गेंदालाल मिल भागात डीजे वाजवल्याप्रकरणी गुन्हा

म. टा. प्रतिनिधी, जळगाव

शिवजयंती उत्सवात गेंदालाल मिल परिसरात डीजे वाजवणाऱ्या मंडळाच्या कार्यकर्त्यांवर रविवारी (दि. १९) रात्री ११.४५ वाजेच्या सुमारास शहर पोलिस ठाण्यात गुन्हा दाखल करण्यात आला.

शिवजयंती उत्सवात गेंदालाल म‌लि परिसरातील छत्रपती उत्सव समितीतर्फे रविवारी मिरवणूक काढण्यात आली होती. त्यावेळी मिरवणुकीत डीजे लावण्यात आला होता. रात्री उशिरापर्यंत तो सुरू होता. याप्रकरणी शहर पोलिस ठाण्यात ट्रक (क्र. एमएच-०३-एन-६५३४) जप्त केली. तसेच हवालदार भालचंद्र देसले यांनी दिलेल्या फिर्यादीवरून मंडळाचे मोहन केळकर, शहाजी खोंज, रमेश चव्हाण, विजय पाटील, कमलेश जयस्वाल, कुणाल हटकर, दीपक सोनवणे, सुरेश सोनवणे (सर्व रा. गेंदालाल मील) तसेच डीजे मालक योगेश राजकुमार गवळी (रा. इंद्रप्रस्थ नगर) आणि डीजे ऑपरेटर अजय अशोक कोळी यांच्या विरोधात गुन्हा दाखल करण्यात आला आहे.