डीएलएडच्या अभ्यासक्रमामुळे गुरूजी होणार स्मार्ट

गौरी जोशी, जळगाव आपल्यापेक्षा आजची मुलं खूप हुशार अन् स्मार्ट आहेत, असे सर्वत्र बोलले जात असतांना शिक्षणप्रणालीही तितकीच स्मार्ट होण्याची गरज निर्माण झाली. पाया पक्का असला तर मजल्यांवर मजले चढविण्यात अडचणी येत नाही. त्याचप्रमाणे इयत्ता पहिलीपासून जर विद्यार्थ्यांचा मनावर अभ्यास सोदाहरणासह बिंबवायला हवा. त्याला योग्य ते आकलन व्हायला हवं. नवीन जनरेशनसाठी शिक्षक देखील स्मार्ट असला पाहिजे याकरिता शैक्षणिक वर्ष २०१६-१७ मध्ये डीएलएडचा नवीन अभ्यासक्रम सुरू करण्यात येत असून यात थेअरीपेक्षा प्रात्याक्ष‌िकांवर जादा भर देण्यात आला आहे. यासंदर्भात जिल्हा शिक्षण व प्रशिक्षण संस्थेचे प्राचार्य अरूण सोनार यांच्याशी साधलेला संवाद....





•डीएडच्या बदललेले स्वरूपाबद्दल काय सांगाल?

➤ गेल्यावर्षी डीएडच्या नावात बदल करण्यात आला असून डीएलएड असे त्याचे नाव ठेवण्यात आले. डीएलएडचे पूर्ण स्वरुप आहे डिप्लोमा इन एलिमेंटरी एज्युकेशन अर्थातच प्राथमिक शिक्षण

पदविका अभ्यासक्रम. हे नाव जरी गेल्यावर्षी ठेवण्यात आले असले तरी या नावाने प्रवेश प्रक्रिया ही यंदापासून सुरू झाली आहे. यंदा पहिल्यांदाच क्रेंद्रीय पद्धतीने ऑनलाइन

प्रवेश प्रक्रिया राबविली जात

आहे.•अभ्यासक्रमात काय बदल केला आहे का ?

➤ शैक्षणिक वर्ष २०१६-१७ पासून डीएलएडचा नवीन अभ्यासक्रम सुरू करण्यात आला आहे. या अभ्यासक्रमात शिक्षक व्यक्तीमत्त्व, ज्ञानरचनावाद आणि आयसीटी तंत्रज्ञानाचा वापरावर भर देण्यात आला आहे. सन २०१४ च्या वर्मा समितीच्या शिफारशीनुसार नवीन अभ्याक्रम तयार झाला आहे. यात ६० टक्के प्रात्याक्ष‌िक आणि ४० टक्के थेअरी असे विभाजन करण्यात आले. शिक्षक व्यक्त‌िमत्त्व हा नवीन मुद्दा अभ्यासक्रमात असून यात

रुब्रिक्स ही संकलन पद्धतीनुसार पहिल्यांदाच अभ्यासक्रमाची मांडणी झाली आहे.•अभ्यासक्रमात कोणत्या पाठांचा समावेश करण्यात आला?

➤ प्रगत शैक्षणिक महाराष्ट्र अंतर्गत अनेक उपक्रम हे सातत्यपूर्ण विकासासाठी राबविले जात आहे. या नवीन अभ्यासक्रमात पहिलाच पाठ हा बालकांचा विकास व स्व जाणीव हा घेण्यात आला आहे. तर आतापर्यंत दुसऱ्या वर्षाला असलेला इंग्रजी व मराठी भाषा संप्रेषण व प्रभूत्त्व हा विषय प्रथम वर्षातच अंतभूर्त करण्यात आला. तसेच संगणक परिचालन हा विषय केवळ ५० मार्कांचा

असून केवळ प्रात्याक्ष‌िकवर आधारित आहे.•डीएलएडकडे ओढा कमी असण्याची कारणे कोणती ?

➤ सन २००६ ते २०१० दरम्यान डीएलएडचा प्रवेशासाठी अक्षरशः रांगा लागायच्या. पोलिस बंदोबस्तही लावण्यात आला होता. मात्र, सन २०१० मध्ये घेण्यात आलेल्या सीईटीनंतर भरती प्रक्रिया बंद झाली. टेट परीक्षा झाली त्याचाही निकाल कमी लागला. परिणामी नोकरी मिळण्याची शाश्वती नव्हती. म्हणून विद्यार्थ्यांनी या अभ्यासक्रमाकडे पाठ फिरवली.•विद्यार्थ्यांना काय सांगाल?

➤ डीएलएड या शिक्षणामुळे तुमच्यात शिक्षकासाठीचे गुण येतील आणि तुम्ही ज्या कुटुंबात राहतात त्या ठिकाणी या शिक्षणाचा उपयोग होईल. नोकरी मिळेल का नाही

मिळणार या भविष्यातील गोष्टी. याकडे जरा दुर्लक्ष करीत पालकांनी विद्यार्थ्यांना या क्षेत्राकडे वळवायला पाहिजे.