बैलांचा साज खरेदीसाठी शेतकऱ्यांची गर्दी
म. टा. प्रतिनिधी, जळगाव
अवघ्या चार दिवसांवर येऊन ठेपलेल्या बैलपोळ्याच्या खरेदीला शेतकऱ्यांकडून सुरुवात झाली आहे. शहरातील बाजारपेठ जनावरांच्या साज-सामानाने सजली आहे. शेतकऱ्यांचा मित्र असलेल्या बैलांशी कृतज्ञता व्यक्त करण्याचा हा सण आहे. बाजारपेठेत घुंगरू, झालर, दोरी, नाथे, कवळी या वस्तू दाखल झाल्या आहेत तर शेतकऱ्यांची हे सामान खरेदी करण्यासाठी गर्दी होत आहे.
भारतीय संस्कृतीनुसार श्रावणात सण, उत्सवाची उधळण होत असते. नागपंचंमी, नारळी पौर्णिमा, रक्षाबंधन, गोकुळाष्टमी यांच्यासह पोळा हा सण ग्रामीण भागात मोठ्या उत्साहात साजरा केला जातो. पोळ्यानिमित्त जळगाव जिल्ह्यातील बाजारपेठेत मोठ्या प्रमाणावर विविध वस्तू विक्रीसाठी आल्या आहेत. त्यामध्ये बैलांसाठी निरनिराळे गोंडे, मातीचे बैल, आणि घुंगुरुच्या माळानी दुकानेही सजली आहेत.
१५ लाखांची उलाढालीची शक्यता
शहरातील बोहरा गल्लीत पोळ्यासाठीचे साहित्य विक्रीस आले आहे. खरेदीसाठी ग्रामीण भागातील आण्णा, बाबा, नाना, आबांसह सर्वांनीच शहरात हजेरी लावत आहेत. वर्षभर शेतात राबणाऱ्या बैलाला एक दिवस आराम मिळावा या उद्देशासह त्याबद्दलची कृतज्ञता व्यक्त करण्यासाठी पोळा हा सण थाटामाटात ग्रामीण भागात साजरा केला जातो. यंदा समाधानकारक पाऊस नसल्याने बाजारात काहीसी मंदी आहे. यंदा शहरात जवळपास १५ ते २० लाखांची उलाढाल होण्याची शक्यता असल्याचे विक्रेत्यांनी सांगितले.
बळीराजाची धडपड
सजावटीचा सामान पुणे, मुंबईहून मागविण्यात आला आहे. त्यात बैलांच्या पाठीवर टाकण्यासाठी रंगबिरंगी झुल, घुंगरांचा पट्टा, हिरव्या रंगाची गोंडे, पितळी घंटा, प्लास्टिकची कवड्यांच्या माळा, घुंगरांच्या माळा दाखल झाल्या आहेत. त्याचप्रमाणे पोळ्याच्या दिवशी नटूनथटून सजलेल्या आपल्या सर्जाराजाला नजर लागू नये म्हणून काळ्या धाग्यात बनविलेली दिटमणीही बाजारात दाखल झाली आहे. बैल जोडी सजवण्यासाठीचा खर्च हा कमीत कमी ५०० ते १५०० रुपयापर्यंत होत असतो. या सर्व साहित्याची खरेदीसाठी बळीराजाची धडपड सुरू झालेली दिसून येत आहे.
म. टा. प्रतिनिधी, जळगाव
अवघ्या चार दिवसांवर येऊन ठेपलेल्या बैलपोळ्याच्या खरेदीला शेतकऱ्यांकडून सुरुवात झाली आहे. शहरातील बाजारपेठ जनावरांच्या साज-सामानाने सजली आहे. शेतकऱ्यांचा मित्र असलेल्या बैलांशी कृतज्ञता व्यक्त करण्याचा हा सण आहे. बाजारपेठेत घुंगरू, झालर, दोरी, नाथे, कवळी या वस्तू दाखल झाल्या आहेत तर शेतकऱ्यांची हे सामान खरेदी करण्यासाठी गर्दी होत आहे.
भारतीय संस्कृतीनुसार श्रावणात सण, उत्सवाची उधळण होत असते. नागपंचंमी, नारळी पौर्णिमा, रक्षाबंधन, गोकुळाष्टमी यांच्यासह पोळा हा सण ग्रामीण भागात मोठ्या उत्साहात साजरा केला जातो. पोळ्यानिमित्त जळगाव जिल्ह्यातील बाजारपेठेत मोठ्या प्रमाणावर विविध वस्तू विक्रीसाठी आल्या आहेत. त्यामध्ये बैलांसाठी निरनिराळे गोंडे, मातीचे बैल, आणि घुंगुरुच्या माळानी दुकानेही सजली आहेत.
१५ लाखांची उलाढालीची शक्यता
शहरातील बोहरा गल्लीत पोळ्यासाठीचे साहित्य विक्रीस आले आहे. खरेदीसाठी ग्रामीण भागातील आण्णा, बाबा, नाना, आबांसह सर्वांनीच शहरात हजेरी लावत आहेत. वर्षभर शेतात राबणाऱ्या बैलाला एक दिवस आराम मिळावा या उद्देशासह त्याबद्दलची कृतज्ञता व्यक्त करण्यासाठी पोळा हा सण थाटामाटात ग्रामीण भागात साजरा केला जातो. यंदा समाधानकारक पाऊस नसल्याने बाजारात काहीसी मंदी आहे. यंदा शहरात जवळपास १५ ते २० लाखांची उलाढाल होण्याची शक्यता असल्याचे विक्रेत्यांनी सांगितले.
बळीराजाची धडपड
सजावटीचा सामान पुणे, मुंबईहून मागविण्यात आला आहे. त्यात बैलांच्या पाठीवर टाकण्यासाठी रंगबिरंगी झुल, घुंगरांचा पट्टा, हिरव्या रंगाची गोंडे, पितळी घंटा, प्लास्टिकची कवड्यांच्या माळा, घुंगरांच्या माळा दाखल झाल्या आहेत. त्याचप्रमाणे पोळ्याच्या दिवशी नटूनथटून सजलेल्या आपल्या सर्जाराजाला नजर लागू नये म्हणून काळ्या धाग्यात बनविलेली दिटमणीही बाजारात दाखल झाली आहे. बैल जोडी सजवण्यासाठीचा खर्च हा कमीत कमी ५०० ते १५०० रुपयापर्यंत होत असतो. या सर्व साहित्याची खरेदीसाठी बळीराजाची धडपड सुरू झालेली दिसून येत आहे.