अ‍ॅपशहर

मुलीच्या लग्नपत्रिका वाटणाऱ्या पित्याचा अपघाती मृत्यू

मुलीच्या लग्नपत्रिका वाटणाऱ्या वधूपित्याचा अपघाती मृत्यू झाला. ही दुर्दैवी घटना शुक्रवारी (दि. ३०) रात्री ७ वाजता शिरसोली रस्त्यावरील रायसोनी महाविद्यालयासमोर घडली. डिगंबर तुकाराम पाटील (वय ६०, रा. म्हाडा कॉलनी, जळगाव) असे मृताचे नाव आहे.

Maharashtra Times 2 Dec 2018, 5:00 am
म. टा. प्रतिनिधी, जळगाव
महाराष्ट्र टाइम्स.कॉम father get death in accident at jalgaon
मुलीच्या लग्नपत्रिका वाटणाऱ्या पित्याचा अपघाती मृत्यू

मुलीच्या लग्नपत्रिका वाटणाऱ्या वधूपित्याचा अपघाती मृत्यू झाला. ही दुर्दैवी घटना शुक्रवारी (दि. ३०) रात्री ७ वाजता शिरसोली रस्त्यावरील रायसोनी महाविद्यालयासमोर घडली. डिगंबर तुकाराम पाटील (वय ६०, रा. म्हाडा कॉलनी, जळगाव) असे मृताचे नाव आहे. डिगंबर पाटील यांची लहान मुलगी प्रिया हीच्या लग्नाच्या पत्रिका वाटण्यासाठी पाटील शुक्रवारी दुपारी शिरसोली येथील नातेवाइकांकडे गेले होते. सायंकाळी घरी परत येत असताना त्यांच्या दुचाकीस अज्ञात वाहनाने धडक दिली. यात ते गंभीर जखमी झाले होते. रस्त्यावरील इतर वाहनचालकांच्या लक्षात आल्यानंतर त्यांनी पाटील यांच्या खिशातील कागदपत्रांवरून ओळख पटवली. यांनतर कुटुंबीयांना माहिती देण्यात आली. पाटील यांना उपचारासाठी एका खासगी रुग्णालयात दाखल करण्यात आले होते. शुक्रवारी रात्री उपचार घेत असताना त्यांचा मृत्यू झाला. त्यांच्या निधनाने लग्नघरात शोकाचे वातावरण पसरले आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज