पळालेला अल्पवयीन पालकांच्या स्वाधीन

म. टा. प्रतिनिधी, जळगाव

घरून पळालेल्या अल्पवयीन मुलास आरपीएफने पकडले आहे. पळालेल्या अल्पवयीन मुलास आरपीएफने ताब्यात घेऊन पालकांच्या स्वाधीन केले आहे.

आरपीएफच्या भुसावळ विभागाचे वरिष्ठ विभागीय सुरक्षा आयुक्त अजय प्रकाश दूबे, निरीक्षक विनोदकुमार लांजीवार यांच्या मार्गदर्शनाखाली उपनिरीक्षक एस. एस. हरणे व सहकारी भुसावळ रेल्वे स्थानकाच्या फलाट क्र. ४ वर सेवा बजावत असताना त्यांना संशयास्पदरित्या एक बारावर्षीय अल्पवयीन मुलगा आढळला. त्याची चौकशी केली असता त्याने आपले नाव निरंजन उर्फ मोनू सतिशकुमार पांडे (रा. बराईपार जिगना, जिल्हा मिर्जापूर, उत्तर प्रदेश) असून, त्याने घरून पळून आल्याचे सांगितले. आरपीएफने पालकांशी संपर्क साधून बुधवारी (दि. १७) त्याचे आजोबा दयाशंकर रामलखन पांडे यांना सोपविले.