म. टा. प्रतिनिधी, जळगाव
जळगाव शहरात आज रविवारी (दि.२०) दुपारी दोन तास झालेल्या दमादार पावसाने जळगाव शहरात पाणीच पाणी झाले. या धुंवाधार पावसामुळे शहरातील नाले, गटारी, ओढ्यांसह रस्ते देखिल पाण्यामुळे ओव्हर फ्लो झाले होते. शहरातील आशाबाबा नगर, गोपाळपुरा, मेहरुण, शाहूनगर परिसरातदेखील काही भागांत पाणी तुंबल्याने नागरिकांचे हाल झाले. पोळ्याच्या पूर्वसंध्येला असलेल्या बाजारात या पावसामुळे ग्राहक व विक्रेत्यांची तारांबळ उडाली.
जळगाव शहरात रविवारी दुपारी तीन ते पाच वाजेपर्यंत मुसळधार पावसाने जळगाव शहराला अक्षरश: धुवून काढले. अवघ्या तीन तासात संपूर्ण शहर जलमय झाले. पावसामुळे शहरातील सर्व नाले व ओढे ओसंडून वाहू लागले. शहरातील शाहूनगर पारिसरातील गल्ल्यांमध्येदेखील पावासामुळे गटारी ओव्हरफ्लो झाल्याने पाणी घरांमध्ये शिरले होते. गोपाळपुरा परिसरात पाणी साचून गल्ल्यांमधील मार्ग बंद झाले होते. रामानंदनगर घाटाखालील नाल्याच्या पुलावरुन पाणी वाहत असल्याने नागरिकांना पाणी ओसरेपर्यंत अडकून पडावे लागले. आशाबाबानगरजवळील व्यंकटेशनगराला दवंड्या नाल्याच्या पाण्याचा वेढा पडला होता.
रस्त्यांवर गुडघाभर पाणी
जळगाव शहरातील नवीपेठ, कोर्ट चौक, डॉ. श्यामाप्रसाद मुखर्जी उद्यानासमोरील रस्त्यावर, शाहू नगर, शिवाजी नगर दादऱ्याजवळ अशा अनेक रस्त्यांवर गुडघाभर पाणी साचले होते. रेल्वे रुळांवरही पाणी आले होते. यासह शहरातील मणियार महाविद्यालय, शिवतीर्थ मैदान या सखल भागात पाण्याचे अक्षरश: तळे साचले होते.
पोळ्याच्या बाजारपेठेत तारांबळ
दुपारी झालेल्या दमदार पावसामुळे पोळ्याच्या पूर्वसंध्येनिमित्त भरलेल्य पूजा साहित्याच्या बाजारात तारांबळ उडाली. बळीरामपेठेतदेखील भाजी विक्रेत्यांनी माल तसाच ठेवून आसरे शोधले. रस्त्यांवरुन वाहणाऱ्या पाण्यामुळे वाहने बंद पडत होती.
जळगाव शहरात आज रविवारी (दि.२०) दुपारी दोन तास झालेल्या दमादार पावसाने जळगाव शहरात पाणीच पाणी झाले. या धुंवाधार पावसामुळे शहरातील नाले, गटारी, ओढ्यांसह रस्ते देखिल पाण्यामुळे ओव्हर फ्लो झाले होते. शहरातील आशाबाबा नगर, गोपाळपुरा, मेहरुण, शाहूनगर परिसरातदेखील काही भागांत पाणी तुंबल्याने नागरिकांचे हाल झाले. पोळ्याच्या पूर्वसंध्येला असलेल्या बाजारात या पावसामुळे ग्राहक व विक्रेत्यांची तारांबळ उडाली.
जळगाव शहरात रविवारी दुपारी तीन ते पाच वाजेपर्यंत मुसळधार पावसाने जळगाव शहराला अक्षरश: धुवून काढले. अवघ्या तीन तासात संपूर्ण शहर जलमय झाले. पावसामुळे शहरातील सर्व नाले व ओढे ओसंडून वाहू लागले. शहरातील शाहूनगर पारिसरातील गल्ल्यांमध्येदेखील पावासामुळे गटारी ओव्हरफ्लो झाल्याने पाणी घरांमध्ये शिरले होते. गोपाळपुरा परिसरात पाणी साचून गल्ल्यांमधील मार्ग बंद झाले होते. रामानंदनगर घाटाखालील नाल्याच्या पुलावरुन पाणी वाहत असल्याने नागरिकांना पाणी ओसरेपर्यंत अडकून पडावे लागले. आशाबाबानगरजवळील व्यंकटेशनगराला दवंड्या नाल्याच्या पाण्याचा वेढा पडला होता.
रस्त्यांवर गुडघाभर पाणी
जळगाव शहरातील नवीपेठ, कोर्ट चौक, डॉ. श्यामाप्रसाद मुखर्जी उद्यानासमोरील रस्त्यावर, शाहू नगर, शिवाजी नगर दादऱ्याजवळ अशा अनेक रस्त्यांवर गुडघाभर पाणी साचले होते. रेल्वे रुळांवरही पाणी आले होते. यासह शहरातील मणियार महाविद्यालय, शिवतीर्थ मैदान या सखल भागात पाण्याचे अक्षरश: तळे साचले होते.
पोळ्याच्या बाजारपेठेत तारांबळ
दुपारी झालेल्या दमदार पावसामुळे पोळ्याच्या पूर्वसंध्येनिमित्त भरलेल्य पूजा साहित्याच्या बाजारात तारांबळ उडाली. बळीरामपेठेतदेखील भाजी विक्रेत्यांनी माल तसाच ठेवून आसरे शोधले. रस्त्यांवरुन वाहणाऱ्या पाण्यामुळे वाहने बंद पडत होती.