जळगाव : शहरातील शनीपेठ पोलिस ठाण्याच्या हद्दीतील दोन सट्टापेढींवर कारवाई केल्यानंतर प्रशिक्षणार्थी पोलिस उपअधीक्षक धनंजय पाटील यांच्या पथकाने मंगळवारी दुपारी ३ वाजेच्या सुमारास गुजराल पेट्रोलपंप परिसरात सुरू असलेल्या सट्टा पेढीवर धाड टाकली. यात १९ हजार ६८० रुपयांची रोकडसह तीन मोटारसायकली जप्त केल्या. ४ सट्टेबाजांवर गुन्हा दाखल करून त्यांना अटक करण्यात आली आहे. गुजराल पेट्रोलपंप परिसरातील ही सट्टा पेढी दिलीप आबा भोसले यांच्या मालकीची असल्याची माहिती प्रशिक्षणार्थी उपअधीक्षक धनंजय पाटील यांना मिळाली होती. त्या आधारावर त्यांनी ही धाड टाकली. धाडीत १९ हजार ६८० रुपयांची रोकड, तीन मोटारसायकली असा मुद्देमाल जप्त केला.
सट्टेबाजांवर कारवाई
शहरातील शनीपेठ पोलिस ठाण्याच्या हद्दीतील दोन सट्टापेढींवर कारवाई केल्यानंतर प्रशिक्षणार्थी पोलिस उपअधीक्षक धनंजय पाटील यांच्या पथकाने मंगळवारी दुपारी ३ वाजेच्या सुमारास गुजराल पेट्रोलपंप परिसरात सुरू असलेल्या सट्टा पेढीवर धाड टाकली.
Maharashtra Times 2 Aug 2017, 4:00 am