३५ हेक्टर क्षेत्र जळून खाक
म. टा. वृत्तसेवा, चाळीसगाव
गौताळा औट्रमघाट अभयारण्यात शनिवारी (दि. २८) रात्री ८ वाजता आगीचा वणवा पेटला. अचानक पेटलेल्या या वणव्यामुळे पाटणा येथील चंडिकादेवी मंदिराच्या मागील गायमुख भागातील जवळपास ३५ हेक्टर परिसरातील गवत पालापाचोळा व वनसंपदा जळून खाक झाली.
पाटणा देवी येथील गोमुख भागातील वनकक्ष क्र. ३०६ परिसरात अचानक वणवा पेटला. हा भाग अतिशय दुर्गम, डोंगराळ व उतरणीचा आहे. येथे अंजन, चंदन या जातीच्या वृक्षांचे तसेच गवतांचे व झुडूपांचे अधिक प्रमाण आहे. या भागात वनविभागाने चांगले वनसंरक्षण व वनचराईस बंदी घातल्याने या भागात गवत व झुडूपे अतिशय वाढली आहेत. या ठिकाणी शनिवारी, रात्री ८ वाजेच्या सुमारास अचानक आग लागली. ही आग परिसरात असलेल्या वाळलेल्या गवतामुळे व झुडूपांमूळे वेगाने पसरली. आगीने थोड्याच वेळेत रौद्ररूप धारण केल्याने सर्वत्र वणवा पेटला. माहिती मिळताच वनविभागाचे अधिकारी व कर्मचाऱ्यांनी घटनास्थळी पोहचत फायर ब्लोअर व हिरव्या झाडांच्या फांद्यांनी आग विझविण्यासाठी शर्थीचे प्रयत्न केले. तहसीलदार कैलास देवरे, वन्यजीव रक्षक राजेश ठोंबरे, नायब तहसीलदार विशाल सोनवणे हे घटनास्थळी पोहचले.
आगीवर पहाटे नियंत्रण
पाटणा वन परिसराची भौगोलिक परिस्थितीही अतिशय उतरणीचा व निसटता असल्यामुळे वनविभागाला आगेवर नियंत्रण मिळविणे अतिशय अवघड जात होते. दोर सोडून खाली उतरविण्यात आले. वनमजूर, वनकर्मचारी तसेच ग्रामस्थ सर्वांनीच अथक प्रयत्न करून रविवारी, पहाटे ५ वाजता आगीवर नियत्रंण मिळविण्यात यश मिळविले. वणवा पेटण्याच्या घटना घडू नये, यासाठी अभय अरण्यात वनविभागाकडून १०० किलोमिटर लांबीच्या जाळरेषा आखण्यात आल्या आहेत. हेतुपुरस्सर आग लावल्याचा संशय असून, झालेल्या प्रकाराची चौकशी करून दोषींविरोधात कठोर कारवाई केली जाईल, अशी माहिती वनपरिक्षेत्र अधिकारी एम. बी. पटवर्धन यांनी दिली.
म. टा. वृत्तसेवा, चाळीसगाव
गौताळा औट्रमघाट अभयारण्यात शनिवारी (दि. २८) रात्री ८ वाजता आगीचा वणवा पेटला. अचानक पेटलेल्या या वणव्यामुळे पाटणा येथील चंडिकादेवी मंदिराच्या मागील गायमुख भागातील जवळपास ३५ हेक्टर परिसरातील गवत पालापाचोळा व वनसंपदा जळून खाक झाली.
पाटणा देवी येथील गोमुख भागातील वनकक्ष क्र. ३०६ परिसरात अचानक वणवा पेटला. हा भाग अतिशय दुर्गम, डोंगराळ व उतरणीचा आहे. येथे अंजन, चंदन या जातीच्या वृक्षांचे तसेच गवतांचे व झुडूपांचे अधिक प्रमाण आहे. या भागात वनविभागाने चांगले वनसंरक्षण व वनचराईस बंदी घातल्याने या भागात गवत व झुडूपे अतिशय वाढली आहेत. या ठिकाणी शनिवारी, रात्री ८ वाजेच्या सुमारास अचानक आग लागली. ही आग परिसरात असलेल्या वाळलेल्या गवतामुळे व झुडूपांमूळे वेगाने पसरली. आगीने थोड्याच वेळेत रौद्ररूप धारण केल्याने सर्वत्र वणवा पेटला. माहिती मिळताच वनविभागाचे अधिकारी व कर्मचाऱ्यांनी घटनास्थळी पोहचत फायर ब्लोअर व हिरव्या झाडांच्या फांद्यांनी आग विझविण्यासाठी शर्थीचे प्रयत्न केले. तहसीलदार कैलास देवरे, वन्यजीव रक्षक राजेश ठोंबरे, नायब तहसीलदार विशाल सोनवणे हे घटनास्थळी पोहचले.
आगीवर पहाटे नियंत्रण
पाटणा वन परिसराची भौगोलिक परिस्थितीही अतिशय उतरणीचा व निसटता असल्यामुळे वनविभागाला आगेवर नियंत्रण मिळविणे अतिशय अवघड जात होते. दोर सोडून खाली उतरविण्यात आले. वनमजूर, वनकर्मचारी तसेच ग्रामस्थ सर्वांनीच अथक प्रयत्न करून रविवारी, पहाटे ५ वाजता आगीवर नियत्रंण मिळविण्यात यश मिळविले. वणवा पेटण्याच्या घटना घडू नये, यासाठी अभय अरण्यात वनविभागाकडून १०० किलोमिटर लांबीच्या जाळरेषा आखण्यात आल्या आहेत. हेतुपुरस्सर आग लावल्याचा संशय असून, झालेल्या प्रकाराची चौकशी करून दोषींविरोधात कठोर कारवाई केली जाईल, अशी माहिती वनपरिक्षेत्र अधिकारी एम. बी. पटवर्धन यांनी दिली.