उपाययोजनेबाबत आमदार भोळेंच्या सूचना
म. टा. प्रतिनिधी, जळगाव
शहरातील प्रत्येक भागात धुरळणी, फवारणी करा, नागरिकांमध्ये जाऊन जनजागृती करा. पण, डेंग्यूवर लगाम लावा अशा थेट सूचना आमदार सुरेश भोळे यांनी मनपा वैद्यकीय अधिकारी डॉ. राम रावलानी यांना दिल्या आहेत. उपमहापौर डॉ. अश्विन सोनवणे यांनीदेखील मलेरिया विभागातील अधिकाऱ्यांची बैठक घेऊन त्यांना उपाययोजना प्रभावीपणे करण्याच्या सूचना दिल्या आहेत. शहरात डेंग्यूबाबत उपाययोजना करण्यावरून आमदार आणि उपमहापौरांनी अधिकाऱ्यांची झाडाझडती घेतली.
आमदार भोळे यांनी डॉ. राम रावलानी यांच्या अधिकाऱ्यांची बैठक घेत कोणत्या भागात सर्वाधिक रुग्ण आढळून येत आहेत याबाबतची माहिती घेतली. तसेच आतापर्यंत कोणत्या भागात धुरळणी झाली आहे. याबाबतची माहिती मागवून घेतली. या बैठकीत सुप्रीम कॉलनी मधील अनेक नागरिक उपस्थित होते. त्यांनी सुप्रीम कॉलनीत धुरळणी झालीच नसल्याची माहिती दिली. मात्र, मलेरिया विभागाचे प्रमुख सुनील पांडे या भागात धूरळणी केल्याचे सांगत होते. यानुसार उपमहापौर डॉ. अश्विन सोनवणे यांनी पांडे यांना धारेवर धरत सुप्रीम कॉलनीच नाही तर शहरातील अनेक भागांमध्ये धूरळणी झालीच नसल्याचे सांगितले. केवळ कागदावर धुरळणी झाल्याचा दावा करू नका. प्रत्यक्षात जावून धूरळणी करा अशा, सूचनाही उपमहापौरांनी दिल्या. ज्या भागांमध्ये डेंग्यूसदृश आजाराच्या रुग्णांची संख्या अधिक आहेत. अशा भागात दोन वेळा धुरळणी करण्यात येणार असल्याची माहिती सुनील पांडे यांनी दिली.
शहरात डेंग्यूचे ८८ रुग्ण
शहरात डेंग्यूच्या रुग्णांमध्ये वाढ होत असल्याने शहरातील नागरिकांमध्ये भीतीचे वातावरण आहे. मनपा वैद्यकीय विभागाने शहरात २१६ डेंग्यूसदृश आजाराचे रुग्णांचे नमूने औरंगाबाद येथे तपासणीसाठी पाठवले होते. त्यापैकी ८८ रुग्ण डेंग्यू पॉझिटिव्ह असल्याचे आढळून आले आहेत, अशी माहिती डॉ. रावलानी यांनी या बैठकीत दिली.
मटा भूमिका
शहरात डेंग्यूचा प्रभाव वाढतच चालला असून, या साथरोगाला प्रतिबंध करून उपाययोजना करण्याऐवजी प्रशासन केवळ कागदी घोडे नाचविण्यातच धन्यता मानत आहे, हे जळगावकरांचे दुर्दैव आहे. मुदतीचा ताप, टायफॉइड, डेंग्यू यांसारख्या साथीरोगांनी जळगावकरांना पछाडले असून, सारे शहरच आजारी पडल्यागत परिस्थिती आहे. अशाप्रसंगी सद्सदविवेक जागा ठेऊन उपाययोजना करणे अपेक्षित असते. परंतु, साधी धुरळणीदेखील वेळेवर केली जात नसेल तर अशा कामचुकारांना त्यांची जागा दाखविण्याची गरज आहे.
म. टा. प्रतिनिधी, जळगाव
शहरातील प्रत्येक भागात धुरळणी, फवारणी करा, नागरिकांमध्ये जाऊन जनजागृती करा. पण, डेंग्यूवर लगाम लावा अशा थेट सूचना आमदार सुरेश भोळे यांनी मनपा वैद्यकीय अधिकारी डॉ. राम रावलानी यांना दिल्या आहेत. उपमहापौर डॉ. अश्विन सोनवणे यांनीदेखील मलेरिया विभागातील अधिकाऱ्यांची बैठक घेऊन त्यांना उपाययोजना प्रभावीपणे करण्याच्या सूचना दिल्या आहेत. शहरात डेंग्यूबाबत उपाययोजना करण्यावरून आमदार आणि उपमहापौरांनी अधिकाऱ्यांची झाडाझडती घेतली.
आमदार भोळे यांनी डॉ. राम रावलानी यांच्या अधिकाऱ्यांची बैठक घेत कोणत्या भागात सर्वाधिक रुग्ण आढळून येत आहेत याबाबतची माहिती घेतली. तसेच आतापर्यंत कोणत्या भागात धुरळणी झाली आहे. याबाबतची माहिती मागवून घेतली. या बैठकीत सुप्रीम कॉलनी मधील अनेक नागरिक उपस्थित होते. त्यांनी सुप्रीम कॉलनीत धुरळणी झालीच नसल्याची माहिती दिली. मात्र, मलेरिया विभागाचे प्रमुख सुनील पांडे या भागात धूरळणी केल्याचे सांगत होते. यानुसार उपमहापौर डॉ. अश्विन सोनवणे यांनी पांडे यांना धारेवर धरत सुप्रीम कॉलनीच नाही तर शहरातील अनेक भागांमध्ये धूरळणी झालीच नसल्याचे सांगितले. केवळ कागदावर धुरळणी झाल्याचा दावा करू नका. प्रत्यक्षात जावून धूरळणी करा अशा, सूचनाही उपमहापौरांनी दिल्या. ज्या भागांमध्ये डेंग्यूसदृश आजाराच्या रुग्णांची संख्या अधिक आहेत. अशा भागात दोन वेळा धुरळणी करण्यात येणार असल्याची माहिती सुनील पांडे यांनी दिली.
शहरात डेंग्यूचे ८८ रुग्ण
शहरात डेंग्यूच्या रुग्णांमध्ये वाढ होत असल्याने शहरातील नागरिकांमध्ये भीतीचे वातावरण आहे. मनपा वैद्यकीय विभागाने शहरात २१६ डेंग्यूसदृश आजाराचे रुग्णांचे नमूने औरंगाबाद येथे तपासणीसाठी पाठवले होते. त्यापैकी ८८ रुग्ण डेंग्यू पॉझिटिव्ह असल्याचे आढळून आले आहेत, अशी माहिती डॉ. रावलानी यांनी या बैठकीत दिली.
मटा भूमिका
शहरात डेंग्यूचा प्रभाव वाढतच चालला असून, या साथरोगाला प्रतिबंध करून उपाययोजना करण्याऐवजी प्रशासन केवळ कागदी घोडे नाचविण्यातच धन्यता मानत आहे, हे जळगावकरांचे दुर्दैव आहे. मुदतीचा ताप, टायफॉइड, डेंग्यू यांसारख्या साथीरोगांनी जळगावकरांना पछाडले असून, सारे शहरच आजारी पडल्यागत परिस्थिती आहे. अशाप्रसंगी सद्सदविवेक जागा ठेऊन उपाययोजना करणे अपेक्षित असते. परंतु, साधी धुरळणीदेखील वेळेवर केली जात नसेल तर अशा कामचुकारांना त्यांची जागा दाखविण्याची गरज आहे.