जळगाव: ज्येष्ठ नेते एकनाथ खडसे यांच्या राजीनाम्यामुळे उत्तर महाराष्ट्राच्या राजकारणावर दूरगामी परिणाम होण्याची शक्यता गृहित धरून जळगाव जिल्हा भाजपच्या कोअर कमिटीच्या वतीने आज दुपारी पक्ष कार्यालयात तातडीची बैठक आयोजित करण्यात आली होती. या बैठकीत पक्ष संघटन मजबुतीच्या दृष्टीने वरिष्ठ नेत्यांकडून चाचपणी करण्यात आली. दरम्यान, एकनाथ खडसे यांच्या स्नुषा भाजप खासदार रक्षा खडसे या बैठकीला अनुपस्थित राहिल्याने अनेकांच्या भुवया उंचावल्या. दरम्यान, पक्षाच्याच बैठकीसाठी वरिष्ठांच्या परवानगीने त्या दिल्लीत गेल्या असल्याचे गिरीश महाजन यांनी स्पष्ट केले. ( Girish Mahajan Clarify On Raksha Khadse Absence )
वाचा: 'त्यांना' कॅडबरी देऊन भाजपात घेतलं का?; खडसे करणार मोठा गौप्यस्फोट
कोअर कमिटीच्या वतीने तातडीने आयोजित करण्यात आलेल्या बैठकीला प्रांत संघटक विजय पुराणिक, माजी मंत्री गिरीश महाजन, खासदार उन्मेष पाटील, आमदार सुरेश भोळे, संजय सावकारे, मंगेश चव्हाण, चंदूलाल पटेल, माजी आमदार स्मिता वाघ, विभागीय संघटन मंत्री किशोर काळकर, महापौर भारती सोनवणे, जिल्हा परिषदेच्या अध्यक्षा रंजन पाटील, उपाध्यक्ष लालचंद पाटील आदींची उपस्थिती होती.
वाचा: सासरे राष्ट्रवादीत, सूनबाई भाजपात!; खासदार रक्षा खडसेंचं मोठं विधान
बैठकीनंतर गिरीश महाजन यांनी बैठकीसंदर्भात माहिती दिली. ते म्हणाले, आजची कोअर कमिटीची बैठक ही नियमित स्वरूपाची होती. महाराष्ट्रात फक्त जळगाव जिल्ह्यात पक्षाची कार्यकारिणी गठीत करण्याचे काम राहिले आहे. ही कार्यकारिणी गठीत करण्यापूर्वी सर्व पदाधिकारी व कार्यकर्त्यांचे म्हणणे, त्यांचे मत जाणून घेण्यासाठी हो बैठक घेतली. त्यानंतर आता जिल्ह्यातील प्रत्येक तालुकानिहाय आढावा घेऊन कार्यकारिणी जाहीर होणार आहे. पक्षसंघटन मजबुतीसाठी चाचपणी सुरू असल्याचे यावेळी गिरीश महाजन यांनी सांगितले.
वाचा: रोहिणी खडसेंना तिकीट देणं ही भाजपची खेळी; खडसेंचा गौप्यस्फोट
रक्षा खडसे पक्षाच्या बैठकीसाठी दिल्लीत
बैठकीला खासदार रक्षा खडसे अनुपस्थित असल्यासंदर्भात पत्रकारांनी विचारणा केली असता, गिरीश महाजन म्हणाले की, रक्षा खडसे काल रात्री पक्षाच्या बैठकीसाठी दिल्लीला गेल्या आहेत. त्या संदर्भात त्यांनी वरिष्ठ नेत्यांना पूर्वकल्पना देखील दिली होती. पक्षाची परवानगी घेऊनच त्या दिल्लीला गेल्या आहेत. त्यामुळे त्यांच्या अनुपस्थिती संदर्भात तर्कवितर्क लढवणे चुकीचे आहे.
