म. टा. प्रतिनिधी, जळगाव
शहरात होलिकोत्सव पारंपरिक पद्धतीने साजरा करण्यात आला. आज (दि. २१) साजऱ्या होणाऱ्या धुलिवंदनासाठी बच्चे कंपनीसंह तरुणाई सज्ज झाली आहे.
धुलिवंदनासाठी बाजारात आलेल्या छोटा भिमच्या पिचकारीची क्रेझ बच्चे कंपनीत असल्याचे विक्रेते अमर चौरसिया व इब्राहिम पिंजारी यांनी सांगितले. यंदा पिचकारी २५ रुपयांपासून ते ४५० रुपयांपर्यंत उपलब्ध आहेत. त्यात फायर गन, टँक पिचकारी, फॅशनेबल पिचकारी, मिल्ट गन यासह कार्टून्स व फळ व भाज्यांच्या आकारांमध्येही पिचकारी उपलब्ध आहेत.
धुलिवंदनासाठी बाजारपेठेत रंगही विक्रीसाठी उपलब्ध झाले आहेत. यंदा नैसर्गिक रंगाची रेलचेल आहे. यात नऊ प्रकारात रंग उपलब्ध आहेत. लाल, गुलाबी, निळा, जांभळा, हिरवा, पिस्ता, भगवा, नारंगी, पिवळा असे रंग आहेत. हे रंग ५ ,१०,२५ व ६० रुपयांच्या पाऊचमध्ये उपलब्ध आहेत. तर १ किलोचा पॅक १२० रुपयांचा आहे. यासह पक्क्या रंगात ५०० टक्का रंगाचे पॅकेट १५० रुपये तर सिकंदर व १२५ टक्का रंग ६० रुपयात उपलब्ध आहे. क्रीम ट्यूब व बाटलीमध्ये मध्ये सिल्व्हर व गोल्डन कलर २५ रुपयांपासून पुढे आहेत. यासह रंगाचे पाणी भरुन ऐकमेकांवर फेकले जाणारे बलूनचे पॅक्सदेखील १० रुपयांपासून बाजारात उपलब्ध आहेत.
विद्युत सुरक्षेबाबत सावधानता बाळगा
होळी, रंगपंचमी हा वसंत ऋतुचा स्वागतोत्सव आहे. होळी पेटविताना व रंगांची उधळण करताना नागरिकांनी विद्युत सुरक्षेबाबत सावधानता बाळगावी. अपघातमुक्त उत्सव साजरा करावा, असे आवाह महावितरणने केले आहे. यामध्ये होळी विद्युत वितरण यंत्रणेपासून लांब अंतरावर पेटवा. होळी आणताना तिचा स्पर्श विद्युत वाहिन्यांना होणार नाही, याची दक्षता घ्यावी. विद्युत वाहिन्या, वितरण रोहित्रावर पाणी फेकणे टाळावे. रंग खेळताना ओल्या हाताने वीज उपकरणांना स्पर्श टाळावा. वीज खांबाभोवती पाण्याचा निचरा होऊ देऊ नका, अशा सूचना महावितरणकडून करण्यात आल्या आहेत.
शहरात होलिकोत्सव पारंपरिक पद्धतीने साजरा करण्यात आला. आज (दि. २१) साजऱ्या होणाऱ्या धुलिवंदनासाठी बच्चे कंपनीसंह तरुणाई सज्ज झाली आहे.
धुलिवंदनासाठी बाजारात आलेल्या छोटा भिमच्या पिचकारीची क्रेझ बच्चे कंपनीत असल्याचे विक्रेते अमर चौरसिया व इब्राहिम पिंजारी यांनी सांगितले. यंदा पिचकारी २५ रुपयांपासून ते ४५० रुपयांपर्यंत उपलब्ध आहेत. त्यात फायर गन, टँक पिचकारी, फॅशनेबल पिचकारी, मिल्ट गन यासह कार्टून्स व फळ व भाज्यांच्या आकारांमध्येही पिचकारी उपलब्ध आहेत.
धुलिवंदनासाठी बाजारपेठेत रंगही विक्रीसाठी उपलब्ध झाले आहेत. यंदा नैसर्गिक रंगाची रेलचेल आहे. यात नऊ प्रकारात रंग उपलब्ध आहेत. लाल, गुलाबी, निळा, जांभळा, हिरवा, पिस्ता, भगवा, नारंगी, पिवळा असे रंग आहेत. हे रंग ५ ,१०,२५ व ६० रुपयांच्या पाऊचमध्ये उपलब्ध आहेत. तर १ किलोचा पॅक १२० रुपयांचा आहे. यासह पक्क्या रंगात ५०० टक्का रंगाचे पॅकेट १५० रुपये तर सिकंदर व १२५ टक्का रंग ६० रुपयात उपलब्ध आहे. क्रीम ट्यूब व बाटलीमध्ये मध्ये सिल्व्हर व गोल्डन कलर २५ रुपयांपासून पुढे आहेत. यासह रंगाचे पाणी भरुन ऐकमेकांवर फेकले जाणारे बलूनचे पॅक्सदेखील १० रुपयांपासून बाजारात उपलब्ध आहेत.
विद्युत सुरक्षेबाबत सावधानता बाळगा
होळी, रंगपंचमी हा वसंत ऋतुचा स्वागतोत्सव आहे. होळी पेटविताना व रंगांची उधळण करताना नागरिकांनी विद्युत सुरक्षेबाबत सावधानता बाळगावी. अपघातमुक्त उत्सव साजरा करावा, असे आवाह महावितरणने केले आहे. यामध्ये होळी विद्युत वितरण यंत्रणेपासून लांब अंतरावर पेटवा. होळी आणताना तिचा स्पर्श विद्युत वाहिन्यांना होणार नाही, याची दक्षता घ्यावी. विद्युत वाहिन्या, वितरण रोहित्रावर पाणी फेकणे टाळावे. रंग खेळताना ओल्या हाताने वीज उपकरणांना स्पर्श टाळावा. वीज खांबाभोवती पाण्याचा निचरा होऊ देऊ नका, अशा सूचना महावितरणकडून करण्यात आल्या आहेत.