अप्पर सचिव परदेशींची सूचना
म. टा. प्रतिनिधी, जळगाव
वनक्षेत्रातील आदिवासी बांधवांना त्यांच्या गावाच्या परिसरातच रोजगार उपलब्ध होईल यासाठी आदिवासी व वन विभागाने प्रयत्न करावा, अशा सूचना मुख्यमंत्र्यांचे अप्पर मुख्य सचिव प्रवीण परदेशी यांनी दिल्या. परदेशी यांनी शनिवारी रावेर तालुक्यातील पाल वनक्षेत्रातील गारखेडे व निमड्या या गावांना भेट देवून आदिवासींसोबत प्रत्यक्षात संवाद साधला.
यावेळी जिल्हाधिकारी किशोर राजे निंबाळकर, सहाय्यक जिल्हाधिकारी जलज शर्मा, वनसंरक्षक नाशिक एन. आर. प्रवीण, उपवनसंरक्षक आदर्श रेड्डी, संजय दहिफळे, पाल प्रशिक्षण केंद्राचे दिलीप भवर, सहायक वनसंरक्षक (वन्यजीव) डी. आर. पाटील, अश्विनी खोपडे, रावेर परिक्षेत्राचे वन परिक्षेत्र अधिकारी राजेंद्र राणे, प्रतिभा शिंदे आदि उपस्थित होत्या.
यावेळी परदेशी यांनी जंगलतोड रोखण्यासाठी वनक्षेत्रातील आदिवासी कुटूंबाना आदिवासी योजनेच्या माध्यमातून गॅस कनेक्शन उपलब्ध करून देण्याच्या सूचना केल्या. त्याचबरोबर अंजनाच्या झाडाचा पाला जनावरांना खाण्यासाठी तोडताना झाडेही तोडली जातात. ही वृक्षतोड थांबविण्यासाठी कुटूंबातील जनावरांच्या संख्येनुसार त्यांना झाडाचे वाटप करावे. या झाडांचे संरक्षण व देखभाल त्याच कुटूंबाने करावी, अशा सुचनाही त्यांनी वनविभागाच्या अधिकाऱ्यांना दिल्या. पालसारख्या जंगलात ट्रेकिंगची सुविधा उपलब्ध करुन देण्यासाठी तसा रस्ता बनविला तर याठिकाणी ट्रेकिंगसाठी पर्यटक येतील यातून आदिवासींना रोजगार मिळण्यास मदत होईल, असेही त्यांनी सांगितले. नरेगा, पेसा व व्हिलेज सोशल ट्रान्सफार्मेशन मधून निधी उपलब्ध करुन या गावांचा विकास साधण्याच्या सूचनाही त्यांनी यावेळी केल्या.
आदिवासींशी साधला संवाद
यावेळी परदेशी यांनी नागरिकांशी संवाद साधताना गेल्या तीन वर्षात तुमच्या गावात काय सुधारणा झाल्या असे विचारले त्यावर एका ग्रामस्थाने लगेचच कॉक्रींटच्या रस्त्याकडे हात करुन हे काम झाल्याचे सांगितले. तसेच जंगलात नवीन अतिक्रमण होत आहे काय विचारल्यावर जंगल आमचे आहे, आम्हीच अतिक्रमण रोखत असल्याने अतिक्रमण होत नाही असे ग्रामस्थ म्हणाले.
लांडोरखोरी उद्यानाला भेट
जळगाव शहरालगत वनविभागाने विकसित केलेल्या लांडोरखोरी वन उद्यानास परदेशी यांनी भेट दिली. उद्यान पाहून त्यांनी समाधान व्यक्त केले. तसेच नागरिकांना जॉगिंगसाठी अजून एक ट्रॅक सुरू करण्याच्या सुचनाही त्यांनी केल्या.
म. टा. प्रतिनिधी, जळगाव
वनक्षेत्रातील आदिवासी बांधवांना त्यांच्या गावाच्या परिसरातच रोजगार उपलब्ध होईल यासाठी आदिवासी व वन विभागाने प्रयत्न करावा, अशा सूचना मुख्यमंत्र्यांचे अप्पर मुख्य सचिव प्रवीण परदेशी यांनी दिल्या. परदेशी यांनी शनिवारी रावेर तालुक्यातील पाल वनक्षेत्रातील गारखेडे व निमड्या या गावांना भेट देवून आदिवासींसोबत प्रत्यक्षात संवाद साधला.
यावेळी जिल्हाधिकारी किशोर राजे निंबाळकर, सहाय्यक जिल्हाधिकारी जलज शर्मा, वनसंरक्षक नाशिक एन. आर. प्रवीण, उपवनसंरक्षक आदर्श रेड्डी, संजय दहिफळे, पाल प्रशिक्षण केंद्राचे दिलीप भवर, सहायक वनसंरक्षक (वन्यजीव) डी. आर. पाटील, अश्विनी खोपडे, रावेर परिक्षेत्राचे वन परिक्षेत्र अधिकारी राजेंद्र राणे, प्रतिभा शिंदे आदि उपस्थित होत्या.
यावेळी परदेशी यांनी जंगलतोड रोखण्यासाठी वनक्षेत्रातील आदिवासी कुटूंबाना आदिवासी योजनेच्या माध्यमातून गॅस कनेक्शन उपलब्ध करून देण्याच्या सूचना केल्या. त्याचबरोबर अंजनाच्या झाडाचा पाला जनावरांना खाण्यासाठी तोडताना झाडेही तोडली जातात. ही वृक्षतोड थांबविण्यासाठी कुटूंबातील जनावरांच्या संख्येनुसार त्यांना झाडाचे वाटप करावे. या झाडांचे संरक्षण व देखभाल त्याच कुटूंबाने करावी, अशा सुचनाही त्यांनी वनविभागाच्या अधिकाऱ्यांना दिल्या. पालसारख्या जंगलात ट्रेकिंगची सुविधा उपलब्ध करुन देण्यासाठी तसा रस्ता बनविला तर याठिकाणी ट्रेकिंगसाठी पर्यटक येतील यातून आदिवासींना रोजगार मिळण्यास मदत होईल, असेही त्यांनी सांगितले. नरेगा, पेसा व व्हिलेज सोशल ट्रान्सफार्मेशन मधून निधी उपलब्ध करुन या गावांचा विकास साधण्याच्या सूचनाही त्यांनी यावेळी केल्या.
आदिवासींशी साधला संवाद
यावेळी परदेशी यांनी नागरिकांशी संवाद साधताना गेल्या तीन वर्षात तुमच्या गावात काय सुधारणा झाल्या असे विचारले त्यावर एका ग्रामस्थाने लगेचच कॉक्रींटच्या रस्त्याकडे हात करुन हे काम झाल्याचे सांगितले. तसेच जंगलात नवीन अतिक्रमण होत आहे काय विचारल्यावर जंगल आमचे आहे, आम्हीच अतिक्रमण रोखत असल्याने अतिक्रमण होत नाही असे ग्रामस्थ म्हणाले.
लांडोरखोरी उद्यानाला भेट
जळगाव शहरालगत वनविभागाने विकसित केलेल्या लांडोरखोरी वन उद्यानास परदेशी यांनी भेट दिली. उद्यान पाहून त्यांनी समाधान व्यक्त केले. तसेच नागरिकांना जॉगिंगसाठी अजून एक ट्रॅक सुरू करण्याच्या सुचनाही त्यांनी केल्या.