शिवाजी नगरातील घटना
म. टा. प्रतिनिधी, जळगाव
किरकोळ कारणावरून दोघांमध्ये हाणामारी होवून एकाने दुसर्यावर चाकू हल्ला केल्याची घटना मंगळवारी (दि. १५) दुपारी १२ वाजता शिवाजी नगर येथे घडली. याप्रकरणी दोन्ही गटांच्या फिर्यादीवरून शहर पोलिसात परस्परांविरुद्ध गुन्हा दाखल करण्यात आला आहे.
अरविंद पुंडलिक सोनवणे हा बंटी जाधव, गोपाल माळी यांच्यासोबत शिवाजी नगरमध्ये गप्पा मारत उभा होता. यावेळी कमलाकर भिकन कोळी हा तरुणदेखील त्या ठिकाणी उभा होता. दरम्यान, कमलाकर हा टोमणे मारत असल्याने अरविंद आणि कमलाकर यांच्या बोलाबाली होऊन वाद सुरू झाला. यानंतर कमलाकरने अरविंद यास मारहाण करून चाकुने वार केला. यात अरविंदला पाठीला दुखापत झाली. अरविंदच्या फिर्यादीवरून शहर पोलिस ठाण्यात कमलाकर कोळी याच्याविरुद्ध गुन्हा दाखल करण्यात आला आहे. तर कमलाकर कोळी यांच्या फिर्यादीवरून पत्ते खेळताना झालेल्या वादातून अरविंद सोनवणे व अजय सोनवणे या दोघांनी बेदम मारहाण केल्याप्रकरणी मारहाण करणार्या दोघांविरुद्ध गुन्हा दाखल करण्यात आला आहे.
मारहाण करून रस्ता लूट
एमआयडीसी परिसरातील भारत पेट्रोलियम कंपनी जवळून जात असलेल्या दुचाकीस्वारास मागून दुचाकीवरून आलेल्या दोन भामट्यांनी अडवून मारहाण केली. यानंतर त्यांच्याजवळील मोबाइल व पैसे हिसकावून पळ काढला. ही घटना सोमवारी (दि. १४) मध्यरात्री साडेबारा वाजता घडली. म्हाडा कॉलनी येथील विकास गिरधर पाटील सोमवारी मध्यरात्री जात असताना दुचाकीने भरधाव वेगात येत असलेल्या दोन तरुणांनी पाटील यांना ओव्हरटेक करत त्यांच्या दुचाकीसमोर दुचाकी उभी करून पाटील यांना अडविले. यानंतर त्यांना काहीही कारण नसताना मारहाण केली आणि चाकुचा धाक दाखवून त्यांच्याजवळील साडे आठ हजार रुपयांची रोकड व एक मोबाइल, असा दहा हजार पाचशे रुपयांचा ऐवज हिसकावून चोरून नेला.
लोखंडी हुकाने तरुण जखमी
भांडणात मध्यस्थ केल्याच्या कारणावरून तरुणांच्या डोक्यात पोते उचलण्याचे हुक मारून गंभीर जखमी केल्याची घटना मंगळवारी (दि. १५) रात्री पावणे नऊ वाजता तांबापूरा परिसरातील जुम्मा शहा यांच्या लाकडाच्या वखारीजवळ घडली. गवळीवाडा येथील सुभाष नारायण हटकर (वय ३९) मंगळवारी जुम्मा शहा यांच्या वखारीजवळ उभे असतांना जावेद यासीन खाटीक हा त्या ठिकाणी आला. तीन ते चार दिवसांपूर्वी माझ्या व नातेवाईकांमध्ये झालेल्या भांडणात तु का पडला, असा जावेद याने सुभाष यास जाब विचारला. त्यानंतर दोघांमध्ये वाद सुरू झाला. जावेद याने सुभाषला बेदम मारहाण करीत त्याच्याजवळ असलेले पोते उचलल्याचे लोखंडी हुकाने सुभाषच्या डोक्यात वार केला. यात सुभाष हा गंभीर जखमी झाला.
म. टा. प्रतिनिधी, जळगाव
किरकोळ कारणावरून दोघांमध्ये हाणामारी होवून एकाने दुसर्यावर चाकू हल्ला केल्याची घटना मंगळवारी (दि. १५) दुपारी १२ वाजता शिवाजी नगर येथे घडली. याप्रकरणी दोन्ही गटांच्या फिर्यादीवरून शहर पोलिसात परस्परांविरुद्ध गुन्हा दाखल करण्यात आला आहे.
अरविंद पुंडलिक सोनवणे हा बंटी जाधव, गोपाल माळी यांच्यासोबत शिवाजी नगरमध्ये गप्पा मारत उभा होता. यावेळी कमलाकर भिकन कोळी हा तरुणदेखील त्या ठिकाणी उभा होता. दरम्यान, कमलाकर हा टोमणे मारत असल्याने अरविंद आणि कमलाकर यांच्या बोलाबाली होऊन वाद सुरू झाला. यानंतर कमलाकरने अरविंद यास मारहाण करून चाकुने वार केला. यात अरविंदला पाठीला दुखापत झाली. अरविंदच्या फिर्यादीवरून शहर पोलिस ठाण्यात कमलाकर कोळी याच्याविरुद्ध गुन्हा दाखल करण्यात आला आहे. तर कमलाकर कोळी यांच्या फिर्यादीवरून पत्ते खेळताना झालेल्या वादातून अरविंद सोनवणे व अजय सोनवणे या दोघांनी बेदम मारहाण केल्याप्रकरणी मारहाण करणार्या दोघांविरुद्ध गुन्हा दाखल करण्यात आला आहे.
मारहाण करून रस्ता लूट
एमआयडीसी परिसरातील भारत पेट्रोलियम कंपनी जवळून जात असलेल्या दुचाकीस्वारास मागून दुचाकीवरून आलेल्या दोन भामट्यांनी अडवून मारहाण केली. यानंतर त्यांच्याजवळील मोबाइल व पैसे हिसकावून पळ काढला. ही घटना सोमवारी (दि. १४) मध्यरात्री साडेबारा वाजता घडली. म्हाडा कॉलनी येथील विकास गिरधर पाटील सोमवारी मध्यरात्री जात असताना दुचाकीने भरधाव वेगात येत असलेल्या दोन तरुणांनी पाटील यांना ओव्हरटेक करत त्यांच्या दुचाकीसमोर दुचाकी उभी करून पाटील यांना अडविले. यानंतर त्यांना काहीही कारण नसताना मारहाण केली आणि चाकुचा धाक दाखवून त्यांच्याजवळील साडे आठ हजार रुपयांची रोकड व एक मोबाइल, असा दहा हजार पाचशे रुपयांचा ऐवज हिसकावून चोरून नेला.
लोखंडी हुकाने तरुण जखमी
भांडणात मध्यस्थ केल्याच्या कारणावरून तरुणांच्या डोक्यात पोते उचलण्याचे हुक मारून गंभीर जखमी केल्याची घटना मंगळवारी (दि. १५) रात्री पावणे नऊ वाजता तांबापूरा परिसरातील जुम्मा शहा यांच्या लाकडाच्या वखारीजवळ घडली. गवळीवाडा येथील सुभाष नारायण हटकर (वय ३९) मंगळवारी जुम्मा शहा यांच्या वखारीजवळ उभे असतांना जावेद यासीन खाटीक हा त्या ठिकाणी आला. तीन ते चार दिवसांपूर्वी माझ्या व नातेवाईकांमध्ये झालेल्या भांडणात तु का पडला, असा जावेद याने सुभाष यास जाब विचारला. त्यानंतर दोघांमध्ये वाद सुरू झाला. जावेद याने सुभाषला बेदम मारहाण करीत त्याच्याजवळ असलेले पोते उचलल्याचे लोखंडी हुकाने सुभाषच्या डोक्यात वार केला. यात सुभाष हा गंभीर जखमी झाला.