दरम्यान, एकनाथ खडसे यांनी राष्ट्रवादीत प्रवेश करण्याचा निर्णय घेतल्यानंतर रक्षा खडसे यांनी मात्र आपण भाजपातच राहणार असे स्पष्ट केले होते. 'नाथाभाऊंच्या निर्णयाचे आम्हाला दुःख आहेच पण, मी भाजपकडून निवडून आले आहे आणि यापुढेही भाजपतच काम करत राहणार आहे, असे रक्षा खडसे म्हणाल्या होत्या.
वाचा: तुमचा बाप आहेराची पाकिटं पळवणारा!; दानवेंना मिळालं 'या' ठाकरी भाषेत प्रत्युत्तर
वाचा: 'त्यांना' कॅडबरी देऊन भाजपात घेतलं का?; खडसे करणार मोठा गौप्यस्फोट
कोअर कमिटीच्या वतीने तातडीने आयोजित करण्यात आलेल्या बैठकीला प्रांत संघटक विजय पुराणिक, माजी मंत्री गिरीश महाजन, खासदार उन्मेष पाटील, आमदार सुरेश भोळे, संजय सावकारे, मंगेश चव्हाण, चंदूलाल पटेल, माजी आमदार स्मिता वाघ, विभागीय संघटन मंत्री किशोर काळकर, महापौर भारती सोनवणे, जिल्हा परिषदेच्या अध्यक्षा रंजन पाटील, उपाध्यक्ष लालचंद पाटील आदींची उपस्थिती होती.
वाचा: सासरे राष्ट्रवादीत, सूनबाई भाजपात!; खासदार रक्षा खडसेंचं मोठं विधान
बैठकीनंतर गिरीश महाजन यांनी बैठकीसंदर्भात माहिती दिली. ते म्हणाले, आजची कोअर कमिटीची बैठक ही नियमित स्वरूपाची होती. महाराष्ट्रात फक्त जळगाव जिल्ह्यात पक्षाची कार्यकारिणी गठीत करण्याचे काम राहिले आहे. ही कार्यकारिणी गठीत करण्यापूर्वी सर्व पदाधिकारी व कार्यकर्त्यांचे म्हणणे, त्यांचे मत जाणून घेण्यासाठी हो बैठक घेतली. त्यानंतर आता जिल्ह्यातील प्रत्येक तालुकानिहाय आढावा घेऊन कार्यकारिणी जाहीर होणार आहे. पक्षसंघटन मजबुतीसाठी चाचपणी सुरू असल्याचे यावेळी गिरीश महाजन यांनी सांगितले.
वाचा: रोहिणी खडसेंना तिकीट देणं ही भाजपची खेळी; खडसेंचा गौप्यस्फोट
रक्षा खडसे पक्षाच्या बैठकीसाठी दिल्लीत
बैठकीला खासदार रक्षा खडसे अनुपस्थित असल्यासंदर्भात पत्रकारांनी विचारणा केली असता, गिरीश महाजन म्हणाले की, रक्षा खडसे काल रात्री पक्षाच्या बैठकीसाठी दिल्लीला गेल्या आहेत. त्या संदर्भात त्यांनी वरिष्ठ नेत्यांना पूर्वकल्पना देखील दिली होती. पक्षाची परवानगी घेऊनच त्या दिल्लीला गेल्या आहेत. त्यामुळे त्यांच्या अनुपस्थिती संदर्भात तर्कवितर्क लढवणे चुकीचे आहे.
दरम्यान, एकनाथ खडसे यांनी राष्ट्रवादीत प्रवेश करण्याचा निर्णय घेतल्यानंतर रक्षा खडसे यांनी मात्र आपण भाजपातच राहणार असे स्पष्ट केले होते. 'नाथाभाऊंच्या निर्णयाचे आम्हाला दुःख आहेच पण, मी भाजपकडून निवडून आले आहे आणि यापुढेही भाजपतच काम करत राहणार आहे, असे रक्षा खडसे म्हणाल्या होत्या.
वाचा: तुमचा बाप आहेराची पाकिटं पळवणारा!; दानवेंना मिळालं 'या' ठाकरी भाषेत प्रत्युत्तर