म. टा. प्रतिनिधी, जळगाव
महापालिकेच्या १९ प्रभागांतील ७५ जागांसाठी मंगळवारी मतदान झाल्यानंतर आज (दि. ३) सकाळी १० वाजेपासून येथील एमआयडीसीमधील इ-८ सेक्टरमधील गोदामात मतमोजणीस सुरुवात होणार आहे. निवडणुकीचा सर्व निकाल दुपारी दोन ते अडीच वाजेपर्यंत जाहीर होतील, असा दावा प्रशासनातर्फे करण्यात आला. गोदामाभोवती बंदोबस्त तैनात करण्यात आला आहे.
महापालिका निवडणुकीसाठी बुधवारी महापालिकेच्या १९ प्रभागांमधील ७५ जागांसाठी मतदान झाले. मतदारांच्या निरुत्साहामुळे केवळ ५६ टक्के मतदान झाले. गेल्यावेळीदेखील ५६ टक्केच मतदान झाले होते. ७५ जागांसाठी ३०३ उमेदवारांचे भाग्य ईव्हीएममध्ये बंद आहे. आज मतमोजणी होणार असल्याने या उमेदवारांच्या भाग्याचा फैसला होणार आहे. यासाठी प्रशासनाची तयारी पूर्ण झाली असल्याची माहिती आयुक्त चंद्रकांत डांगे यांनी ‘मटा’शी बोलताना दिली.
प्रत्येक प्रभागासाठी दोन टेबल याप्रमाणे ३८ टेबलची व्यवस्था करण्यात आली आहे. एकाचवेळी सर्व १९ प्रभागांची मतमोजणी सकाळी १० वाजता सुरू होणार आहे. मतमोजणी कर्मचारी व अधिकारी सकाळी सकाळी आठ वाजताच मतमोजणीसाठी उपस्थित रहाणार आहेत. सकाळी १० वाजता प्रत्यक्ष मतमोजणीस प्रारंभ होईल. सुरुवातीला टपाली मतदानाच्या मतजोणीस सुरुवात होणार आहे. यासाठी स्वतंत्र टीम तयार करण्यात आली आहे. त्यानंतर प्रभागनिहाय मतमोजणीस सुरुवात होणार आहे. पहिला निकाल दुपारी १२ वाजेपर्यंत जाहीर होण्याची शक्यता आहे.
अधिकारी कर्मचाऱ्यांचा फौजफाटा
निवडणुकीच्या मतमोजणीसाठी १ मुख्य निरीक्षक, १ मुख्य निवडणूक अधिकारी ६ निवडणूक निर्णय अधिकारी राहणार आहेत. त्याच्या नियंत्रणाखाली मतमोजणी केली जाणार आहे. प्रत्येक टेबलावर १ नियंत्रक, १ पर्यवेक्षक, १ सहाय्यक व १ शिपार्इ या पद्धतीने मोजणी होणार आहे. एकूण ३८ टेबलांवर ही मोजणी होणार असून, प्रत्येक निवडणूक निर्णय अधिकारी यांच्याकडे ६ टेबल राहणार आहेत.
पहिला निकाल प्रभाग १९ मधून
सर्वच प्रभागांची एकत्र मतमोजणी होणार आहे. प्रभागातील मतदारांची संख्या पाहता, ज्या प्रभागांमध्ये मतदान यंत्र जास्त होती. त्याच प्रभागांच्या सर्वाधिक फेऱ्या होणार आहेत. त्यानुसार प्रभाग क्रमांक ५ च्या सर्वाधिक १७ फेऱ्या होणार आहेत. तर सर्वात कमी ८ फेऱ्या प्रभाग क्रमांक १९ च्या होणार आहेत. त्यामुळे सर्वात पहिला निकाल प्रभाग १९ मधून जाहीर होणार आहेत. तर प्रभाग ५ मधील निकाल सर्वात शेवटी जाहीर होण्याची शक्यता प्रशासनाकडून वर्तविण्यात आली आहे.
अधिकाऱ्यांसाठी स्वतंत्र कक्ष
मतमोजणीसाठी प्रत्येक अधिकाऱ्यासाठी स्वतंत्र कक्ष तयार करण्यात आला आहे. मुख्य निवडणूक निरीक्षक प्राजक्ता लवंगारे, मुख्य निवडणूक निर्णय अधिकारी चंद्रकांत डांगे यांच्यासह उपायुक्त चंद्रकांत खोसे, लक्ष्मीकांत कहार हेदेखील यावेळी उपस्थित राहणार आहेत. सर्व कक्षांमध्ये संगणक व इंटरनेट कनेक्शनचीही व्यवस्था केली आहे. पत्रकारांसाठी मीडिया कक्ष राहणार असून, त्यात आकडेवारी दिसण्यासाठी टीव्हीची व्यवस्था केली आहे. तर गोडावूनबाहेर निकालाची माहिती मिळण्यासाठी लाऊडस्पीकरची व्यवस्था करण्यात आलेली आहे.
मतमोजणीसाठी कर्मचारी (राखीवसह)
कर्मचारी – संख्या
पर्यवेक्षक - ४२
सहाय्यक - ४२
सांख्यिकी अधिकारी - १४
सांख्यिकी सहाय्यक - १४
शिपार्इ - ४२
मजूर - ६६
................................
एकूण - २२०
महापालिकेच्या १९ प्रभागांतील ७५ जागांसाठी मंगळवारी मतदान झाल्यानंतर आज (दि. ३) सकाळी १० वाजेपासून येथील एमआयडीसीमधील इ-८ सेक्टरमधील गोदामात मतमोजणीस सुरुवात होणार आहे. निवडणुकीचा सर्व निकाल दुपारी दोन ते अडीच वाजेपर्यंत जाहीर होतील, असा दावा प्रशासनातर्फे करण्यात आला. गोदामाभोवती बंदोबस्त तैनात करण्यात आला आहे.
महापालिका निवडणुकीसाठी बुधवारी महापालिकेच्या १९ प्रभागांमधील ७५ जागांसाठी मतदान झाले. मतदारांच्या निरुत्साहामुळे केवळ ५६ टक्के मतदान झाले. गेल्यावेळीदेखील ५६ टक्केच मतदान झाले होते. ७५ जागांसाठी ३०३ उमेदवारांचे भाग्य ईव्हीएममध्ये बंद आहे. आज मतमोजणी होणार असल्याने या उमेदवारांच्या भाग्याचा फैसला होणार आहे. यासाठी प्रशासनाची तयारी पूर्ण झाली असल्याची माहिती आयुक्त चंद्रकांत डांगे यांनी ‘मटा’शी बोलताना दिली.
प्रत्येक प्रभागासाठी दोन टेबल याप्रमाणे ३८ टेबलची व्यवस्था करण्यात आली आहे. एकाचवेळी सर्व १९ प्रभागांची मतमोजणी सकाळी १० वाजता सुरू होणार आहे. मतमोजणी कर्मचारी व अधिकारी सकाळी सकाळी आठ वाजताच मतमोजणीसाठी उपस्थित रहाणार आहेत. सकाळी १० वाजता प्रत्यक्ष मतमोजणीस प्रारंभ होईल. सुरुवातीला टपाली मतदानाच्या मतजोणीस सुरुवात होणार आहे. यासाठी स्वतंत्र टीम तयार करण्यात आली आहे. त्यानंतर प्रभागनिहाय मतमोजणीस सुरुवात होणार आहे. पहिला निकाल दुपारी १२ वाजेपर्यंत जाहीर होण्याची शक्यता आहे.
अधिकारी कर्मचाऱ्यांचा फौजफाटा
निवडणुकीच्या मतमोजणीसाठी १ मुख्य निरीक्षक, १ मुख्य निवडणूक अधिकारी ६ निवडणूक निर्णय अधिकारी राहणार आहेत. त्याच्या नियंत्रणाखाली मतमोजणी केली जाणार आहे. प्रत्येक टेबलावर १ नियंत्रक, १ पर्यवेक्षक, १ सहाय्यक व १ शिपार्इ या पद्धतीने मोजणी होणार आहे. एकूण ३८ टेबलांवर ही मोजणी होणार असून, प्रत्येक निवडणूक निर्णय अधिकारी यांच्याकडे ६ टेबल राहणार आहेत.
पहिला निकाल प्रभाग १९ मधून
सर्वच प्रभागांची एकत्र मतमोजणी होणार आहे. प्रभागातील मतदारांची संख्या पाहता, ज्या प्रभागांमध्ये मतदान यंत्र जास्त होती. त्याच प्रभागांच्या सर्वाधिक फेऱ्या होणार आहेत. त्यानुसार प्रभाग क्रमांक ५ च्या सर्वाधिक १७ फेऱ्या होणार आहेत. तर सर्वात कमी ८ फेऱ्या प्रभाग क्रमांक १९ च्या होणार आहेत. त्यामुळे सर्वात पहिला निकाल प्रभाग १९ मधून जाहीर होणार आहेत. तर प्रभाग ५ मधील निकाल सर्वात शेवटी जाहीर होण्याची शक्यता प्रशासनाकडून वर्तविण्यात आली आहे.
अधिकाऱ्यांसाठी स्वतंत्र कक्ष
मतमोजणीसाठी प्रत्येक अधिकाऱ्यासाठी स्वतंत्र कक्ष तयार करण्यात आला आहे. मुख्य निवडणूक निरीक्षक प्राजक्ता लवंगारे, मुख्य निवडणूक निर्णय अधिकारी चंद्रकांत डांगे यांच्यासह उपायुक्त चंद्रकांत खोसे, लक्ष्मीकांत कहार हेदेखील यावेळी उपस्थित राहणार आहेत. सर्व कक्षांमध्ये संगणक व इंटरनेट कनेक्शनचीही व्यवस्था केली आहे. पत्रकारांसाठी मीडिया कक्ष राहणार असून, त्यात आकडेवारी दिसण्यासाठी टीव्हीची व्यवस्था केली आहे. तर गोडावूनबाहेर निकालाची माहिती मिळण्यासाठी लाऊडस्पीकरची व्यवस्था करण्यात आलेली आहे.
मतमोजणीसाठी कर्मचारी (राखीवसह)
कर्मचारी – संख्या
पर्यवेक्षक - ४२
सहाय्यक - ४२
सांख्यिकी अधिकारी - १४
सांख्यिकी सहाय्यक - १४
शिपार्इ - ४२
मजूर - ६६
................................
एकूण - २२०