म. टा. प्रतिनिधी, जळगाव
एमआयडीसीतील एफ सेक्टरमध्ये असलेल्या चिवडा कंपनीच्या बॉयलर प्लॅन्टमध्ये तेलगळतीमुळे आग लागली. या अग्नितांडवात लाखो रुपयांचे नुकसान झाले. शुकवारी दुपारी अडीच वाजता ही आग लागली. दीड तासांच्या प्रयत्नानंतर पाच टँकर, दोन बंबांच्या साह्याने आगीवर नियंत्रण मिळविण्यात यश आले.
जळगाव एमआयडीसीतील एफ-७ सेक्टरमध्ये उमेशकुमार साहित्या (रा. गणपती नगर) यांच्या मालकीची श्री गणेश प्रोसेसर नावाने मामा नमकीन (चिवडा) बनविण्याची कंपनी आहे. या कंपनीच्या बॉयलर प्लॅन्टमध्ये तेलगळती झाल्याने दुपारी अचानक कंपनीला आग लागली. यावेळी बॉयलर प्लॅन्टमध्ये एकही कर्मचारी नसल्याने जीवित हानी झाली नाही. बाजूच्या कंपनीतील कर्मचाऱ्यांना आग लागल्याचे दिसल्याने त्यांनी कंपनीतील कर्मचाऱ्यांना माहिती दिली. काही वेळेतच आगीने रौद्ररुप धारण केले. या आगीत बॉयलर प्लॅन्टचे शेडचे नुकसान झाले. फॉउंडेशन सिस्टिम जळून खाक झाली आहे. माहिती मिळताच एमआयडीसी पोलिस निरीक्षक सुनील कुराडे, पीएसआय रोहन खंडागळे यांच्यासह कर्मचाऱ्यांनी घटनास्थळी धाव घेतली.
महिला कर्मचाऱ्यांचे प्रसंगावधान
दिवाळीसाठी कंपनीचे मालक उमेशकुमार साहित्या यांनी कंपनीच्या बॉयलर प्लॅन्टमध्ये तेलाच्या मालाचा भरणा केला होता. दिवाळीसाठी तयार झालेला माल पॅकिंग करण्याचे काम सुरू होते. याचवेळी ही घटना घडली. दरम्यान कंपनीतील महिला कर्मचाऱ्यांच्या मदतीने तयार झालेला माल तत्काळ बाहेर काढण्यात आल्याने जवळपास ४०-५० हजार रुपयांचे नुकसान टळले. घटनास्थळापासून मनपाच्या एमआयडीसी विभागाचे कार्यालय जवळच असतांना देखील तब्बल ४० मिनीट उशिराने मनपाचे अग्निशमन विभागाचे बंब घटनास्थळी दाखल झाले होते.
एमआयडीसीतील एफ सेक्टरमध्ये असलेल्या चिवडा कंपनीच्या बॉयलर प्लॅन्टमध्ये तेलगळतीमुळे आग लागली. या अग्नितांडवात लाखो रुपयांचे नुकसान झाले. शुकवारी दुपारी अडीच वाजता ही आग लागली. दीड तासांच्या प्रयत्नानंतर पाच टँकर, दोन बंबांच्या साह्याने आगीवर नियंत्रण मिळविण्यात यश आले.
जळगाव एमआयडीसीतील एफ-७ सेक्टरमध्ये उमेशकुमार साहित्या (रा. गणपती नगर) यांच्या मालकीची श्री गणेश प्रोसेसर नावाने मामा नमकीन (चिवडा) बनविण्याची कंपनी आहे. या कंपनीच्या बॉयलर प्लॅन्टमध्ये तेलगळती झाल्याने दुपारी अचानक कंपनीला आग लागली. यावेळी बॉयलर प्लॅन्टमध्ये एकही कर्मचारी नसल्याने जीवित हानी झाली नाही. बाजूच्या कंपनीतील कर्मचाऱ्यांना आग लागल्याचे दिसल्याने त्यांनी कंपनीतील कर्मचाऱ्यांना माहिती दिली. काही वेळेतच आगीने रौद्ररुप धारण केले. या आगीत बॉयलर प्लॅन्टचे शेडचे नुकसान झाले. फॉउंडेशन सिस्टिम जळून खाक झाली आहे. माहिती मिळताच एमआयडीसी पोलिस निरीक्षक सुनील कुराडे, पीएसआय रोहन खंडागळे यांच्यासह कर्मचाऱ्यांनी घटनास्थळी धाव घेतली.
महिला कर्मचाऱ्यांचे प्रसंगावधान
दिवाळीसाठी कंपनीचे मालक उमेशकुमार साहित्या यांनी कंपनीच्या बॉयलर प्लॅन्टमध्ये तेलाच्या मालाचा भरणा केला होता. दिवाळीसाठी तयार झालेला माल पॅकिंग करण्याचे काम सुरू होते. याचवेळी ही घटना घडली. दरम्यान कंपनीतील महिला कर्मचाऱ्यांच्या मदतीने तयार झालेला माल तत्काळ बाहेर काढण्यात आल्याने जवळपास ४०-५० हजार रुपयांचे नुकसान टळले. घटनास्थळापासून मनपाच्या एमआयडीसी विभागाचे कार्यालय जवळच असतांना देखील तब्बल ४० मिनीट उशिराने मनपाचे अग्निशमन विभागाचे बंब घटनास्थळी दाखल झाले होते.