अ‍ॅपशहर

आता पक्क्या बांधकामांवर हातोडा

महापालिकेच्या अतिक्रमण विभागाकडून शहरातील बळीराम पेठेसह मध्यवर्ती बाजारपेठेतील रस्त्यावरील हॉकर्सविरुद्ध मेघा मोहीम उघडण्यात आली आहे. सोमवारी पहिल्याच दिवशी सर्व रस्ते हॉकर्समुक्त केल्यानंतर मंगळवारी (दि. १२) देखील सकाळपासून या मोहिमेत रस्त्यावरील पक्के ओटे, टपऱ्या काढण्यात आल्या.

Maharashtra Times 13 Sep 2017, 4:00 am
म. टा. प्रतिनिधी, जळगाव
महाराष्ट्र टाइम्स.कॉम encroachment in jalgaon on second day
आता पक्क्या बांधकामांवर हातोडा


महापालिकेच्या अतिक्रमण विभागाकडून शहरातील बळीराम पेठेसह मध्यवर्ती बाजारपेठेतील रस्त्यावरील हॉकर्सविरुद्ध मेघा मोहीम उघडण्यात आली आहे. सोमवारी पहिल्याच दिवशी सर्व रस्ते हॉकर्समुक्त केल्यानंतर मंगळवारी (दि. १२) देखील सकाळपासून या मोहिमेत रस्त्यावरील पक्के ओटे, टपऱ्या काढण्यात आल्या.

बळीराम पेठ, सुभाष चौक, शिवाजी रोडवरील हॉकर्सला स्थलांतरित करण्यासाठी गेल्या काही दिवसांपासून प्रशासनाकडून प्रयत्न सुरू आहेत. बळीराम पेठ, सुभाष चौक, शिवाजी रोड व टॉवर रस्त्यावरील हॉकर्सला ख्वॉजामियाँ झोपडपट्टीच्या जागेवर तात्पुरत्या स्वरुपात स्थलांतरीत केले. मात्र अपवाद वगळता भाजीपाला विक्रेते पुन्हा याच जागेवर व्यवसाय करीत होते. त्यामुळे दि. ११ सप्टेंबर ते २५ सप्टेंबरपर्यंत अशा १५ दिवसांची मेगा अतिक्रमण निर्मूलन मोहीम महापालिका प्रशासनाने सुरू केली आहे. या मोहिमेत महापालिकेतील सर्व विभागांचे प्रमुख अधिकारी आणि कर्मचारी सहभागी झाले आहेत. सुरुवातीला यासाठी एकूण ५० कर्मचाऱ्यांचे पथक असून, सोमवारी बळीराम पेठ, सुभाष चौक, शिवाजी रोड, शनिपेठ हा संपूर्ण भाग हॉकर्स मुक्त करण्यात आला.

भंगाराचे शेड तोडले

शहरातील शनिपेठ भागात, इस्लामपुरा भागात गल्ल्यांमध्ये अनेक ठिकाणी हॉकर्सनी केलेले पक्के ओटेदेखील अतिक्रमण निर्मूलन विभागाच्या पथकाने तोडून टाकले. त्यानंतर काही वर्षानुवर्षे असलेल्या टपऱ्याही या मोहिमेत काढून जप्त करण्यात आल्या. यानंतर शनीपेठेतील भंगार विक्री करणाऱ्यांचे शेड व ओटेही तोडण्यात आले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज