बनावट कागदपत्रांआधारे फसवणूक
म. टा. प्रतिनिधी, जळगाव
मशीनरी खरेदी करण्यासाठी कर्ज प्रकरण तयार करून कोटेशन सादर करीत प्रत्यक्षात खरेदी न करात बनावट कागदपत्रांच्या आधारे पंजाब नॅशनल बँकेची ५ कोटी ४२ लाख रुपयांची फसवणूक केल्याचा धक्कादायक प्रकार समोर आला आहे. या प्रकरणी आठ जणांविरुद्ध शहर पोलिस ठाण्यात गुन्हा दाखल करण्यात आला. यातील तिघांना अटक करण्यात आली आहे.
बँकेचे मुख्य प्रबंधक उत्तमकुमार मधुमंगल गरतीया (वय ३१, रा. गणेशवाडी, मूळ रा. भवानी पटना, ओडिशा) यांनी दिलेल्या फिर्यादीनुसार कमल खेमचंद चौधरी, लिना जयेश नेहते, शैला उमाकांत नेहते, सोहन उमाकांत नेहते (दोघे रा. गुरूकूल कॉलनी), जयेश उमाकांत नेहते, उत्तम तुळशीराम चौधरी, अरुण आर्या व संजय सीताराम लोणारे या सर्वांनी मिळून ५ कोटी ४२ लाख रुपयांचा अपहार व फसवणूक केल्याचा गुन्हा दाखल करण्यात आला आहे. यातील सोहन नेहते, जयेश नेहते व उत्तम चौधरी यांना अटक करण्यात आली आहे.
असे आहे प्रकरण...
कमल, लिना, सोहन व जयेश या कर्जदारांनी शैल यांच्या शांती कन्स्ट्रक्शनसाठी लागणाऱ्या मशीनरी खरेदी करण्यासाठी म्हैसाना (गुजरात) येथील हिमालया इंजिनीअर कंपनीचे कोटेशन तयार केले. २५ जून २०१७ रोजी हे कोटेशन पंजाब नॅशनल बँकेत जमा करण्यात आले. त्यानुसार २ कोटी १४ लाख रुपयांचे कोटेशन व १ कोटी रुपयांचे कॅश क्रेडीट असे ३ कोटी १४ लाख रुपयांचे कर्ज पंजाब नॅशनल बँकेतून मंजूर करण्यात आले. कर्जाची रक्कम वटवल्यानंतरदेखील संबंधितांनी कर्ज प्रकरणास मशीनरी खरेदीची बिले जोडलेली नव्हती. ही बाब लक्षात आल्यानंतर चौकशी अधिकारी सुनील मनोहर जाधव यांनी या प्रकरणाची चौकशी केली. म्हैसाना येथील हिमालया कंपनीचे मालक प्रांजल शहा यांना संपर्क साधून माहिती घेतली. तेव्हा शांती कन्स्ट्रक्शनने कोटेशन घेतले परंतू, प्रत्यक्षात मशीनरी खरेदी केलेली नव्हती अशी माहिती शहा यांनी दिली. चौकशीत जयेश व शैला नेहते यांच्या नावाने शांती कस्ट्रक्शनचे खाते असून, बँकेने त्यांच्या खात्यात जमा केलेली रक्कम रनबॅक्सी इन्फ्राटेक नावाने असलेल्या लिना चौधरी यांच्या खात्यावर पैसे गेल्याचे आढळून आले. याचप्रमाणे संशयित सोहन नेहते याने केंद्र शासनाच्या योजनेंतर्गत १ कोटी २ लाख रुपयांच्या कर्जाची मागणी पंजाब नॅशनल बँकेस केली होती. त्यासाठी सोहन याने कल्याणी फेब्रीकेशन बंगळूरू या कंपनीचे ७५ लाख रुपयांचे कोटेशन जोडले होते. बँकेने १० टप्प्यात त्याला कर्जाची रक्कम दिली. परंतु, सोहननेदेखील कागदपत्र जमा केले नाहीत. अखेर बँकेचा पहिला हप्ता भरण्याच्या वेळी हे सर्व प्रकरण समोर आले. बँकेचे तत्कालीन प्रबंधक अरुण आर्या व संजय लोणारे यांनी पदाचा गैरवापर करून कर्तव्यात कसूर केल्याने हा गुन्हा दाखल करण्यात आला आहे.
म. टा. प्रतिनिधी, जळगाव
मशीनरी खरेदी करण्यासाठी कर्ज प्रकरण तयार करून कोटेशन सादर करीत प्रत्यक्षात खरेदी न करात बनावट कागदपत्रांच्या आधारे पंजाब नॅशनल बँकेची ५ कोटी ४२ लाख रुपयांची फसवणूक केल्याचा धक्कादायक प्रकार समोर आला आहे. या प्रकरणी आठ जणांविरुद्ध शहर पोलिस ठाण्यात गुन्हा दाखल करण्यात आला. यातील तिघांना अटक करण्यात आली आहे.
बँकेचे मुख्य प्रबंधक उत्तमकुमार मधुमंगल गरतीया (वय ३१, रा. गणेशवाडी, मूळ रा. भवानी पटना, ओडिशा) यांनी दिलेल्या फिर्यादीनुसार कमल खेमचंद चौधरी, लिना जयेश नेहते, शैला उमाकांत नेहते, सोहन उमाकांत नेहते (दोघे रा. गुरूकूल कॉलनी), जयेश उमाकांत नेहते, उत्तम तुळशीराम चौधरी, अरुण आर्या व संजय सीताराम लोणारे या सर्वांनी मिळून ५ कोटी ४२ लाख रुपयांचा अपहार व फसवणूक केल्याचा गुन्हा दाखल करण्यात आला आहे. यातील सोहन नेहते, जयेश नेहते व उत्तम चौधरी यांना अटक करण्यात आली आहे.
असे आहे प्रकरण...
कमल, लिना, सोहन व जयेश या कर्जदारांनी शैल यांच्या शांती कन्स्ट्रक्शनसाठी लागणाऱ्या मशीनरी खरेदी करण्यासाठी म्हैसाना (गुजरात) येथील हिमालया इंजिनीअर कंपनीचे कोटेशन तयार केले. २५ जून २०१७ रोजी हे कोटेशन पंजाब नॅशनल बँकेत जमा करण्यात आले. त्यानुसार २ कोटी १४ लाख रुपयांचे कोटेशन व १ कोटी रुपयांचे कॅश क्रेडीट असे ३ कोटी १४ लाख रुपयांचे कर्ज पंजाब नॅशनल बँकेतून मंजूर करण्यात आले. कर्जाची रक्कम वटवल्यानंतरदेखील संबंधितांनी कर्ज प्रकरणास मशीनरी खरेदीची बिले जोडलेली नव्हती. ही बाब लक्षात आल्यानंतर चौकशी अधिकारी सुनील मनोहर जाधव यांनी या प्रकरणाची चौकशी केली. म्हैसाना येथील हिमालया कंपनीचे मालक प्रांजल शहा यांना संपर्क साधून माहिती घेतली. तेव्हा शांती कन्स्ट्रक्शनने कोटेशन घेतले परंतू, प्रत्यक्षात मशीनरी खरेदी केलेली नव्हती अशी माहिती शहा यांनी दिली. चौकशीत जयेश व शैला नेहते यांच्या नावाने शांती कस्ट्रक्शनचे खाते असून, बँकेने त्यांच्या खात्यात जमा केलेली रक्कम रनबॅक्सी इन्फ्राटेक नावाने असलेल्या लिना चौधरी यांच्या खात्यावर पैसे गेल्याचे आढळून आले. याचप्रमाणे संशयित सोहन नेहते याने केंद्र शासनाच्या योजनेंतर्गत १ कोटी २ लाख रुपयांच्या कर्जाची मागणी पंजाब नॅशनल बँकेस केली होती. त्यासाठी सोहन याने कल्याणी फेब्रीकेशन बंगळूरू या कंपनीचे ७५ लाख रुपयांचे कोटेशन जोडले होते. बँकेने १० टप्प्यात त्याला कर्जाची रक्कम दिली. परंतु, सोहननेदेखील कागदपत्र जमा केले नाहीत. अखेर बँकेचा पहिला हप्ता भरण्याच्या वेळी हे सर्व प्रकरण समोर आले. बँकेचे तत्कालीन प्रबंधक अरुण आर्या व संजय लोणारे यांनी पदाचा गैरवापर करून कर्तव्यात कसूर केल्याने हा गुन्हा दाखल करण्यात आला आहे.