श्रावणानिमित्त सुलवाडीपासून कावड यात्रा

रावेर : येथील वीर भगतसिंग व्यायाम शाळा व शिव भक्तांद्वारे सुलवाडी ते श्री क्षेत्र ओंकारेश्वर तामसवाडी कावड यात्रा काढण्यात आली. दरवर्षीप्रमाणे यंदाही कावड यात्रेस सुलवाडी येथून पूजाविधी करून काढण्यात आली. काशिनाथ महाराज यांच्या नेतृत्वात निघालेल्या कावड यात्रेत युवकांनी सहभाग घेतला. कावडधारी 'जय भोले'चा गजर करत उत्साहाने मार्गक्रमण करत होते. श्री क्षेत्र ओंकारेश्वर, तामसवाडी येथे पोहचल्यावर अभिषेक, पूजा करण्यात आली. प्रसंगी दत्तू चौधरी, गोपाळ भोई, बाळू भोई, संजू भोई, दिलीप बारी, भैय्या धोबी, अक्षय खंगार, राजू राजपूत, बाळू महाजन, राजू भोई आदींसह मंदिराचे पुजारी व शिवभक्त उपस्थित होते.


रावेरलाही दहीहंडी

रावेर : भगवान श्रीकृष्ण जन्मोत्सवानिमित्त आज (दि. १५) ऑगस्ट रोजी दहीहंडी उत्साहाचे आयोजन करण्यात आले आहे. येथील गांधी चौकात आज, सायंकाळी ६ वाजता गावातील मान्यवरांच्या हस्ते भगवान श्रीकृष्णांचे दहीहंडीचे पूजन करण्यात येऊन गोविंदा मंडळांचे क्रम लाऊन दहीहंडी सुरुवात करण्यात येईल, असे आयोजकांनी कळविले आहे. दहीहंडी फोडणाऱ्या गोविंदांच्या मंडळांनी प्रवेश-फी भरून फॉर्म भरून द्यावे लागणार आहेत. त्यासाठी अंबिका मेडिकल येथे संपर्क साधण्याचे आवाहन अध्यक्ष अशोक शिंदे व आयोजकांतर्फे करण्यात आले आहे.