वागणूकप्रकरणी हिंदू जनजागृती समितीची मागणी
म. टा. वृत्तसेवा, धुळे
पाकच्या ताब्यात असलेल्या भारतीय नागरिक कुलभूषण जाधव यांना भेटण्यासाठी गेलेल्या त्यांच्या कुटुंबियांना पाकिस्तानने अत्यंत अपमानास्पद वागणूक देऊन मानवतेला काळिमा फासला आहे. त्याच्या निषेधार्थ शनिवारी (दि. ३०) धुळे येथील हिंदुत्ववादी संघटनांनी पाकिस्तानच्या विरोधात संतप्त निदर्शने करीत पाकला कायमचा धडा शिकवावा, अशी मागणी केली.
हिंदु जनजागृती समितीने आयोजित केलेल्या धुळे येथील आंदोलनात हिंदू एकता आंदोलन, सनातन संस्था आणि अन्य राष्ट्रप्रेमी नागरिक मोठ्या संख्येने उपस्थित होते. या वेळी पाकिस्तानच्या निषेधार्थ घोषणा देण्यात आल्या. या संघटनांकडून विविध मागण्यांचे निवेदन स्थानिक प्रशासनाला देण्यात आले. या निवेदनात, भारतीय नागरिक कुलभूषण जाधव यांना हेरगिरी केल्याच्या खोट्या आरोपाखाली पाकिस्तानने फाशीची शिक्षा घोषित केली आहे. जाधव हे माजी नौदल अधिकारी असल्याने त्यांच्यावर अशी कारवाई करणे, हे भारतावर कुरघोडी करण्याच्या षड्यंत्राचा एक भाग आहे, असेही नमूद केले आहे. नुकतीच त्यांच्या आई आणि पत्नी यांनाही पाकिस्तानमध्ये अपमानित करण्यात आले. कुटुंबियांची भेट घडवताना त्यांना समोरासमोर पण वेगवेगळ्या काचेच्या खोल्यांमध्ये ठेवले आणि एकमेकांशी फोनद्वारे संवाद साधण्यास देणे, त्यांच्या आई साडी घालून आणि कुंकू लावून आल्याने त्यांना साडी बदलून अन्य वस्रांमध्ये येण्यास सांगणे, तसेच कुंकू पुसून येण्यास सांगण्यात आले, या सर्व गोष्टींचा समितीद्वारे निषेध करण्यात आला. भेट झाल्यानंतरही जाणीवपूर्वक त्यांना पत्रकारांच्या समोर काही काळ थांबवण्यात आले आणि पाकिस्तानी पत्रकारांनी त्यांना अवमानकारक प्रश्न विचारून जाधव यांचा आई आणि पत्नी यांची अवमानना केली असल्याचेही निवेदना म्हटले आहे.
म. टा. वृत्तसेवा, धुळे
पाकच्या ताब्यात असलेल्या भारतीय नागरिक कुलभूषण जाधव यांना भेटण्यासाठी गेलेल्या त्यांच्या कुटुंबियांना पाकिस्तानने अत्यंत अपमानास्पद वागणूक देऊन मानवतेला काळिमा फासला आहे. त्याच्या निषेधार्थ शनिवारी (दि. ३०) धुळे येथील हिंदुत्ववादी संघटनांनी पाकिस्तानच्या विरोधात संतप्त निदर्शने करीत पाकला कायमचा धडा शिकवावा, अशी मागणी केली.
हिंदु जनजागृती समितीने आयोजित केलेल्या धुळे येथील आंदोलनात हिंदू एकता आंदोलन, सनातन संस्था आणि अन्य राष्ट्रप्रेमी नागरिक मोठ्या संख्येने उपस्थित होते. या वेळी पाकिस्तानच्या निषेधार्थ घोषणा देण्यात आल्या. या संघटनांकडून विविध मागण्यांचे निवेदन स्थानिक प्रशासनाला देण्यात आले. या निवेदनात, भारतीय नागरिक कुलभूषण जाधव यांना हेरगिरी केल्याच्या खोट्या आरोपाखाली पाकिस्तानने फाशीची शिक्षा घोषित केली आहे. जाधव हे माजी नौदल अधिकारी असल्याने त्यांच्यावर अशी कारवाई करणे, हे भारतावर कुरघोडी करण्याच्या षड्यंत्राचा एक भाग आहे, असेही नमूद केले आहे. नुकतीच त्यांच्या आई आणि पत्नी यांनाही पाकिस्तानमध्ये अपमानित करण्यात आले. कुटुंबियांची भेट घडवताना त्यांना समोरासमोर पण वेगवेगळ्या काचेच्या खोल्यांमध्ये ठेवले आणि एकमेकांशी फोनद्वारे संवाद साधण्यास देणे, त्यांच्या आई साडी घालून आणि कुंकू लावून आल्याने त्यांना साडी बदलून अन्य वस्रांमध्ये येण्यास सांगणे, तसेच कुंकू पुसून येण्यास सांगण्यात आले, या सर्व गोष्टींचा समितीद्वारे निषेध करण्यात आला. भेट झाल्यानंतरही जाणीवपूर्वक त्यांना पत्रकारांच्या समोर काही काळ थांबवण्यात आले आणि पाकिस्तानी पत्रकारांनी त्यांना अवमानकारक प्रश्न विचारून जाधव यांचा आई आणि पत्नी यांची अवमानना केली असल्याचेही निवेदना म्हटले आहे.