जिल्हा वाळू वाहतूक संघटनेची मागणी
म. टा. प्रतिनिधी, जळगाव
शहरासह जिल्ह्यात वाळूचे ठेके सुरू असून अनेक वाळू वाहतुकदार २ ब्रास वाळू वाहतुकीची परवानगी असताना बिनधास्तपणे ३ ब्रास वाळू वाहतूक करीत आहेत. दररोज पहाटेच्या सुमारास सुरू असलेल्या या प्रकारामुळे सरकारचा लाखो रुपयांचा महसूल बुडत असून, अवैध वाळू वाहतूक करणाऱ्यांवर कारवाई करण्यात यावी, अशी मागणी जिल्हा वाळू वाहतूक संघटनेने उपप्रादेशिक परिवहन अधिकाऱ्यांकडे निवेदनाद्वारे केली आहे.
जळगाव जिल्हा वाळू वाहतूक संघटनेशी सलंग्नित असलेले सर्व वाळू वाहतुकदार सर्व परवानग्या घेऊन वाहतूक करतात. डंपरमध्ये सरकारने ठरवून दिल्याप्रमाणे २ ब्रास वाळू वाहतूक केली जाते. त्यासाठी वाहतूक परवाना आणि ठेकेदाराकडून पावतीदेखील घेण्यात येते. जवळपास ९० टक्के वाळू वाहतुकदार संघटनेशी सलंग्नित असून, इतर वाळू वाहतुकदार नियमबाह्य ३ ब्रास वाळू वाहतूक करतात, अशा वाहतूकदारांवर कारवाईची मागणी संघटनेने केली आहे. या वेळी संघटनेचे अध्यक्ष संजय ढेकळे, दगडू सपकाळे, विठ्ठल पाटील, रवी सपकाळे, नाजीम खान, अमित बच्छाव, बुधा नन्नवरे आदी उपस्थित होते.
सरकारचा लाखोंचा महसूल बुडतोय
९० टक्के वाळू वाहतुकदार नियमात वाळू वाहतूक करतात. परंतु, इतर वाळू वाहतुकदार नियमबाह्य वाहतूक करून एका डंपरमागे १ ते २ ब्रास वाळूची अवैध वाहतूक करतात. दररोज मोठ्या प्रमाणावर अवैध वाळू वाहतूक होत असल्याने सरकारचा लाखोंचा महसूल बुडतो आहे. या वाळूच्या माध्यमातून मिळत असलेला महसूल अधिक असतानादेखील काही वाहतूकदारांकडून अवैध वाहतूक होत असल्याने सरकारचे नुकसान होते. त्यामुळे त्यांच्यावर त्वरित कारवाईची मागणी केली आहे.
खेडी, आव्हाणे, कानळदा रस्त्याने वाहतूक
३-४ ब्रास नियमबाह्य वाळू वाहतूक करण्यामागे काही ठेकेदारांची मुजोरी असून, पहाटे ४ ते ७ वाजेच्या सुमारास खेडी, आव्हाणे, कानळदा रस्त्याने अवैध वाहतूक केली जात असल्याचा आरोप जिल्हा वाळू वाहतूक संघटनेने केला आहे. दरम्यान, ओव्हरलोड वाळू वाहतूक करताना काही वाहतूकदार विना पावती वाहतूक करीत असतात. या निवदेनाची प्रत परिवहन मंत्री आणि महसूल मंत्री यांनाही पाठविण्यात आली आहे.
म. टा. प्रतिनिधी, जळगाव
शहरासह जिल्ह्यात वाळूचे ठेके सुरू असून अनेक वाळू वाहतुकदार २ ब्रास वाळू वाहतुकीची परवानगी असताना बिनधास्तपणे ३ ब्रास वाळू वाहतूक करीत आहेत. दररोज पहाटेच्या सुमारास सुरू असलेल्या या प्रकारामुळे सरकारचा लाखो रुपयांचा महसूल बुडत असून, अवैध वाळू वाहतूक करणाऱ्यांवर कारवाई करण्यात यावी, अशी मागणी जिल्हा वाळू वाहतूक संघटनेने उपप्रादेशिक परिवहन अधिकाऱ्यांकडे निवेदनाद्वारे केली आहे.
जळगाव जिल्हा वाळू वाहतूक संघटनेशी सलंग्नित असलेले सर्व वाळू वाहतुकदार सर्व परवानग्या घेऊन वाहतूक करतात. डंपरमध्ये सरकारने ठरवून दिल्याप्रमाणे २ ब्रास वाळू वाहतूक केली जाते. त्यासाठी वाहतूक परवाना आणि ठेकेदाराकडून पावतीदेखील घेण्यात येते. जवळपास ९० टक्के वाळू वाहतुकदार संघटनेशी सलंग्नित असून, इतर वाळू वाहतुकदार नियमबाह्य ३ ब्रास वाळू वाहतूक करतात, अशा वाहतूकदारांवर कारवाईची मागणी संघटनेने केली आहे. या वेळी संघटनेचे अध्यक्ष संजय ढेकळे, दगडू सपकाळे, विठ्ठल पाटील, रवी सपकाळे, नाजीम खान, अमित बच्छाव, बुधा नन्नवरे आदी उपस्थित होते.
सरकारचा लाखोंचा महसूल बुडतोय
९० टक्के वाळू वाहतुकदार नियमात वाळू वाहतूक करतात. परंतु, इतर वाळू वाहतुकदार नियमबाह्य वाहतूक करून एका डंपरमागे १ ते २ ब्रास वाळूची अवैध वाहतूक करतात. दररोज मोठ्या प्रमाणावर अवैध वाळू वाहतूक होत असल्याने सरकारचा लाखोंचा महसूल बुडतो आहे. या वाळूच्या माध्यमातून मिळत असलेला महसूल अधिक असतानादेखील काही वाहतूकदारांकडून अवैध वाहतूक होत असल्याने सरकारचे नुकसान होते. त्यामुळे त्यांच्यावर त्वरित कारवाईची मागणी केली आहे.
खेडी, आव्हाणे, कानळदा रस्त्याने वाहतूक
३-४ ब्रास नियमबाह्य वाळू वाहतूक करण्यामागे काही ठेकेदारांची मुजोरी असून, पहाटे ४ ते ७ वाजेच्या सुमारास खेडी, आव्हाणे, कानळदा रस्त्याने अवैध वाहतूक केली जात असल्याचा आरोप जिल्हा वाळू वाहतूक संघटनेने केला आहे. दरम्यान, ओव्हरलोड वाळू वाहतूक करताना काही वाहतूकदार विना पावती वाहतूक करीत असतात. या निवदेनाची प्रत परिवहन मंत्री आणि महसूल मंत्री यांनाही पाठविण्यात आली आहे.