म. टा. प्रतिनिधी, जळगाव
विद्यार्थ्यांच्या दृष्टीकोनातून त्यांनी त्यांची स्वप्ने पूर्ण करण्यासाठी जिद्दीने व चिकाटीने अभ्यास करता यावा यासाठी ‘स्व. शामभाऊ नवाल अभ्यासिका’ नांद्रा बु. या गावात स्थापन करण्यात आली असून, शनिवारी (दि. १०) सकाळी १०.३० वाजता या लोकसेवेचा शुभारंभ होणार आहे.
या कार्यक्रमाचे अध्यक्ष माजी आमदार सुरेश जैन राहतील. उद्घाटन जिल्हाधिकारी किशोर राजेनिंबाळकर यांच्या हस्ते करण्यात येणार आहे. प्रमुख अतिथी माजी कुलगुरू के. बी. पाटील, जिल्हा परिषदेचे मुख्य कार्यकारी अधिकारी कौस्तुभ दिवेगावकर व नांद्रा गावाचे सरपंच शांताराम बुधा पाटील यांची उपस्थिती लाभणार आहे.
ई-लायब्रेरीचीदेखील सुविधा
स्व. शामभाऊ नवाल व स्व. सुमती नवाल हे व्यापार, उद्यम व मुलांच्या शिक्षणासाठी जरी जळगाव शहरात स्थलांतरित झाले असले तरी त्यांची जन्मभूमी नांद्राशी असलेली नाळ आजही कायम आहे. गावाचा विकास व्हावा, गावातील मुलांची शिक्षणाची कुठलीही गैरसोय होऊ नये यासाठीच या अभ्यासिकेची स्थापना करण्यात आली आहे. अभ्यासिका ही सर्व विद्यार्थ्यांसाठी खुली असणार आहे. अद्ययावत अभ्यासिकेत एकाचवेळी ५० जण बसण्याची व्यवस्था आहे. अभ्यासिकेत संगणक व इंटरनेट कनेक्टिव्हिटी उपलब्ध असून ई-लायब्रेरीची देखील सुविधा करण्यात आली आहे.
पिण्यासाठी फिल्टर पाणी, इन्व्हर्टर ब्रेक्रअप, संपूर्ण अभ्यासिकेत सीसीटीव्ही कॅमेरे अशा उपयुक्त सुविधा विद्यार्थ्यांसाठी करून देण्यात आल्या आहेत. दर महिन्याला तज्ज्ञांचे मार्गदर्शनदेखील विद्यार्थ्यांना उपलब्ध करून देण्यात येणार असल्यामुळे अभ्यासिकेचे संपूर्ण वातवरण हे अभ्यासासाठी पूरक असणार आहे. शुभारंभप्रसंगी सकाळी ९ वाजता पुस्तक दिंडी प्राथमिक शाळेपासून प्रस्थान करेल. नागरिकांनी कार्यक्रमास उपस्थित राहावे, असे आवाहन नवाल परिवाराच्या वतीने डॉ. मधुसुदन नवाल यांनी केले आहे.
विद्यार्थ्यांच्या दृष्टीकोनातून त्यांनी त्यांची स्वप्ने पूर्ण करण्यासाठी जिद्दीने व चिकाटीने अभ्यास करता यावा यासाठी ‘स्व. शामभाऊ नवाल अभ्यासिका’ नांद्रा बु. या गावात स्थापन करण्यात आली असून, शनिवारी (दि. १०) सकाळी १०.३० वाजता या लोकसेवेचा शुभारंभ होणार आहे.
या कार्यक्रमाचे अध्यक्ष माजी आमदार सुरेश जैन राहतील. उद्घाटन जिल्हाधिकारी किशोर राजेनिंबाळकर यांच्या हस्ते करण्यात येणार आहे. प्रमुख अतिथी माजी कुलगुरू के. बी. पाटील, जिल्हा परिषदेचे मुख्य कार्यकारी अधिकारी कौस्तुभ दिवेगावकर व नांद्रा गावाचे सरपंच शांताराम बुधा पाटील यांची उपस्थिती लाभणार आहे.
ई-लायब्रेरीचीदेखील सुविधा
स्व. शामभाऊ नवाल व स्व. सुमती नवाल हे व्यापार, उद्यम व मुलांच्या शिक्षणासाठी जरी जळगाव शहरात स्थलांतरित झाले असले तरी त्यांची जन्मभूमी नांद्राशी असलेली नाळ आजही कायम आहे. गावाचा विकास व्हावा, गावातील मुलांची शिक्षणाची कुठलीही गैरसोय होऊ नये यासाठीच या अभ्यासिकेची स्थापना करण्यात आली आहे. अभ्यासिका ही सर्व विद्यार्थ्यांसाठी खुली असणार आहे. अद्ययावत अभ्यासिकेत एकाचवेळी ५० जण बसण्याची व्यवस्था आहे. अभ्यासिकेत संगणक व इंटरनेट कनेक्टिव्हिटी उपलब्ध असून ई-लायब्रेरीची देखील सुविधा करण्यात आली आहे.
पिण्यासाठी फिल्टर पाणी, इन्व्हर्टर ब्रेक्रअप, संपूर्ण अभ्यासिकेत सीसीटीव्ही कॅमेरे अशा उपयुक्त सुविधा विद्यार्थ्यांसाठी करून देण्यात आल्या आहेत. दर महिन्याला तज्ज्ञांचे मार्गदर्शनदेखील विद्यार्थ्यांना उपलब्ध करून देण्यात येणार असल्यामुळे अभ्यासिकेचे संपूर्ण वातवरण हे अभ्यासासाठी पूरक असणार आहे. शुभारंभप्रसंगी सकाळी ९ वाजता पुस्तक दिंडी प्राथमिक शाळेपासून प्रस्थान करेल. नागरिकांनी कार्यक्रमास उपस्थित राहावे, असे आवाहन नवाल परिवाराच्या वतीने डॉ. मधुसुदन नवाल यांनी केले आहे.