गुणवंतांना लाभले दातृत्वाचे बळ!

‘मटा हेल्पलाइन’ उपक्रमात दात्यांकडून प्राप्त धनादेशांचे हस्तांतरण

म. टा. प्रतिनिधी, जळगाव

उज्ज्वल भविष्याचे स्वप्न साकार करण्यासाठी रात्रंदिवस मेहनत करून दहावीच्या परीक्षेत यश संपादन करणाऱ्या जान्हवी कुंवर, प्राजक्ता भावसार, भावना पाटील या तीन गुणवंत विद्यार्थींनीना ‘मटा हेल्पलाइन’च्या माध्यमातून गौरविण्यात आले. त्यांना 'मटा'च्या वाचकांनी दिलेल्या आर्थिक मदतीचे धनादेश मु. जे. महाविद्यालयाचे प्राचार्य डॉ. उदय कुळकर्णी आणि जिल्हा पोलिस अधीक्षक दत्तात्रय कराळे यांच्या हस्ते प्रदान करण्यात आले.

मु. जे. महाविद्यालयाच्या जुन्या कॉन्फरन्स हॉलमध्ये बुधवारी (दि. २३) दुपारी हा कार्यक्रम विद्यार्थी, वाचक व विविध क्षेत्रांतील मान्यवरांच्या उपस्थितीत पार पडला. यावेळी महाराष्ट्र टाइम्स नाशिक व जळगाव आवृत्तीचे निवासी संपादक शैलेन्द्र तनपुरे उपस्थित होते.

या कार्यक्रमप्रसंगी गुणवंत विद्यार्थिनी जान्हवी कुंवर हिने ‘मटा हेल्पलाइन’च्या माध्यमातून मिळालेल्या मदत मी, सार्थकी लावणार, असल्याचे सांगत, भविष्यात मी, ‌अधिकारी झाल्यावर माझ्यासारख्या होतकरू मुलींना मदत करण्याची प्रेरणा मला यातून मिळाल्याचेही सांगितले. गुणवंतांना लाभले दातृत्वाचे बळ!