आमदार पाटलांसह चौघांना जामीन मंजूर

म. टा. प्रतिनिधी, जळगाव

जे. टी. महाजन सुतगिरणी विक्री प्रकरणी आ. डॉ. सतीश पाटील यांच्यासह चौघांनी मुंबई उच्च न्यायालय औरंगाबाद खंडपीठात जामीनासाठी अर्ज केला होता. यावर मंगळवारी, (दि. २८) कामकाज झाले असता न्या. एन. डब्ल्यू. सांबरे यांनी आ. डॉ. पाटील यांच्यासह चौघांचा जामीन मंजूर केला.

सुतगिरणी विक्री प्रक्रियेत २ कोटी ७९ लाख २८ हजार ७५० रुपयांचा लक्ष्मी टेक्सटाइल्सच्या नावे कथित अनामत रकमेचा धनादेश परत केल्याप्रकरणी जिल्हापेठ पोलिसांत अॅड. विजय पाटील यांच्या फिर्यादीवरुन गुन्हा दाखल करण्यात आला होता.