म. टा. प्रतिनिधी, जळगाव
लाडक्या गणरायाचे आगमन झाल्यानंतर शनिवारी (दि. २५) शहरातील प्रमुख मंडळामध्ये भाविकांनी काही ठिकाणी दर्शन घेतले. मात्र, रविवारपासून शहरातील मंडळाचे देखावे भाविकांसाठी खुले करण्यात आले आहेत. यासोबतच शनिवारी शहरातील काही भागांमध्ये दीड दिवसांच्या गणपतीचे विसर्जन करण्यात आले.
शहरातील विविध चौकातील मोठ्या गणपती मंडळाचे सजावटीचे काम आज पूर्णत्वास आलेले असून, रविवारपासून गणपती पाहण्यासाठी भाविकांनी यावे, असे आवाहनही गणेश मंडळांकडून करण्यात आले आहे. बाप्पांना पाहण्यासाठी पहिल्याच दिवसांपासून भाविकांनी गर्दी करण्यास सुरुवात झाली आहे.
शहरातील मुख्य बाजारपेठेत असलेल्या गणेश मंडळामध्ये स्थापनेनतंरच्या पहिल्याच दिवशी भाविकांनी देखावे पाहण्यासाठी गर्दी केली होती. परंतु, काही ठिकाणी देखाव्यांचे काम अपूर्ण होते. त्यामुळे भाविकांची निराशा झाली.
जळगाव शहरातील बहुतांश मंडळांनी सामाजिक व धार्मिक देखाव्यांवर भर दिला आहे. जुन्या जळगावातील अनेक मंडळांनी देशभक्तीपर सजीव आरास साकारली आहे. तर शहरातील काही गणेश मंडळांनी पोस्टर लावून स्वच्छता व स्वदेशी या विषयांवर जागृती करणारे देखावे साकारले आहेत. शहरातील मुख्य भागांसह उपनगरामध्येही सार्वजनिक गणेश मंडळांनी आपल्या मंडपासमोर मोठ्या प्रमाणात आकर्षक लाईटिंग केली आहे. काही मंडळांनी विद्युत रोषणाई केल्याने रात्री जळगाव शहरात झगमगाट दिसत आहे.
लाडक्या गणरायाचे आगमन झाल्यानंतर शनिवारी (दि. २५) शहरातील प्रमुख मंडळामध्ये भाविकांनी काही ठिकाणी दर्शन घेतले. मात्र, रविवारपासून शहरातील मंडळाचे देखावे भाविकांसाठी खुले करण्यात आले आहेत. यासोबतच शनिवारी शहरातील काही भागांमध्ये दीड दिवसांच्या गणपतीचे विसर्जन करण्यात आले.
शहरातील विविध चौकातील मोठ्या गणपती मंडळाचे सजावटीचे काम आज पूर्णत्वास आलेले असून, रविवारपासून गणपती पाहण्यासाठी भाविकांनी यावे, असे आवाहनही गणेश मंडळांकडून करण्यात आले आहे. बाप्पांना पाहण्यासाठी पहिल्याच दिवसांपासून भाविकांनी गर्दी करण्यास सुरुवात झाली आहे.
शहरातील मुख्य बाजारपेठेत असलेल्या गणेश मंडळामध्ये स्थापनेनतंरच्या पहिल्याच दिवशी भाविकांनी देखावे पाहण्यासाठी गर्दी केली होती. परंतु, काही ठिकाणी देखाव्यांचे काम अपूर्ण होते. त्यामुळे भाविकांची निराशा झाली.
जळगाव शहरातील बहुतांश मंडळांनी सामाजिक व धार्मिक देखाव्यांवर भर दिला आहे. जुन्या जळगावातील अनेक मंडळांनी देशभक्तीपर सजीव आरास साकारली आहे. तर शहरातील काही गणेश मंडळांनी पोस्टर लावून स्वच्छता व स्वदेशी या विषयांवर जागृती करणारे देखावे साकारले आहेत. शहरातील मुख्य भागांसह उपनगरामध्येही सार्वजनिक गणेश मंडळांनी आपल्या मंडपासमोर मोठ्या प्रमाणात आकर्षक लाईटिंग केली आहे. काही मंडळांनी विद्युत रोषणाई केल्याने रात्री जळगाव शहरात झगमगाट दिसत आहे.