अमळनेर तालुक्यातील डॉक्टर बेपत्ता

लोहमार्ग पोलिसात हरविल्याची नोंद

म. टा. प्रतिनिधी, जळगाव

अमळनेर तालुक्यातील एकतास येथील २७ वर्षीय डॉक्टर नाशिक येथे जातो सांगून गेल्या चौदा दिवसांपासून बेपत्ता झाले आहेत. याबाबत लोहमार्ग पोलिसात हरविल्याची नोंद करण्यात आली आहे.

डॉ. भूषण सुरेश पाटील (वय २७) हे नाशिक येथे वैद्यकीय व्यवसाय सुरू करण्यासाठी नातेवाईक डॉ. भाऊसाहेब राजधर पाटील यांच्याकडे दि. २९ डिसेंबरला गेले. मात्र ते नाशिक येथे डॉ. भाऊसाहेब पाटील यांच्याकडे ते पोहचलेच नाही. डॉ. भूषण पाटील यांचा नातेवाईकांनी इतरत्र शोध घेतला असता ते मिळाले नाही.

उपचारादरम्यान मृत्यू

शिवाजीनगरमधील भटू देविदास मराठे (वय ४०) यांना सेफ्ट‌िक झाल्याने जिल्हा रुग्णालयात औषध उपचारासाठी गेल्या आठवड्यात दाखल करण्यात आले होते. मराठे यांचा उपचारादरम्यान बुधवारी (दि. १२) सकाळी जिल्हा रुग्णालयात मृत्यू झाला.

ट्रकमध्ये लूट

रावेर : मध्यप्रदेशातून पालमार्गे रावेरकडे देशी तुपाचे डब्बे भरून येत असलेल्या ट्रकला कुसुंबा शिवारातील लालमाती ते कुसूंब्यादरम्यान असलेल्या दर्ग्याजवळ अज्ञात लुटारूंनी ट्रक लुटल्याची घटना घडल्याने परिसरात भीतीचे वातावरण पसरले आहे. बुधवारी (दि. १२) रात्री जम्मू काश्मीरमधील हरेली मेट कटवा येथील चंद्रशेखर शर्मांच्या मालकीच्या ट्रक (क्र. जे. के. २१ ४९६७) मध्ये जे. आर. डी. कंपनीचे प्रत्येकी पंधरा किलो वजनाचे देशी तुपाचे डबे होते.