ग्रामसेवक, शाखा अभियंत्यासह पाच जणांवर फसवणुकीचा गुन्हा
म. टा. वृत्तसेवा, चाळीसगाव
तालुक्यातील वाघळी येथे घरकुलाचे बांधकाम पूर्ण झालेले नसताना, बनावट बँक खाते उघडून लाभार्थ्यांला मिळणारे शासकीय अनुदान दुसऱ्यांनी परस्पर लाटल्याचा प्रकार समोर आला आहे. या प्रकरणी पंचायत समितीच्या विस्तार अधिकाऱ्यांच्या तक्रारीवरून वाघळीचे तत्कालीन ग्रामसेवक, शाखा अभियंता, उपविभागीय अभियंता, सरपंच व आणखी एकजण अशा पाच जणांविरोधात फसवणुकीचा नोंदविण्यात आला आहे.
चाळीसगाव पंचायत समितीचे विस्तार अधिकारी बापू श्रावण बागूल यांनी पोलिसात दिलेल्या तक्रारीनुसार, तालुक्यातील वाघळी येथील चुडामण भावडू नाईक यांच्या नावाने वर्ष २००६-०७ मध्ये घरकूल मंजूर झाले होते. तेव्हा दि. ७ नोव्हेंबर २००७ ते २७ नोव्हेंबर २००८ या दरम्यान तत्कालीन ग्रामसेवक व हल्ली भडगाव तालुक्यात कार्यरत ग्रामविकास अधिकारी एल. पी. राठोड यांनी घरकुलाचे बांधकाम पूर्ण नसताना उताऱ्यावर काम पूर्ण झाल्याची नोंद केली. तत्कालीन शाखा अभियंता, हल्ली कार्यरत पंचायत समिती बोदवड बी. के. सोनवणे यांनी घरकूल अपूर्ण असतांना घरकुल अनुदानाचा हप्ता वितरीत करण्याची शिफारस केली. त्यावर तत्कालीन उपविभागीय अभियंता एस. टी. माळी (सेवानिवृत्त) यांनी घरकुलाचे बांधकाम पूर्ण नसतानाही बांधकाम पूर्णत्वाचा दाखला दिला. यावरून आण्णा रामदास धनगर (रा. वाघळी) यांनी जिल्हा मध्यवर्ती बॅकेच्या वाघळी शाखेत चुडामण नाईक यांच्याऐवजी स्वत:चा फोटो लावून बनावट खाते उघडून २८ हजार १४९ रक्कमेचा शासकीय अनुदानाचा अपहार केला. तर वाघळीचे तत्कालीन सरपंच विजय मुरलीधर सोनवणे यांनी जळगाव जिल्हा मध्यवर्ती बँकेच्या वाघळी शाखेत चुडामण नाईक यांच्या नावाने खाते उघडण्यासाठी ओळख दिली. या प्रकरणात तत्कालीन ग्रामसेवक एल. पी. राठोड, तत्कालीन शाखा अभियंता बी. के. सोनवणे, तत्कालीन उपविभागीय अभियंता एस. टी. माळी, आण्णा रामदास धनगर, तत्कालीन सरपंच विजय मुरलीधर सोनवणे यांच्याविरोधात संगनमत करून घरकुल योजनेअंतर्गत सरकारकडून मिळणारी अनुदानाची रक्कम ही बँकेचे बनावट खाते उघडून ते स्वत:च्या आर्थिक फायद्यासाठी वापरून सरकारच्या रक्कमेचा अपहार केला. तसेच मूळ लाभार्थी चुडामण भावडू नाईक यांची फसवणूक केली.
म. टा. वृत्तसेवा, चाळीसगाव
तालुक्यातील वाघळी येथे घरकुलाचे बांधकाम पूर्ण झालेले नसताना, बनावट बँक खाते उघडून लाभार्थ्यांला मिळणारे शासकीय अनुदान दुसऱ्यांनी परस्पर लाटल्याचा प्रकार समोर आला आहे. या प्रकरणी पंचायत समितीच्या विस्तार अधिकाऱ्यांच्या तक्रारीवरून वाघळीचे तत्कालीन ग्रामसेवक, शाखा अभियंता, उपविभागीय अभियंता, सरपंच व आणखी एकजण अशा पाच जणांविरोधात फसवणुकीचा नोंदविण्यात आला आहे.
चाळीसगाव पंचायत समितीचे विस्तार अधिकारी बापू श्रावण बागूल यांनी पोलिसात दिलेल्या तक्रारीनुसार, तालुक्यातील वाघळी येथील चुडामण भावडू नाईक यांच्या नावाने वर्ष २००६-०७ मध्ये घरकूल मंजूर झाले होते. तेव्हा दि. ७ नोव्हेंबर २००७ ते २७ नोव्हेंबर २००८ या दरम्यान तत्कालीन ग्रामसेवक व हल्ली भडगाव तालुक्यात कार्यरत ग्रामविकास अधिकारी एल. पी. राठोड यांनी घरकुलाचे बांधकाम पूर्ण नसताना उताऱ्यावर काम पूर्ण झाल्याची नोंद केली. तत्कालीन शाखा अभियंता, हल्ली कार्यरत पंचायत समिती बोदवड बी. के. सोनवणे यांनी घरकूल अपूर्ण असतांना घरकुल अनुदानाचा हप्ता वितरीत करण्याची शिफारस केली. त्यावर तत्कालीन उपविभागीय अभियंता एस. टी. माळी (सेवानिवृत्त) यांनी घरकुलाचे बांधकाम पूर्ण नसतानाही बांधकाम पूर्णत्वाचा दाखला दिला. यावरून आण्णा रामदास धनगर (रा. वाघळी) यांनी जिल्हा मध्यवर्ती बॅकेच्या वाघळी शाखेत चुडामण नाईक यांच्याऐवजी स्वत:चा फोटो लावून बनावट खाते उघडून २८ हजार १४९ रक्कमेचा शासकीय अनुदानाचा अपहार केला. तर वाघळीचे तत्कालीन सरपंच विजय मुरलीधर सोनवणे यांनी जळगाव जिल्हा मध्यवर्ती बँकेच्या वाघळी शाखेत चुडामण नाईक यांच्या नावाने खाते उघडण्यासाठी ओळख दिली. या प्रकरणात तत्कालीन ग्रामसेवक एल. पी. राठोड, तत्कालीन शाखा अभियंता बी. के. सोनवणे, तत्कालीन उपविभागीय अभियंता एस. टी. माळी, आण्णा रामदास धनगर, तत्कालीन सरपंच विजय मुरलीधर सोनवणे यांच्याविरोधात संगनमत करून घरकुल योजनेअंतर्गत सरकारकडून मिळणारी अनुदानाची रक्कम ही बँकेचे बनावट खाते उघडून ते स्वत:च्या आर्थिक फायद्यासाठी वापरून सरकारच्या रक्कमेचा अपहार केला. तसेच मूळ लाभार्थी चुडामण भावडू नाईक यांची फसवणूक केली.