जळगाव : जळगाव जिल्हा दूध संघाच्या निवडणुकीची रणधुमाळी सुरु आहे. या निवडणुकीवरुन जळगाव जिल्ह्यातील राजकारण चांगलंच तापत असल्याचं पाहायला मिळत आहे. या निवडणुकीत आता उमेदवारांमध्ये होणाऱ्या लढतीही रंगतदार होणार असल्याच्या चर्चा रंगल्या आहेत. जळगाव मतदारसंघातून उद्धव ठाकरे गटाच्या महापौर जयश्री महाजन यांच्या सासू मालतीबाई सुपडू महाजन यांच्या विरुद्ध शिंदे गटाचे मंत्री गुलाबराव पाटील यांच्यात होणाऱ्या लढतीची उत्सुकता लागली आहे. जळगाव जिल्हा दूध संघाच्या निवडणुकीत जळगाव मतदार संघातून शिंदे गटाचे मंत्री गुलाबराव पाटील यांच्या विरोधात उद्धव ठाकरे गटाच्या महापौर जयश्री महाजन यांनी आपल्या सासूबाई मालतीबाई सुपडू महाजन यांचं आव्हान उभे केलं असून त्यांच्यात सरळ लढत रंगणार आहे. काही दिवसांपूर्वीच महापौर जयश्री महाजन यांनी जळगाव मतदार संघात नागरिकांच्या भेटीगाठी घेतल्याने चर्चेला उधाण आलं होतं. मात्र आता जयश्री महाजन यांच्या सासू मालतीबाई महाजन यांच्या उमेदवारीमुळे या सर्व चर्चांना पूर्णविराम मिळाला आहे.
मंत्री गुलाबराव पाटील हे कट्टर शिवसैनिक होते. मात्र गेल्या काही दिवसांपूर्वीच राजकीय घडामोडी घडल्या व एकनाथ शिंदे यांच्याबरोबर गेलेल्या आमदारांमध्ये गुलाबराव पाटील हे सुद्धा शिंदे गटात सहभागी झाले आहेत. मंत्री गुलाबराव पाटील हे सहकार मंत्री सुद्धा राहिले आहेत. मात्र ते पहिल्यांदाच जिल्हा दूध संघाची निवडणूक लढवत आहेत, अशी माहिती खुद्द गुलाबराव पाटील यांनीच काल बोलताना दिली आहे.
तर दुसरीकडे जळगाव महापालिकेच्या महापौर जयश्री महाजन व व त्यांचे पती सुनील महाजन हे कट्टर शिवसैनिक आहेत. ठाकरेंवरील निष्ठा कायम राखत महाजन दाम्पत्य हे उद्धव ठाकरे गटातच राहिले आहेत. जयश्री महाजन या महापौर असण्याबरोबरच जिल्हा बँकेच्या संचालिका आहेत तसेच सोसायटीच्या ही संचालक आहेत. तर त्यांचे पती सुनील महापालिकेतच विरोधी पक्ष नेते आहेत.
मालतीबाई महाजन या शेतकरी आहेत. त्यांचा अनेक वर्षांपासून दूध विक्रीचा व्यवसाय सुद्धा आहे. तसेच अनेक शैक्षणिक संस्थांवर त्या अध्यक्ष तसेच संचालक सुद्धा आहेत. त्यामुळेच यंदा जिल्हा दूध संघाच्या निवडणुकीत जयश्री महाजन यांनी त्यांच्या सासू मालतीबाई महाजन यांना निवडणुकीच्या रिंगणात उभे केले असून मंत्री गुलाबराव पाटील यांच्या विरोधात आव्हान उभे केले आहे.
जळगाव जिल्हा दूध संघाच्या निवडणुकीत काल माघारीचा अंतिम दिवस होता. शेवटच्या मिनिटापर्यंत माघारीचे दिवशीही महाविकास आघाडी तसेच भाजप शिंदे गटाकडून राजकीय खलबत्ते झाले. काही नेत्यांकडून ही निवडणूक सर्वपक्षीय करून बिनविरोध करण्याचा प्रयत्नही झाला मात्र तो अयशस्वी ठरला. त्यामुळे जिल्हा दूध संघाच्या निवडणुकीत राष्ट्रवादी काँग्रेसचे ज्येष्ठ नेते एकनाथ खडसे तर दुसरीकडे भाजपचे मंत्री गिरीश महाजन या दोघांची प्रतिष्ठा पणाला लागली आहे. दोघांकडूनही निवडणुकीत विजयाचा दावा केला जात आहे. दोन्हीकडून सर्वच ठिकाणी उमेदवार दिले गेले असून यात शिंदे गटातील तीन उमेदवार बिनविरोध विजय सुद्धा झाले आहेत. त्यातच आता रंगतदार लढतीमुळे या निवडणुकीची चांगलीच चर्चा रंगली आहे.
