म. टा. प्रतिनिधी, जळगाव
शिव कॉलनी परिसरातील सरस्वती विद्या मंदिरात मतदानासाठी आलेल्या अनेक मतदारांच्या नावासमोर ‘डिलीट’ चा शिक्का असल्याने गोंधळ निर्माण झाला होता. असे कसे झाले म्हणून मतदारांनी केंद्रप्रमुखांना जाब विचारला.
महापालिका निवडणुकीत मतदानाचा हक्क बजावल्यानंतर या परिसरातील नागरिक रितसर लोकसभा निवडणुकीसाठी मतदान करण्यासाठी गेले. बुथवर बाहेर बसलेल्या शिक्षक, कार्यकर्त्यांकडून मतदार, केंद्र क्रमांक घेण्यासाठी गेले असता त्यांच्या यादीत संबंधित मतदारांच्या फोटोवर ‘डिलीट’ असा शिक्का होता. अनेक लोकांच्या फोटोवर अशाच प्रकारे शिक्का असल्याचे दिसून आल्यानंतर या केंद्रावर गोंधळ उडाला. मिना मार्तंड महाजन (वय ४३, रा. शिव कॉलनी) यांनी या बाबत केंद्रप्रमुखांकडे तक्रार केली. यानंतर केंद्रप्रमुखांनी प्रांताधिकारी दीपमाला चौरे यांच्याशी मोबाइलवरून संपर्क करून दिला. फोटोवर डिलीटचा शिक्का असल्याने मतदान करता येणार असे चौरे यांनी सांगितल्याने नागरिकांनी रोष व्यक्त केला. अखेर विना मतदान करताच मतदारांना माघारी फिरावे लागले. निवडणूक आयोग, स्थानिक समितीने चौकशी करण्याची मागणी या नागरिकांनी केली आहे.
शिव कॉलनी परिसरातील सरस्वती विद्या मंदिरात मतदानासाठी आलेल्या अनेक मतदारांच्या नावासमोर ‘डिलीट’ चा शिक्का असल्याने गोंधळ निर्माण झाला होता. असे कसे झाले म्हणून मतदारांनी केंद्रप्रमुखांना जाब विचारला.
महापालिका निवडणुकीत मतदानाचा हक्क बजावल्यानंतर या परिसरातील नागरिक रितसर लोकसभा निवडणुकीसाठी मतदान करण्यासाठी गेले. बुथवर बाहेर बसलेल्या शिक्षक, कार्यकर्त्यांकडून मतदार, केंद्र क्रमांक घेण्यासाठी गेले असता त्यांच्या यादीत संबंधित मतदारांच्या फोटोवर ‘डिलीट’ असा शिक्का होता. अनेक लोकांच्या फोटोवर अशाच प्रकारे शिक्का असल्याचे दिसून आल्यानंतर या केंद्रावर गोंधळ उडाला. मिना मार्तंड महाजन (वय ४३, रा. शिव कॉलनी) यांनी या बाबत केंद्रप्रमुखांकडे तक्रार केली. यानंतर केंद्रप्रमुखांनी प्रांताधिकारी दीपमाला चौरे यांच्याशी मोबाइलवरून संपर्क करून दिला. फोटोवर डिलीटचा शिक्का असल्याने मतदान करता येणार असे चौरे यांनी सांगितल्याने नागरिकांनी रोष व्यक्त केला. अखेर विना मतदान करताच मतदारांना माघारी फिरावे लागले. निवडणूक आयोग, स्थानिक समितीने चौकशी करण्याची मागणी या नागरिकांनी केली आहे.