अ‍ॅपशहर

कलाविष्कारातून मांडली नदी संस्कृती

भारतातील प्रमुख नद्यांचे दर्शन अनुभूती निवासी स्कूलच्या २३७ विद्यार्थ्यांनी नाट्य, नृत्य, गायनाच्या अविष्काराने घडविले. स्कूलच्या अॅम्पिथिएटरमध्ये संस्थापक डॉ. भवरलालजी जैन यांना समर्पित ‘फाउंडर्स डे’ च्या निमित्ताने हा विशेष कार्यक्रम सादर केला गेला. यात विद्यार्थ्यांनी आपल्या कलाविष्कारातून भारतातल्या नद्यांची सांस्कृतिक श्रीमंतीच सादर केली.

Maharashtra Times 11 Dec 2018, 5:00 am
अनुभूती स्कूलमध्ये सांस्कृतिक कार्यक्रम
महाराष्ट्र टाइम्स.कॉम _DSC7698


म. टा. प्रतिनिधी, जळगाव

भारतातील प्रमुख नद्यांचे दर्शन अनुभूती निवासी स्कूलच्या २३७ विद्यार्थ्यांनी नाट्य, नृत्य, गायनाच्या अविष्काराने घडविले. स्कूलच्या अॅम्पिथिएटरमध्ये संस्थापक डॉ. भवरलालजी जैन यांना समर्पित ‘फाउंडर्स डे’ च्या निमित्ताने हा विशेष कार्यक्रम सादर केला गेला. यात विद्यार्थ्यांनी आपल्या कलाविष्कारातून भारतातल्या नद्यांची सांस्कृतिक श्रीमंतीच सादर केली.

अनुभूती इंटरनॅशनल रेसिडेंशियल स्कूलमध्ये भारताच्या कानाकोपऱ्यातील विद्यार्थी शिकायला आलेले आहेत. त्या-त्या भागातील नद्यांच्या परिसरात राहणाऱ्या विद्यार्थ्यांच्या पालकांनी हे नद्यांचे पाणी आणि माती आपल्या सोबत आणले. पाणी आणि माती स्व. भवरलालजी जैन यांना अर्पण करण्यासाठी भवरलालजींचा आत्मा जिथे रमलेला आहे त्या भाऊंच्या सृष्टीमध्ये जल व माती विसावणार आहे. जल व माती विद्यार्थ्यांनी अशोक व अजित जैन यांच्याकडे सुपूर्द केली. उद्घाटनाआधी विद्यार्थ्यांनी बासरी व तबला वादन सादर केले. पाहुणे महात्मा गांधीजींचे नातू डॉ. अरुण गांधी, पणतू तुषार गांधी, सोनल गांधी, जिल्हाधिकारी किशोर राजेनिंबाळकर, प्रतिक सोनवलकर, पंकजा सोनवलकर, सेवादास दलिचंद जैन, गिरधर ओसवाल, आनंद गुप्ते, डॉ. सुभाष चौधरी, राजा मयूर, अशोक जैन, अनिल जैन, अजित जैन, निशा जैन, प्राचार्य जे. पी. राव हे होते. कलाशिक्षक सचिन राऊत यांनी साकारलेली भवरलालजी जैन यांच्या चित्रकलाकृती पाहुण्यांच्या हस्ते प्रदर्शित करण्यात आली. या वर्षी नदी ही संकल्पना होती. ‘नदी आणि भारतीय संस्कृती’ याची सांगड घालून अप्रतिम सादरीकरण विद्यार्थ्यांनी केले. यामध्ये भारतातील प्रमुख नद्या सिंधू, ब्रह्मपुत्रा, यमुना, गंगा, नर्मदा, महानदी, गोदावरी, कावेरी या नद्यांच्या उगमाची रंजक पौराणिक कहाणी, नदीकाठचे शहरे, संस्कृती, त्या नदीच्या परिसरातील लोकनृत्य, लोकगीत असा अत्यंत आगळावेगळा वैशिष्ट्यपूर्ण कलाविष्कार सादर करून खऱ्या अर्थाने भवरलालजी जैन यांचे स्मरण विद्यार्थ्यांनी केले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज