महाजनांचा अजितदादांवर हल्लाबोल, 'आपण काय काय पराक्रम केले आहेत, ते जनतेला सुद्धा माहितीय'

जळगाव : आपल्या आईला भेटताना पंतप्रधान मोदी हे फोटो काढत असतात. मात्र, आपणही आईला भेटतो. पण फोटो काढत नाही, अशा प्रकारची टीका राष्ट्रवादी काँग्रेसचे नेते अजित पवार ( Ajit Pawar ) यांनी केली होती. या टीकेला भाजप नेते गिरीश महाजन ( Girish Mahajan ) यांनी उत्तर दिलंय. अजितदादांना काय बोलावं हे कळत नाही. पंतप्रधान मोदी आणि त्यांच्या परिवाराबद्दल जनतेला सगळं माहीत आहे. तुम्हाला एवढा संभ्रम का पडतो? असा सवाल भाजप नेते आणि ग्रामविकासमंत्री गिरीश महाजन यांनी केला आहे.

तुमच्या मनात काही काळेबेरे आहे. आपल्या परिवारात लोकांना भेटताना आपल्या परिवारातील लोक कुठे अडकले आहेत हे आपल्याला चांगलं माहीत आहे. त्यामुळे तुम्ही कॅमेरे घेऊन गेले किंवा नाही गेले लोकांना मोदी आणि आपल्या परिवारातील फरक जनतेला माहीत आहे, असा जोरदार टोला गिरीश महाजन यांनी लगावला आहे. महाजन यांनी सोमवारी जळगाव जिल्हाधिकारी कार्यालयातय महात्मा गांधी रोजगार हमी योजनेसंदर्भात बैठक घेतली. या बैठकीनंतर महाजन हे पत्रकारांशी बोलत होते.

'तुमच्या कामाची आणि पक्षांची चिंता करा'

देवेंद्र फडणीस यांच्यावर सहा जिल्ह्यातील पालकमंत्री पदाची जबाबदारी देण्यात आल्याबद्दलही विरोधक टीका करीत आहे. यावरूनही गिरीश महाजन यांनी प्रत्युत्तर दिलं आहे. आपण देवेंद्र फडणीस यांची कार्याशमता पाच वर्षांपूर्वीच अनुभवली आहे. आणि आपली कार्यक्षमता तसेच आपण काय काय पराक्रम केले आहेत, ते जनतेला सुद्धा माहिती आहे. त्यांच्या कामाची चिंता आपण करू नका. त्यापेक्षा आपल्या कामाची आणि आपल्या पक्षाची चिंता करा, असा खोचक सल्ला अजित पवार यांचं नाव न घेता महाजन यांनी दिला आहे.

शिंदे गटातील मंत्र्याचा खडसेंना खोचक टोला, '... अमित शहा यांना कशाला भेटायला जाता?'

देवेंद्र फडणवीस यांचं नाव घेताना आपण विचार करायला पाहिजे. कारण त्यांची कार्यक्षमता बघूनच आपण एका रात्रीत उपमुख्यमंत्री होण्याची तयारी दाखवली होती. आणि आताच तुम्हाला त्यांच्यात काय वावगं वाटतंय की तुम्ही त्यांच्यावर टीका करत आहात, असं म्हणत गिरीश महाजन यांनी अजित पवार यांच्यावर निशाणा साधला आहे.

शिवसेना नेत्याचा बोचरा सवाल, ती कोणती नोटीस जिच्या भीतीने गुलाबराव पाटील शिंदे गटात