प्रभाग ५ व ६ मध्ये बदलाची शक्यता
म. टा. प्रतिनिधी, जळगाव
आगामी महानगरपालिका निवडणुकीसाठी राज्य निवडणूक आयोगाने जाहीर केलेल्या प्रारूप प्रभागरचनेवर नुकतीच सुनावणी झाली. त्यानंतर राज्य निवडणूक आयोगाच्या प्रतिनिधी प्राजक्ता लवंगारे यांनी प्रभागात बदलाचे संकेत दिले होते. त्यानुसार शहरातील प्रभाग क्र. ५ आणि ६ मध्ये बदल होण्याची शक्यता आहे. त्याबाबत राजकीय गोटातदेखील चर्चा सुरू झालेली आहे. सुनावणीनंतरची अंतिम प्रभागरचना उद्या (दि. २४) जाहीर होणार आहे.
जळगाव शहर महापालिकेची प्रथमच बहुसदस्यीय १९ प्रभाग असलेली रचना तयार करण्यात आली आहे. राज्य निवडणूक आयोगाने प्रारूप प्रभागरचना जाहीर केली. २०१३ च्या सार्वत्रिक निवडणुकीत ३७ प्रभाग आहेत. तर आगामी निवडणुकीसाठी जाहीर झालेल्या प्रभागरचनेनुसार १९ प्रभाग तयार करण्यात आले आहेत. रचना जाहीर केल्यानंतर त्यावर हरकती मागविण्यात आल्या होत्या. त्यानुसार ५४ हरकती प्राप्त झाल्या होत्या. त्यावर सुनावणी घेऊन ५४ हरकतींपैकी ४१ हरकतींवर सुनावणी झाली. तर १३ हरकतधारक गैरहजर होते. सुनावणीनंतर काही ठिकाणी प्रत्यक्ष जाऊन पाहणी केली होती. त्यानंतर प्रत्येक हरकतींवर अभिप्राय नोंदवून त्याचा सविस्तर अहवाल राज्य निवडणूक आयोगाकडे सादर करण्यात आला असून, उद्या (दि. २४) अंतिम प्रभागरचना जाहीर करण्यात येणार आहे.
शाहूनगरचा भाग प्रभाग ५ मध्ये?
प्रारूप प्रभागरचनेत शाहूनगरचा अर्धा भाग प्रभाग क्र. ५ मध्ये आणि अर्धा भाग प्रभाग क्र. ६ मध्ये समावेश करण्यात आलेला होता. मात्र आता प्रभाग क्र. ६ मधील अर्धा भाग वगळून संपूर्ण शाहूनगरचा परिसर प्रभाग क्र. ५ मध्ये समाविष्ट करण्यात येणार असल्याची शक्यता आहे. त्यामुळे प्रभाग क्र. ५ मध्ये प्रारूप प्रभागरचनेत असलेली २३,३१५ लोकसंख्यादेखील वाढण्याची शक्यता आहे. याबाबत इच्छुक व आजी-माजी नगरसेवकांमध्येदेखील चर्चा सुरू झाली आहे.
म. टा. प्रतिनिधी, जळगाव
आगामी महानगरपालिका निवडणुकीसाठी राज्य निवडणूक आयोगाने जाहीर केलेल्या प्रारूप प्रभागरचनेवर नुकतीच सुनावणी झाली. त्यानंतर राज्य निवडणूक आयोगाच्या प्रतिनिधी प्राजक्ता लवंगारे यांनी प्रभागात बदलाचे संकेत दिले होते. त्यानुसार शहरातील प्रभाग क्र. ५ आणि ६ मध्ये बदल होण्याची शक्यता आहे. त्याबाबत राजकीय गोटातदेखील चर्चा सुरू झालेली आहे. सुनावणीनंतरची अंतिम प्रभागरचना उद्या (दि. २४) जाहीर होणार आहे.
जळगाव शहर महापालिकेची प्रथमच बहुसदस्यीय १९ प्रभाग असलेली रचना तयार करण्यात आली आहे. राज्य निवडणूक आयोगाने प्रारूप प्रभागरचना जाहीर केली. २०१३ च्या सार्वत्रिक निवडणुकीत ३७ प्रभाग आहेत. तर आगामी निवडणुकीसाठी जाहीर झालेल्या प्रभागरचनेनुसार १९ प्रभाग तयार करण्यात आले आहेत. रचना जाहीर केल्यानंतर त्यावर हरकती मागविण्यात आल्या होत्या. त्यानुसार ५४ हरकती प्राप्त झाल्या होत्या. त्यावर सुनावणी घेऊन ५४ हरकतींपैकी ४१ हरकतींवर सुनावणी झाली. तर १३ हरकतधारक गैरहजर होते. सुनावणीनंतर काही ठिकाणी प्रत्यक्ष जाऊन पाहणी केली होती. त्यानंतर प्रत्येक हरकतींवर अभिप्राय नोंदवून त्याचा सविस्तर अहवाल राज्य निवडणूक आयोगाकडे सादर करण्यात आला असून, उद्या (दि. २४) अंतिम प्रभागरचना जाहीर करण्यात येणार आहे.
शाहूनगरचा भाग प्रभाग ५ मध्ये?
प्रारूप प्रभागरचनेत शाहूनगरचा अर्धा भाग प्रभाग क्र. ५ मध्ये आणि अर्धा भाग प्रभाग क्र. ६ मध्ये समावेश करण्यात आलेला होता. मात्र आता प्रभाग क्र. ६ मधील अर्धा भाग वगळून संपूर्ण शाहूनगरचा परिसर प्रभाग क्र. ५ मध्ये समाविष्ट करण्यात येणार असल्याची शक्यता आहे. त्यामुळे प्रभाग क्र. ५ मध्ये प्रारूप प्रभागरचनेत असलेली २३,३१५ लोकसंख्यादेखील वाढण्याची शक्यता आहे. याबाबत इच्छुक व आजी-माजी नगरसेवकांमध्येदेखील चर्चा सुरू झाली आहे.