म. टा. प्रतिनिधी, जळगाव
व्हॉट्सअॅपवरील आक्षेपार्ह पोस्टमुळे धार्मिक भावना दुखावल्याने जिल्हाधिकाऱ्यांना निवेदन देण्यासाठी आलेल्या जमावाने गोलाणी मार्केटमध्ये शिरून तेथील मोबाइलच्या दुकानांवर दगडफेक केल्याने शुक्रवारी दंगल उसळली होती. पोलिसांनी परिस्थिती तत्काळ नियंत्रणात आणली असली, तरी शनिवारी दुसऱ्या दिवशी गोलणी मार्केटमध्ये तणावपूर्ण शांतता होती. फिक्स पॉइंटसह पोलिस बंदोबस्त कायम होता. भयभीत झालेल्या व्यापाऱ्यांनी नेहमीपेक्षा उशिराने दुकाने उघडली.
गोलाणी मार्केटमध्ये शुक्रवारच्या दिवशी दंगलखोरांनी धुडगूस घातल्याच्या पार्श्वभूमीवर शनिवारी मार्केटमध्ये तणावपूर्ण शांतता होती. नेहमी नऊ वाजेपर्यंत उघडणारी दुकाने व्यापाऱ्यांनी पोलिस बंदोबस्ताची खात्री केल्यानंतर तासभर उशिराने उघडली. मार्केटच्या तिनही बाजूने सकाळपासूनच पोलिस बंदोबस्त तैनात ठेवण्यात आला होता. दोन ठिकाणी फिक्स पॉइंटदेखील देण्यात आले आहेत. सकाळी साडेबारा वाजता पोलिस अधीक्षक डॉ. जालिंदर सुपेकर यांनी गोलाणी मार्केटला भेट दिली. त्यांनी व्यापाऱ्यांना आश्वस्त करीत शांततेचे आवाहन केले. पोलिस बंदोबस्ताची पाहणी केली. पोलिस ठाण्यात सीसीटीव्ही फुटेज मागवून संशयितांना अटक करण्याच्या सूचना देण्यात आल्या आहेत. मुख्य सूत्रधाराला लवकरच अटक करण्यात येईल. भविष्यात अशी घटना होवू नये म्हणून सोमवारी मौलाना व ट्रस्टी यांची बैठक घेण्यात येणार असल्याचे एस. पी. सुपेकर यांनी सांगितले.
एमआयएमच्या सचिवास अटक
शहर पोलिसांनी शुक्रवारी रात्री सात संशयितांना ताब्यात घेतले होते. शनिवारी एमआयएमचा सचिव ऐनोद्दीन शेख (रा. शाहू नगर) यास ताब्यात घेतले. मोसीन शब्बीर बागवान (वय २३, रा. जोशी पेठ) व मोहम्मद बिलाल मोहम्मद फारुख (वय २८, रा. मास्टर कॉलनी) यांना दंगलीत दुखापत झाल्याने ते सिव्हिल हॉस्पिटलमध्ये उपचार घेत आहेत. ताब्यात घेतलेल्यांपैकी सहा जणांना अटक केल्याची माहिती पोलिस निरीक्षक प्रदीप ठाकूर यांनी दिली. संशयितांना कोर्टात हजर केले असता, त्यांना एक दिवसाची पोलिस कोठडी देण्यात आली आहे.
चप्पल चोरामुळे धावपळ
दुपारी दोन वाजता सावदा येथील भगवान सचिन पाटील (वय १८) याने गोलाणीच्या तळमजल्याजवळील एका मोबाइल विक्रेत्याच्या दुकानासमोर चप्पल चोरण्याचा प्रयत्न केला. विक्रेत्याने त्याला पकडण्याचा प्रयत्न केल्याने काही जण चोरट्याच्या मागे पळू लागले. यामुळे खळबळ उडाली आणि पोलिसही त्याच्या मागे पळाल्याने भीतीपोटी काहींनी दुकाने बंद केली. चोरास नेहरू चौकात पकडून पोलिसांच्या ताब्यात देण्यात आले.
पोलिसाशी हुज्जत
शहरात तणावाचे वातावरण असताना महात्मा गांधी मार्केट परिसरात दीपक बनसोडे हे पोलिस कर्मचारी गस्त घालत होते. सुनील यशवंत राणे (वय ३०) हा दारू पिऊन आरोडाओरड करीत धिंगाणा घालत होता. त्याच्यावर प्रतिबंधात्मक कारवाई करण्यात आली आहे.
व्हॉट्सअॅपवरील आक्षेपार्ह पोस्टमुळे धार्मिक भावना दुखावल्याने जिल्हाधिकाऱ्यांना निवेदन देण्यासाठी आलेल्या जमावाने गोलाणी मार्केटमध्ये शिरून तेथील मोबाइलच्या दुकानांवर दगडफेक केल्याने शुक्रवारी दंगल उसळली होती. पोलिसांनी परिस्थिती तत्काळ नियंत्रणात आणली असली, तरी शनिवारी दुसऱ्या दिवशी गोलणी मार्केटमध्ये तणावपूर्ण शांतता होती. फिक्स पॉइंटसह पोलिस बंदोबस्त कायम होता. भयभीत झालेल्या व्यापाऱ्यांनी नेहमीपेक्षा उशिराने दुकाने उघडली.
गोलाणी मार्केटमध्ये शुक्रवारच्या दिवशी दंगलखोरांनी धुडगूस घातल्याच्या पार्श्वभूमीवर शनिवारी मार्केटमध्ये तणावपूर्ण शांतता होती. नेहमी नऊ वाजेपर्यंत उघडणारी दुकाने व्यापाऱ्यांनी पोलिस बंदोबस्ताची खात्री केल्यानंतर तासभर उशिराने उघडली. मार्केटच्या तिनही बाजूने सकाळपासूनच पोलिस बंदोबस्त तैनात ठेवण्यात आला होता. दोन ठिकाणी फिक्स पॉइंटदेखील देण्यात आले आहेत. सकाळी साडेबारा वाजता पोलिस अधीक्षक डॉ. जालिंदर सुपेकर यांनी गोलाणी मार्केटला भेट दिली. त्यांनी व्यापाऱ्यांना आश्वस्त करीत शांततेचे आवाहन केले. पोलिस बंदोबस्ताची पाहणी केली. पोलिस ठाण्यात सीसीटीव्ही फुटेज मागवून संशयितांना अटक करण्याच्या सूचना देण्यात आल्या आहेत. मुख्य सूत्रधाराला लवकरच अटक करण्यात येईल. भविष्यात अशी घटना होवू नये म्हणून सोमवारी मौलाना व ट्रस्टी यांची बैठक घेण्यात येणार असल्याचे एस. पी. सुपेकर यांनी सांगितले.
एमआयएमच्या सचिवास अटक
शहर पोलिसांनी शुक्रवारी रात्री सात संशयितांना ताब्यात घेतले होते. शनिवारी एमआयएमचा सचिव ऐनोद्दीन शेख (रा. शाहू नगर) यास ताब्यात घेतले. मोसीन शब्बीर बागवान (वय २३, रा. जोशी पेठ) व मोहम्मद बिलाल मोहम्मद फारुख (वय २८, रा. मास्टर कॉलनी) यांना दंगलीत दुखापत झाल्याने ते सिव्हिल हॉस्पिटलमध्ये उपचार घेत आहेत. ताब्यात घेतलेल्यांपैकी सहा जणांना अटक केल्याची माहिती पोलिस निरीक्षक प्रदीप ठाकूर यांनी दिली. संशयितांना कोर्टात हजर केले असता, त्यांना एक दिवसाची पोलिस कोठडी देण्यात आली आहे.
चप्पल चोरामुळे धावपळ
दुपारी दोन वाजता सावदा येथील भगवान सचिन पाटील (वय १८) याने गोलाणीच्या तळमजल्याजवळील एका मोबाइल विक्रेत्याच्या दुकानासमोर चप्पल चोरण्याचा प्रयत्न केला. विक्रेत्याने त्याला पकडण्याचा प्रयत्न केल्याने काही जण चोरट्याच्या मागे पळू लागले. यामुळे खळबळ उडाली आणि पोलिसही त्याच्या मागे पळाल्याने भीतीपोटी काहींनी दुकाने बंद केली. चोरास नेहरू चौकात पकडून पोलिसांच्या ताब्यात देण्यात आले.
पोलिसाशी हुज्जत
शहरात तणावाचे वातावरण असताना महात्मा गांधी मार्केट परिसरात दीपक बनसोडे हे पोलिस कर्मचारी गस्त घालत होते. सुनील यशवंत राणे (वय ३०) हा दारू पिऊन आरोडाओरड करीत धिंगाणा घालत होता. त्याच्यावर प्रतिबंधात्मक कारवाई करण्यात आली आहे.