म. टा. प्रतिनिधी, जळगाव
माजी मंत्री व शिवसेना नेते सुरेश जैन यांचा वाढदिवस बुधवारी (दि. २२) साजरा झाला. त्यांच्या वाढदिवसाचे निमित्त साधून त्यांना शुभेच्छा देण्यासाठी राजकीय नेते व पदाधिकारी यांच्या गर्दीमुळे सुरेश जैन यांच्या सक्रिय राजकारणातील पुनर्प्रवेशाचे दाट संकेत मिळाले. विशेष म्हणजे जैन यांचे कट्टर विरोधक माजी मंत्री एकनाथ खडसे यांच्या जलसंपदा मंत्री गिरीश महाजन, जिल्हाध्यक्ष उदय वाघ व आमदार सुरेश भोळे यांची जैन यांच्या निवासस्थानावर उपस्थिती भुवया उंचावणारी ठरली.
घरकुल घोटाळ्याप्रकरणी गेल्या वर्षी जामीन मिळाल्यानंतर जैन जळगावात परतले. त्यांच्या वाढदिवसाचे निमित्त साधून त्यांच्या समर्थकांकडून शक्तिप्रदर्शन करण्यात आले.
समीकरणे बदलणार?
माजी महसूल मंत्री आमदार एकनाथ खडसे व सुरेश जैन एकमेकांचे कट्टर विरोधक मानले जातात. जिल्ह्यात भाजप व सेनेतून विस्तव जात नाही. अशा परिस्थितीत सुरेश जैन यांना शुभेच्छा देण्यासाठी मंत्री महाजन यांच्यासोबत भाजप जिल्हाध्यक्ष उदय वाघ, आमदार सुरेश भोळेदेखील उपस्थित होते. यामुळे जिल्ह्यातील राजकीय समीकरणे बदलण्याची शक्यता वर्तविण्यात येत आहे.
मनपासाठी महाआघाडी?
महापालिका निवडणूक अवघ्या वर्षावर येऊन ठेपली असतानाच मनसेचे गटनेते व महापौर ललीत कोल्हे यांचा जैनांच्या वाढदिवसाच्या कार्यक्रमातील उत्साह पालिकेच्या महाआघाडीचे संकेत देणारा ठरला.
माजी मंत्री व शिवसेना नेते सुरेश जैन यांचा वाढदिवस बुधवारी (दि. २२) साजरा झाला. त्यांच्या वाढदिवसाचे निमित्त साधून त्यांना शुभेच्छा देण्यासाठी राजकीय नेते व पदाधिकारी यांच्या गर्दीमुळे सुरेश जैन यांच्या सक्रिय राजकारणातील पुनर्प्रवेशाचे दाट संकेत मिळाले. विशेष म्हणजे जैन यांचे कट्टर विरोधक माजी मंत्री एकनाथ खडसे यांच्या जलसंपदा मंत्री गिरीश महाजन, जिल्हाध्यक्ष उदय वाघ व आमदार सुरेश भोळे यांची जैन यांच्या निवासस्थानावर उपस्थिती भुवया उंचावणारी ठरली.
घरकुल घोटाळ्याप्रकरणी गेल्या वर्षी जामीन मिळाल्यानंतर जैन जळगावात परतले. त्यांच्या वाढदिवसाचे निमित्त साधून त्यांच्या समर्थकांकडून शक्तिप्रदर्शन करण्यात आले.
समीकरणे बदलणार?
माजी महसूल मंत्री आमदार एकनाथ खडसे व सुरेश जैन एकमेकांचे कट्टर विरोधक मानले जातात. जिल्ह्यात भाजप व सेनेतून विस्तव जात नाही. अशा परिस्थितीत सुरेश जैन यांना शुभेच्छा देण्यासाठी मंत्री महाजन यांच्यासोबत भाजप जिल्हाध्यक्ष उदय वाघ, आमदार सुरेश भोळेदेखील उपस्थित होते. यामुळे जिल्ह्यातील राजकीय समीकरणे बदलण्याची शक्यता वर्तविण्यात येत आहे.
मनपासाठी महाआघाडी?
महापालिका निवडणूक अवघ्या वर्षावर येऊन ठेपली असतानाच मनसेचे गटनेते व महापौर ललीत कोल्हे यांचा जैनांच्या वाढदिवसाच्या कार्यक्रमातील उत्साह पालिकेच्या महाआघाडीचे संकेत देणारा ठरला.