कंडारी शिवारात भीषण पाणीटंचाई

म. टा. प्रतिनिधी, जळगाव

भुसावळ तालुक्यातील कंडारी गावात गेल्या काही दिवसांपासून भीषण पाणीटंचाई जाणवत आहे. या गंभीर प्रश्नाच्या सोडवणुकीसाठी नुकतीच अधिकाऱ्यांनी पाहणी केली. त्यांनी यावेळी टँकरने पाणीपुरवठा करण्याचे आश्वासन दिले.

कंडारी शिवारात पाण्यासाठी ग्रामस्थांना भटकंती करावी लागत आहे. कंडारी ग्रामपंचायत शिवारातील गोलाणी कॉम्प्लेक्स, लाल जैन मंदिर, साक्री फाटा या परिसरात भीषण पाणीटंचाई असून ग्रामस्थांनी टँकरने पाणीपुरवठा करण्याची मागणी केली होती. यानुसार शनिवारी (दि. १२) दुपारी १.३० च्या दरम्यान आमदार संजय सावकारे, तहसीलदार संजय तायडे, शाखा अभियंता एस. पी. लोखंडे, अमरदीप मुनेश्वर आदींनी पाहणी केली. यावेळी कंडारी ग्रामस्थांशी सविस्तर चर्चा करीत त्यांना विश्वासात घेऊन टँकरने पाणीपुरवठा करण्याचा प्रस्ताव वरिष्ठ कार्यालयाकडे सादर करण्याचे आश्वासन दिले.