अ‍ॅपशहर

डाळ, भाजी अजूनही महागच

पाऊस लांबल्यामुळे भाज्यांच्या दरात मोठी वाढ झाली असून, सर्वसामान्यांचे किचनचे गणित संपूर्णपणे कोलमडले आहे. भाज्यांचा दराने प्रतिकिलो शंभरी गाठल्याने हेच का ते ‘अच्छे दिन’, अशी प्रतिक्रिया महिला वर्गाकडून येत आहेत. तसेच डाळींच्या दरातही कोणतीच घट नसल्याने तूरडाळ सर्वसामान्यांच्या ताटातून गायब झाली आहे.

Maharashtra Times 28 Jun 2016, 12:30 am
म. टा. वृत्तसेवा, जळगाव
महाराष्ट्र टाइम्स.कॉम inflation in seeds vegetables
डाळ, भाजी अजूनही महागच


पाऊस लांबल्यामुळे भाज्यांच्या दरात मोठी वाढ झाली असून, सर्वसामान्यांचे किचनचे गणित संपूर्णपणे कोलमडले आहे. भाज्यांचा दराने प्रतिकिलो शंभरी गाठल्याने हेच का ते ‘अच्छे दिन’, अशी प्रतिक्रिया महिला वर्गाकडून येत आहेत. तसेच डाळींच्या दरातही कोणतीच घट नसल्याने तूरडाळ सर्वसामान्यांच्या ताटातून गायब झाली आहे.

गेल्या वर्षी पावसाने पाठ फिरविल्यामुळे दुष्काळ निर्माण झाला होता. त्यामुळे यंदाच्या उन्हाळ्यात पाण्याअभावी भाज्यांची लागवड कमी करण्यात आली होती. अर्धा जून महिना संपल्यावरदेखील पावसाने अपेक्षित हजेरी न लावल्यामुळे भाज्यांची आवक कमी झाली असून, त्यांच्या दरात मोठी वाढ झाली आहे. जळगाव शहरात यावल, रावेर, भुसावळ, जळगाव तालुका तसेच नाशिक जिल्ह्यातून भाजीपाल्याची आवक होत असते. परंतु ही आवक गेल्या वर्षाच्या तुलनेत कमी आहे. आवक कमी झाल्यानेच भाजीपाल्याचा दरात वाढ झाली असल्याची माहिती भाजी विक्रेते ज्ञानेश्वर माळी यांनी दिली.

दरात होणार घट ?

उन्हाळ्यात पावसाअभावी भाज्यांची लागवड कमी झाली होती. तसेच अर्धा जून उलटल्यावरदेखील पावसाने हजेरी लावली नव्हती. परंतु, आता जिल्ह्यात पावसाने हजेरी लावल्यामुळे भाज्यांची आवक बाजारात वाढण्याची शक्यता आहे. त्यामुळे दरातदेखील घट होण्याची शक्यता आहे.

डाळींचे दरही गगनाला

भाजीपाल्याप्रमाणे डाळींचेही दर वाढले आहेत. त्यामुळे सामान्यांच्या ताटातून डाळ गायब झाली आहे. सरकारकडून कितीही दावे करण्यात येत असले, तरी दरात घट होताना दिसत नाही.

काही महिन्यांपूर्वी डाळींचे दर हे शंभर रुपयांच्या खाली आले होते. परंतु, साठेबाजीमुळे आणि विदेशातून माल आयातीचे प्रमाण घटल्याने डाळींचे भाव पुन्हा वाढले आहेत. हरभरा डाळीचा नवीन माल साधारणतः फेब्रुवारी-मार्च महिन्यात बाजारात येत असतो. यंदा या डाळीचेही उत्पादन पाहिजे त्या प्रमाणात होऊ शकलेले नाही. ऑगस्ट महिन्यापर्यंत डाळींचा नवीन माल दाखल होईपर्यंत हेच दर कायम राहण्याची शक्यता आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज