‘महावितरण’च्या वसुली मोहिमेस सुरुवात

म. टा. प्रतिनिधी, जळगाव

जिल्ह्याच्या परिमंडळ वीज ग्राहकांकडे वीजबिलांची थकबाकीचे प्रमाण वाढले आहे. थकबाकीच्या अनुषंगाने अभियंत्यांची समन्वय बैठक नुकतीच झाली. जळगाव जिल्ह्यातील वीज ग्राहकांकडे १,६६५ कोटी रुपयांची थकबाकी असल्याची माहिती महावितरणकडून देण्यात आली आहे.

बैठकीत वीजबिलाचा भरणा अनियमित असलेल्या तसेच थकबाकीदारांचा वीजपुरवठा तातडीने खंडित करण्याच्या सूचना क्षेत्रीय अभियंत्यांना देण्यात आल्या आहेत. जळगाव परिमंडळात थकबाकी व विजेची गळतीचे प्रमाण अधिक आहे. वीजपुरवठा कायमस्वरूपी खं‌डित ग्राहकांनी नवप्रकाश योजनेचा फायदा घ्यावा. या योजनेत कृषी ग्राहकांचाही समावेश केला आहे. त्यामध्ये ग्राहकांना १०० टक्के व्याज व दंड माफी, त्वरित नवीन वीजजोडणी अशा सवलती देण्यात आल्याची मुख्य अभियंता बी. के. जनवीर यांनी दिली.