अ‍ॅपशहर

कार्तिक स्वामी मंदिरात दर्शनासाठी भक्तांची गर्दी

कार्तिक पौर्णिमेनिमित्त शहरातील निवृत्ती नगरातील कार्तिक स्वामी मंदिरात दर्शनासाठी महिलांसह नागरिकांची रांग लागली होती. शनिवारी (दि. ४) रात्री उशीरापर्यंत भाविकांनी दर्शन घेतले.

Maharashtra Times 5 Nov 2017, 4:00 am
म. टा. प्रतिनिधी, जळगाव
महाराष्ट्र टाइम्स.कॉम kartik swami temple full with peoples
कार्तिक स्वामी मंदिरात दर्शनासाठी भक्तांची गर्दी


कार्तिक पौर्णिमेनिमित्त शहरातील निवृत्ती नगरातील कार्तिक स्वामी मंदिरात दर्शनासाठी महिलांसह नागरिकांची रांग लागली होती. शनिवारी (दि. ४) रात्री उशीरापर्यंत भाविकांनी दर्शन घेतले. मंदिरात पहाटे अभिषेक केल्यानंतर मंदिर सर्वांसाठी खुले करण्यात आले. केरळी महिला ट्रस्टतर्फे निवृत्ती नगरात येथे १७ वर्षांपूर्वी श्री अय्यप्पा स्वामी पंचायत मंदिराची स्थापना करण्यात आली आहे. हे मंदिर भाविकांसाठी वर्षातून एकदाच खुले होत असल्याने कार्तिक स्वामींचे दर्शन घेण्यासाठी महिला भाविकांसह नागरिकांची याठिकाणी मोठ्या प्रमाणात गर्दी होत असते. मंदिरात शनिवारी, सकाळपासून विविध धार्मिक कार्यक्रमांचे आयोजन करण्यात आले होते.

यामध्ये मंदिराचे पुजारी राम अय्यर, कृष्ण अय्यर या ब्रम्हवृंदांनी ३१ प्रकारच्या विविध वस्तूंनी कार्तिक स्वामींच्या मूर्तीचा अभिषेक करण्यात आला. त्यानंतर महाआरती होऊन भाविकांना दर्शनासाठी मंदिर खुले करण्यात आले. तसेच यंदा कार्तिक स्वामींचे मंदिर तीन दिवस खुले राहत असल्याने भाविकांची मोठ्या प्रमाणात गर्दी होत आहे. निवृत्ती नगरातील कार्तिक स्वामी मंदिरासह पत्र्या हनुमान मंदिराजवळील कार्तिक स्वामी मंदिर, डॉ. शामाप्रसाद मुखर्जी उद्यानातील मंदिर, पिंप्राळ्यातील कार्तिक स्वामींच्या मंदिरात भाविकांनी दर्शनासाठी दुपारपासून रात्री उशीरापर्यंत गर्दी केली होती.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज