अ‍ॅपशहर

पालिकेत येऊन आढावा घ्या!

भुसावळ नगरपालिकेत सत्ताधारी व विरोधकांमध्ये राजकारण चांगलेच तापले आहे. यात आजी व माजी आमदारांनी सक्रिय सहभाग घेतला आहे. सत्ताधारी आणि विरोधक आमनेसामने आले आहेत.

Maharashtra Times 22 May 2018, 4:00 am
भुसावळचे आमदार सावकारे व नगराध्यक्षांची मागणी
महाराष्ट्र टाइम्स.कॉम mla savkare meet and discuss with jalgaon district collector on bhusawal city condition
पालिकेत येऊन आढावा घ्या!


म. टा. प्रतिनिधी, जळगाव

भुसावळ नगरपालिकेत सत्ताधारी व विरोधकांमध्ये राजकारण चांगलेच तापले आहे. यात आजी व माजी आमदारांनी सक्रिय सहभाग घेतला आहे. सत्ताधारी आणि विरोधक आमनेसामने आले आहेत.

सत्ताधाऱ्यांच्या विरोधात माजी आमदार संतोष चौधरी यांनी उपोषण केल्यानंतर सोमवारी (दि. २१) दुपारी आमदार संजय सावकारे, नगराध्यक्ष रमण भोळे, माजी उपनराध्यक्ष युवराज लोणारी, सुनील नेवे व इतर नगरसेवकांनी जिल्हाधिकारी किशोर राजेनिंबाळकर यांनी भेट घेतली. जर कोणतीही शंका असेल तर प्रत्यक्ष भुसावळ नगरपालिका व शहरात येऊन कामाची पाहाणी करून कामाचा आढावा घ्यावा, अशी मागणी या भेटीत करण्यात आली.

भुसावळ नगरपालिकेतील विरोधी पक्ष जनाधार पक्षाच्या नेत्यांनी दि. १८ मे रोजी जिल्हाधिकारी कार्यालयासमोर भुसावळ नगरपालिकेच्या कारभारावर आक्षेप घेत उपोषण केले होते. या उपोषणात माजी आमदार संतोष चौधरी यांचा सक्रिय सहभाग होता. त्यांनी भुसावळ नगरपालिकेत झालेल्या सर्व सभा रद्द करण्याची मागणी केली होती. उपजिल्हाधिकाऱ्यांच्या आश्‍वासनानंतर त्यांनी हे उपोषण सोडले होते. यानंतर पुन्हा एकदा भुसावळ नगरपालिकेचा वाद चव्हाट्यावर आला आहे.

याच पार्श्वभूमीवर सोमवारी (दि. २१) दुपारी आमदार संजय सावकारे यांच्यासह सत्ताधारी गटांच्या नगरसेवकांनी जिल्हाधिकाऱ्यांची भेट घेऊन त्यांची बाजू स्पष्ट केली. आमदार सावकारे यांनी, ज्यांनी आमरण उपोषण केले तेच सभा होऊ देत नाहीत, अमृत योजनेबाबत सांगताना जी योजना केंद्र सरकारकडून मंजूर झाली आहे. ती कशी बेकायदेशीर आहे, असा सवालही आमदारांनी उपस्थित केला. तसेच रेल्वे हद्दीतील अतिक्रमणाचा विषयसुद्धा जिल्हाधिकाऱ्यांच्या समोर मांडला. त्यावर जिल्हाधिकाऱ्यांनी स्वत: भुसावळ येथे येऊन नगरपालिकेच्या कामाची पाहणी करावी, असे सांगण्यात आले. भाजप सत्तेवर आल्यापासून प्रत्येक बैठकीचे व्हिडीओ चित्रीकरण करण्यात येत आहे. ते कधीही उपलब्ध करून देऊ शकतो असेही आमदार सावकारे यांनी सांगितले.

पाकिट संस्कृती ‘त्यांची’च
लोकनियुक्त नगराध्यक्ष रमण भोळे म्हणाले की, भुसावळ नगरपालिकेवर भाजपची सत्ता आली. मागच्या सत्ताधाऱ्यांनी केलेल्या घाणीमुळे भुसावळ शहराचे नाव ‘घाण शहर’ म्हणून नोंदले गेले होते. ते आम्ही शहराची साफसफाई करून स्वच्छ करून घेतले. त्यामुळेच भुसावळ नगरपालिकेला स्वच्छतेचा पुरस्कार मिळाला. मात्र, ज्यांना पाकिट संस्कृतीशिवाय काहीच माहित नाही त्यांच्याकडूनच असे आरोप होऊ शकतात असेही नगराध्यक्ष भोळे म्हणाले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज