जळगाव : जान्हवीला व्हायचेय कलेक्टर

म टा प्रतिनिधी, जळगाव

आर्थिक परिस्थिती बेताची असल्याने रिक्षाचे पैसे वाचावे म्हणून रोज तीन किलोमीअर पायपीट करणाऱ्या जान्हवी कुंवरने दहावीत ९४.२० टक्के मिळविले आहेत. हरिविठ्ठलनगरात भाड्याच्या घरात राहणाऱ्या जान्हवीचे वडील महेश कुंवर सुरक्षारक्षक आहेत, तर आई खासगी हॉस्पिटलमध्ये काम करते. अभ्यासाबरोबरच गायन, कथाकथन, नृत्य व वक्तृत्व यामध्ये आपल्या गुणांची चुणूक दाखवणाऱ्या जान्हवीने ए. टी. झांबरे विद्यालयातील आदर्श विद्यार्थीनी म्हणून पुरस्कारही मिळवला आहे. कठीण परिस्थितीत वाटचाल करताना जान्हवी कलेक्टर होण्याचे स्वप्न पाहत आहे.