शेखर चन्ने यांच्या उपस्थितीत आज (दि. २६) सकाळी १०.३० वाजता मनपाच्या दुसऱ्या मजल्यावरील सभागृहात अधिकाऱ्यांसोबत तर ११ वाजता राजकीय पक्षाच्या पदाधिकाऱ्यांची बैठक होणार आहे. रेल्वे स्थानक परिसरात मतदार चिठ्ठीसोबत पैशाचे पाकीट वाटप होत असल्याची तक्रार आचारसंहिता कक्षा प्राप्त झाली होती. या तक्रारीची त्वरित दखल घेऊन पथकामार्फत चौकशी करण्यात आली. मात्र, चौकशीअंती काहीही आढळून आले नाही.
मनपा कर्मचारी निलंबित
निवडणूक प्रक्रियेसाठी महानगरपालिकेच्या कर्मचाऱ्यांची नियुक्ती करण्यात आली आहे. मनपा दवाखाना विभागातील कर्मचारी चंद्रशेखर बेलोरकर यांची आचारसंहिता पथकात नियुक्ती करण्यात आली होती. मात्र, बेलोरकर रुजू न झाल्याने त्यांच्यावर निलंबनाची कारवाई करण्यात आली असल्याची माहिती आयुक्त चंद्रकांत डांगे यांनी दिली.
म. टा. प्रतिनिधी, जळगाव
महानगरपालिकेच्या निवडणुकीसाठी प्रशासनाच्या वतीने मतदान यंत्रांची प्राथमिक तपासणी करण्यात आली. यात ७० मतदान यंत्रे नादुरुस्त असल्यामुळे तत्काळ जिल्हा प्रशासनाकडून मागविण्यात आले. मतदानासाठी ५१७ मतदान यंत्र अपेक्षित आहेत. सद्यस्थितीला ५९६ मतदान यंत्रे उपलब्ध असून, ७९ मतदान यंत्रे राखीव ठेवण्यात आले आहेत.
निवडणुकीच्या मुख्य निरीक्षक प्राजक्त लवंगारे दोन दिवसांच्या दौऱ्यावर जळगावात आल्या आहेत. त्यांनी निवडणुकीसंदर्भात तसेच निवडणुकीसाठी नेमण्यात आलेल्या पथक प्रमुखांसोबत बैठक घेऊन आढावा घेतला. या वेळी आयुक्त तथा मुख्य निवडणूक अधिकारी चंद्रकांत डांगे, उपायुक्त चंद्रकांत खोसे, डिवायएसपी सचिन सांगळे, उपप्रादेशिक परिवहन अधिकारी जयंत पाटील यांच्यासह निवडणूक निर्णय अधिकारी, सहाय्यक निवडणूक निर्णय अधिकारी उपस्थित होते. प्रतिबंधात्मक कारवाईबाबत तसेच निवडणूक प्रक्रियेबाबत त्यांनी अधिकाऱ्यांकडून आढावा घेतला.
शहरातील काही संवेदनशील मतदान केंद्रांची पोलिस प्रशासनाच्या उपस्थितीत पाहणी करण्यात आली. तसेच कायदा आणि सुव्यवस्थेच्या दृष्टिकोनातून मुख्य निरीक्षक प्राजक्ता लवंगारे यांनी पोलिस प्रशासनाला सूचना केल्या. तसेच मतदान केंद्रांवर जाण्यासाठी भौतिक सुविधा केल्या जाणार आहेत. दरम्यान, निवडणुकीच्या प्रक्रियेची प्रगती समाधानकारक असल्याचेही मुख्य निरीक्षक लवंगारे यांनी सांगितले.
आयोगाचे सचिव आज जळगावात
राज्य निवडणुक आयोगाचे सचिव शेखर चन्ने यांच्या उपस्थितीत आज (दि. २६) सकाळी १०.३० वाजता मनपाच्या दुसऱ्या मजल्यावरील सभागृहात अधिकाऱ्यांसोबत तर ११ वाजता राजकीय पक्षाच्या पदाधिकाऱ्यांची बैठक होणार आहे. रेल्वे स्थानक परिसरात मतदार चिठ्ठीसोबत पैशाचे पाकीट वाटप होत असल्याची तक्रार आचारसंहिता कक्षा प्राप्त झाली होती. या तक्रारीची त्वरित दखल घेऊन पथकामार्फत चौकशी करण्यात आली. मात्र, चौकशीअंती काहीही आढळून आले नाही.
मनपा कर्मचारी निलंबित
निवडणूक प्रक्रियेसाठी महानगरपालिकेच्या कर्मचाऱ्यांची नियुक्ती करण्यात आली आहे. मनपा दवाखाना विभागातील कर्मचारी चंद्रशेखर बेलोरकर यांची आचारसंहिता पथकात नियुक्ती करण्यात आली होती. मात्र, बेलोरकर रुजू न झाल्याने त्यांच्यावर निलंबनाची कारवाई करण्यात आली असल्याची माहिती आयुक्त चंद्रकांत डांगे यांनी दिली.