म. टा. प्रतिनिधी, जळगाव
जळगाव शहरात डेंग्यूची साथ पसरली असताना आरोग्य विभागाकडून उपाययोजना व सफाईची कामे होत नसल्याने सदस्यांनी संताप व्यक्त करीत आरोग्य अधिकारी यांची कानउघाडणी केली. सभापती नितीन बरडे यांची शेवटची सभा असल्याने वर्षभरात त्यांच्या पाठपुराव्याने १९ कोटी रुपयांच्या कामांना चालना मिळाल्याने त्यांचे अभिनंदन सदस्यांकडून करण्यात आले.
स्थायी सभेच्या व्यासपीठावर सभापती नितीन बरडे, उपायुक्त राजेंद्र फातले, सहाय्यक उपायुक्त चंद्रकांत कहार, नगरसचिव राजेंद्र पाटील उपस्थित होते. सभेच्या सुरुवातील सर्व विषय मंजूर करण्यात आले. रस्ता दुरुस्तीच्या निविदेबाबत ज्योती चव्हाण यांनी कोणत्या रस्त्यांचा समावेश झाला आहे? याची माहिती घेतली. ममता कोल्हे यांनी साफसफाईचा प्रश्न उपस्थित केला. वर्षा खडके यांनी आरोग्य अधिकारी डॉ. विकास पाटील यांना धारेवर धरले. गायत्री शिंदे यांनी पोषण आहारात अळ्यांप्रकरणी काय कारवाई केली असा प्रश्न प्रशासन अधिकारी वसंत महाजन यांना विचारला. त्यावर महाजन यांनी संबंधित शाळेच्या मुख्याध्यपाकांची बदली केल्याची माहिती दिली. राजू पटेल यांनी गुरे चोरल्याप्रकरणी मोकाट गुरांच्या मक्तेदारावर कारवाई न केल्यास उपोषणाचा इशारा सभेत दिला. मनसेचे अनंत जोशी यांनी अतिक्रमण निमूर्लनासाठी कायमस्वरूपी पोलिस बंदोबस्तासह ११ मुद्दे मांडले. सभापती नितीन बरडे यांची शेवटची सभा असल्याने अनंत जोशी यांनी एक वर्षातील बरडे यांच्या कामाचा आढावा घेतला. सभापती बरडे यांनी गणेश घाट १ कोटी, रस्ते १० कोटी, मेहरूण तलाव बळकटीकरण ६५ लाख, हायमस्ट लॅम्प ३० लाख, रस्ते विशेष निधी ३ कोटी ७५ लाख, इतर शासकीय निधी ३ कोटी यासाठी पाठपुरवा करून कामांना चालना दिल्याबद्दल त्यांचे अभिनंदन केले.
जळगाव शहरात डेंग्यूची साथ पसरली असताना आरोग्य विभागाकडून उपाययोजना व सफाईची कामे होत नसल्याने सदस्यांनी संताप व्यक्त करीत आरोग्य अधिकारी यांची कानउघाडणी केली. सभापती नितीन बरडे यांची शेवटची सभा असल्याने वर्षभरात त्यांच्या पाठपुराव्याने १९ कोटी रुपयांच्या कामांना चालना मिळाल्याने त्यांचे अभिनंदन सदस्यांकडून करण्यात आले.
स्थायी सभेच्या व्यासपीठावर सभापती नितीन बरडे, उपायुक्त राजेंद्र फातले, सहाय्यक उपायुक्त चंद्रकांत कहार, नगरसचिव राजेंद्र पाटील उपस्थित होते. सभेच्या सुरुवातील सर्व विषय मंजूर करण्यात आले. रस्ता दुरुस्तीच्या निविदेबाबत ज्योती चव्हाण यांनी कोणत्या रस्त्यांचा समावेश झाला आहे? याची माहिती घेतली. ममता कोल्हे यांनी साफसफाईचा प्रश्न उपस्थित केला. वर्षा खडके यांनी आरोग्य अधिकारी डॉ. विकास पाटील यांना धारेवर धरले. गायत्री शिंदे यांनी पोषण आहारात अळ्यांप्रकरणी काय कारवाई केली असा प्रश्न प्रशासन अधिकारी वसंत महाजन यांना विचारला. त्यावर महाजन यांनी संबंधित शाळेच्या मुख्याध्यपाकांची बदली केल्याची माहिती दिली. राजू पटेल यांनी गुरे चोरल्याप्रकरणी मोकाट गुरांच्या मक्तेदारावर कारवाई न केल्यास उपोषणाचा इशारा सभेत दिला. मनसेचे अनंत जोशी यांनी अतिक्रमण निमूर्लनासाठी कायमस्वरूपी पोलिस बंदोबस्तासह ११ मुद्दे मांडले. सभापती नितीन बरडे यांची शेवटची सभा असल्याने अनंत जोशी यांनी एक वर्षातील बरडे यांच्या कामाचा आढावा घेतला. सभापती बरडे यांनी गणेश घाट १ कोटी, रस्ते १० कोटी, मेहरूण तलाव बळकटीकरण ६५ लाख, हायमस्ट लॅम्प ३० लाख, रस्ते विशेष निधी ३ कोटी ७५ लाख, इतर शासकीय निधी ३ कोटी यासाठी पाठपुरवा करून कामांना चालना दिल्याबद्दल त्यांचे अभिनंदन केले.