मंत्री गुलाबराव पाटील यांच्या विरोधातील उद्धव ठाकरे गटाच्या महापौर जयश्री महाजन यांच्या सासू मालतीबाई महाजन यांच्यात होणारी ही लढत चांगलीच चुरशीची होणार आहे. यात कोण बाजी मारत हे पाहणं महत्त्वाचं ठरणार आहे.
मंत्री गुलाबराव पाटील हे कट्टर शिवसैनिक होते. मात्र गेल्या काही दिवसांपूर्वीच राजकीय घडामोडी घडल्या व एकनाथ शिंदे यांच्याबरोबर गेलेल्या आमदारांमध्ये गुलाबराव पाटील हे सुद्धा शिंदे गटात सहभागी झाले आहेत. मंत्री गुलाबराव पाटील हे सहकार मंत्री सुद्धा राहिले आहेत. मात्र ते पहिल्यांदाच जिल्हा दूध संघाची निवडणूक लढवत आहेत, अशी माहिती खुद्द गुलाबराव पाटील यांनीच काल बोलताना दिली आहे.
तर दुसरीकडे जळगाव महापालिकेच्या महापौर जयश्री महाजन व व त्यांचे पती सुनील महाजन हे कट्टर शिवसैनिक आहेत. ठाकरेंवरील निष्ठा कायम राखत महाजन दाम्पत्य हे उद्धव ठाकरे गटातच राहिले आहेत. जयश्री महाजन या महापौर असण्याबरोबरच जिल्हा बँकेच्या संचालिका आहेत तसेच सोसायटीच्या ही संचालक आहेत. तर त्यांचे पती सुनील महापालिकेतच विरोधी पक्ष नेते आहेत.
मालतीबाई महाजन या शेतकरी आहेत. त्यांचा अनेक वर्षांपासून दूध विक्रीचा व्यवसाय सुद्धा आहे. तसेच अनेक शैक्षणिक संस्थांवर त्या अध्यक्ष तसेच संचालक सुद्धा आहेत. त्यामुळेच यंदा जिल्हा दूध संघाच्या निवडणुकीत जयश्री महाजन यांनी त्यांच्या सासू मालतीबाई महाजन यांना निवडणुकीच्या रिंगणात उभे केले असून मंत्री गुलाबराव पाटील यांच्या विरोधात आव्हान उभे केले आहे.
जळगाव जिल्हा दूध संघाच्या निवडणुकीत काल माघारीचा अंतिम दिवस होता. शेवटच्या मिनिटापर्यंत माघारीचे दिवशीही महाविकास आघाडी तसेच भाजप शिंदे गटाकडून राजकीय खलबत्ते झाले. काही नेत्यांकडून ही निवडणूक सर्वपक्षीय करून बिनविरोध करण्याचा प्रयत्नही झाला मात्र तो अयशस्वी ठरला. त्यामुळे जिल्हा दूध संघाच्या निवडणुकीत राष्ट्रवादी काँग्रेसचे ज्येष्ठ नेते एकनाथ खडसे तर दुसरीकडे भाजपचे मंत्री गिरीश महाजन या दोघांची प्रतिष्ठा पणाला लागली आहे. दोघांकडूनही निवडणुकीत विजयाचा दावा केला जात आहे. दोन्हीकडून सर्वच ठिकाणी उमेदवार दिले गेले असून यात शिंदे गटातील तीन उमेदवार बिनविरोध विजय सुद्धा झाले आहेत. त्यातच आता रंगतदार लढतीमुळे या निवडणुकीची चांगलीच चर्चा रंगली आहे.
मंत्री गुलाबराव पाटील यांच्या विरोधातील उद्धव ठाकरे गटाच्या महापौर जयश्री महाजन यांच्या सासू मालतीबाई महाजन यांच्यात होणारी ही लढत चांगलीच चुरशीची होणार आहे. यात कोण बाजी मारत हे पाहणं महत्त्वाचं ठरणार आहे.