म. टा. प्रतिनिधी, जळगाव
हातातील मोबाइल कानाला लावून रस्त्याने मित्रासोबत चालत असलेल्या तरुणाच्या हातातून मागून दुचाकीवर आलेल्या दोन संशयितांनी हिसकावून पोबारा केल्याप्रकरणी जिल्हा पेठ पोलिसात गुन्हा दाखल करण्यात आला आहे.
दिनेश रामरतन बाविस्कर (२८) संत गोधडीवाला मार्केटमध्ये निखील गारमेंटमध्ये सुमारे आठ महिन्यांपासून कामाला आहे. दिनेश यांचा मित्र वैभव अनिल मराठे हादेखील याच मार्केटमध्ये कामाला असल्याने दोघेजण घरून बरोबर येजा करतात. मागील गुरुवारी रात्री काम आटोपून दिनेश व वैभव दोघे पायीच तुकाराम वाडीकडे जात होते. सिव्हिल हॉस्पिटलला लागून असलेल्या रस्त्यावरून जात असताना मित्राला फोन करावयाचा असल्याने दिनेशने वैभवजवळील मोबाइल हातात घेतला. मोबाइल कानाला लावून ते गप्पा करत चालत असताना अचानक मागून दुचाकीवर दोनजण आले. दुचाकीवरील मागच्या तरुणाने दिनेशच्या हातातील मोबाइल हिसकविल्यानंतर दुचाकी सुसाट वेगाने निघुन गेली. दोघा मित्रांनी आरडाओरड केली, मात्र तोवर चोरटे पसार झाले. सुमारे १७ हजार ९०० रुपये किमतीचा मोबाइल होता.
रिक्षात बसण्यावरून हाणामारी
शहरातील गांधी उद्यानाजवळ रिक्षात बसण्याच्या कारणावरून दोन जणांनी एकास लोखंडी पट्टीने मारहाण करण्याची घटना गुरूवारी (दि. १७) सकाळी साडे दहा वाजता घडली. कैलास चिंतामण बाविस्कर (रा. जैनाबाद), भूषण पुंडलिक सोनवणे (रा. शेळगाव) यांनी रिक्षात बसण्याच्या कारणावरून नरेंद्र विश्वकर्मा (रा. विसनजी नगर) यास लोखंडी पट्टीने मारहाण केली.
वृद्धाचा आकस्मिक मृत्यू
येथील सिंधी कॉलनी परिसरात रिक्षा थांब्याजवळ ६५ वर्षीय वृद्धाचा मंगळवारी दुपारी १.५० वाजता दीर्घ आजाराने मृत्यू झाला. मृताचे नाव बापू आहे. याबाबत राजु पटेल रा. तांबापुरा याच्या खबरीवरून जिल्हा पेठ पोलिस ठाण्यात आकस्मिक मृत्यूची नोंद करण्यात आली आहे.
अनोळखीचा मृत्यू
सुरत रेल्वे रुळावर ३५ वर्षीय अनोळखी पुरूषाचा मृतदेह बुधवारी (दि. १६) रात्री १० वाजता आढळून आला आहे. डोक्याला मार लागल्याने मृत्यू झाल्याचा अंदाज व्यक्त करण्यात आला आहे. उपस्टेशन मास्तर सनस यांच्या खबरीवरून तालुका पोलिस ठाण्यात आकस्मिक मृत्यूची नोंद करण्यात आली आहे.
हातातील मोबाइल कानाला लावून रस्त्याने मित्रासोबत चालत असलेल्या तरुणाच्या हातातून मागून दुचाकीवर आलेल्या दोन संशयितांनी हिसकावून पोबारा केल्याप्रकरणी जिल्हा पेठ पोलिसात गुन्हा दाखल करण्यात आला आहे.
दिनेश रामरतन बाविस्कर (२८) संत गोधडीवाला मार्केटमध्ये निखील गारमेंटमध्ये सुमारे आठ महिन्यांपासून कामाला आहे. दिनेश यांचा मित्र वैभव अनिल मराठे हादेखील याच मार्केटमध्ये कामाला असल्याने दोघेजण घरून बरोबर येजा करतात. मागील गुरुवारी रात्री काम आटोपून दिनेश व वैभव दोघे पायीच तुकाराम वाडीकडे जात होते. सिव्हिल हॉस्पिटलला लागून असलेल्या रस्त्यावरून जात असताना मित्राला फोन करावयाचा असल्याने दिनेशने वैभवजवळील मोबाइल हातात घेतला. मोबाइल कानाला लावून ते गप्पा करत चालत असताना अचानक मागून दुचाकीवर दोनजण आले. दुचाकीवरील मागच्या तरुणाने दिनेशच्या हातातील मोबाइल हिसकविल्यानंतर दुचाकी सुसाट वेगाने निघुन गेली. दोघा मित्रांनी आरडाओरड केली, मात्र तोवर चोरटे पसार झाले. सुमारे १७ हजार ९०० रुपये किमतीचा मोबाइल होता.
रिक्षात बसण्यावरून हाणामारी
शहरातील गांधी उद्यानाजवळ रिक्षात बसण्याच्या कारणावरून दोन जणांनी एकास लोखंडी पट्टीने मारहाण करण्याची घटना गुरूवारी (दि. १७) सकाळी साडे दहा वाजता घडली. कैलास चिंतामण बाविस्कर (रा. जैनाबाद), भूषण पुंडलिक सोनवणे (रा. शेळगाव) यांनी रिक्षात बसण्याच्या कारणावरून नरेंद्र विश्वकर्मा (रा. विसनजी नगर) यास लोखंडी पट्टीने मारहाण केली.
वृद्धाचा आकस्मिक मृत्यू
येथील सिंधी कॉलनी परिसरात रिक्षा थांब्याजवळ ६५ वर्षीय वृद्धाचा मंगळवारी दुपारी १.५० वाजता दीर्घ आजाराने मृत्यू झाला. मृताचे नाव बापू आहे. याबाबत राजु पटेल रा. तांबापुरा याच्या खबरीवरून जिल्हा पेठ पोलिस ठाण्यात आकस्मिक मृत्यूची नोंद करण्यात आली आहे.
अनोळखीचा मृत्यू
सुरत रेल्वे रुळावर ३५ वर्षीय अनोळखी पुरूषाचा मृतदेह बुधवारी (दि. १६) रात्री १० वाजता आढळून आला आहे. डोक्याला मार लागल्याने मृत्यू झाल्याचा अंदाज व्यक्त करण्यात आला आहे. उपस्टेशन मास्तर सनस यांच्या खबरीवरून तालुका पोलिस ठाण्यात आकस्मिक मृत्यूची नोंद करण्यात आली आहे.